క్రేజీ కళ్యాణం ( Crazy Kalyanam)
Crazy Kalyanam : మలయాళ కుట్టి అనుపమ పరమేశ్వరన్ హీరోయిన్ గా తరుణ్ భాస్కర్, అఖిల్ రాజ్ ప్రధాన పాత్రల్లో తెరకెక్కిన లేటెస్ట్ కామెడీ ఎంటర్టైనర్ "క్రేజీ కళ్యాణం". బద్రప్ప గాజుల దర్శకత్వం వహించిన ఈ సినిమాను బూసమ్ జగన్ మోహన్‌ రెడ్డి ప్రతిష్టాత్మకంగా నిర్మించగా, తాజాగా థియేటర్లలో విడుదలైన ఈ సినిమా మిక్స్డ్ రివ్యూస్ తెచ్చుకుంది.
Available in:
Reviews
What critics and the public are saying about క్రేజీ కళ్యాణం ( Crazy Kalyanam)
Media Reviews
2 Avg: 6.0/10
Above Average
Crazy Kalyanam movie review
ఈ వారం థియేటర్స్ లోకి వచ్చిన చిత్రాల్లో అనుపమ పరమేశ్వరన్ ప్రధాన పాత్రలో నటించిన సినిమా ‘క్రేజీ కళ్యాణం’ కూడా ఒకటి. థియేటర్లలో ఈ సినిమా డీసెంట్ రెస్పాన్స్ అందుకుంటుంది. ఇక ఈ చిత్రంలో మెయిన్ అట్రాక్షన్ అనుపమ అనుకోవచ్చు కానీ ఇందులో ఆశ్చర్యపరిచేది మాత్రం నటుడు నరేష్ అని చెప్పాలి. తాను తన లోని నటుడ్...
ఈ వారం థియేటర్స్ లోకి వచ్చిన చిత్రాల్లో అనుపమ పరమేశ్వరన్ ప్రధాన పాత్రలో నటించిన సినిమా ‘క్రేజీ కళ్యాణం’ కూడా ఒకటి. థియేటర్లలో ఈ సినిమా డీసెంట్ రెస్పాన్స్ అందుకుంటుంది. ఇక ఈ చిత్రంలో మెయిన్ అట్రాక్షన్ అనుపమ అనుకోవచ్చు కానీ ఇందులో ఆశ్చర్యపరిచేది మాత్రం నటుడు నరేష్ అని చెప్పాలి. తాను తన లోని నటుడ్ని చూపించి ఆద్యంతం ఆశ్చర్యపరుస్తారు. తన నుంచి కామెడీ టైమింగ్ తో పాటుగా ఎమోషనల్ సీన్స్ లో కూడా ఎంతో కదిలిస్తారు. అలాగే అనుపమ సహజంగా నటించి మెప్పించింది.
అయితే మంచి ఎంటర్టైనర్ గా సాగాల్సిన ఈ సినిమాని అనవసరంగా సాగదీసినట్టు అనిపిస్తుంది. ముఖ్యంగా సెకండాఫ్ లో సినిమాని బాగా సాగదీశారు. అనవసరమైన ఇరికించినట్టుగా ఇక్కడ అనిపిస్తుంది. ఇక మొత్తంగా చూస్తే.. ‘క్రేజీ కళ్యాణం’ కొంతమేరకు మంచి ఫన్ అందించే ఫ్యామిలీ డ్రామాగా నిలిచింది. ఫస్టాఫ్ లో కామెడీ బాగా వర్కౌట్ అయ్యింది. అలాగే నటుడు పెర్ఫామెన్స్ కూడా సినిమాలో మరో హైలైట్ గా నిలిచింది. కానీ పట్టు లేని సెకండాఫ్, లాజిక్ లేని కొన్ని సన్నివేశాలు సినిమాలో పొటెన్షియల్ ని దెబ్బ తీశాయి. వీటితో ఈ చిత్రం కొంత మేరే ఓకే అనిపిస్తుంది.
Above Average
Crazy kalyanam movie review
తెలంగాణ నేపథ్యంతో దర్శకుడు బద్రప్ప గాజుల రాసుకొన్న ఫ్యామిలీ డ్రామాలో ట్విస్టులు, టర్నింగ్‌లు, సంచలనాలు లేకుండా ఫన్, ఎమోషన్స్, ఫ్యామిలీ అఫైర్స్‌తో సింపుల్‌గా రన్ చేసే ప్రయత్నం బాగుంటుంది. ఫస్టాఫ్‌లో ఇంకా బలమైన సన్నివేశాలు, ఎమోషనల్ డ్రామాను నడిపి ఉంటే బెటర్‌గా ఉండేది. అయితే ఫస్టాఫ్‌ను కామెడీకి పెద్ద ప...
తెలంగాణ నేపథ్యంతో దర్శకుడు బద్రప్ప గాజుల రాసుకొన్న ఫ్యామిలీ డ్రామాలో ట్విస్టులు, టర్నింగ్‌లు, సంచలనాలు లేకుండా ఫన్, ఎమోషన్స్, ఫ్యామిలీ అఫైర్స్‌తో సింపుల్‌గా రన్ చేసే ప్రయత్నం బాగుంటుంది. ఫస్టాఫ్‌లో ఇంకా బలమైన సన్నివేశాలు, ఎమోషనల్ డ్రామాను నడిపి ఉంటే బెటర్‌గా ఉండేది. అయితే ఫస్టాఫ్‌ను కామెడీకి పెద్ద పీట వేసి సాధాసీదాగా నడిపించిన దర్శకుడు.. సెకండాఫ్‌లో ఎమోషనల్ కంటెంట్‌పై ఫోకస్ చేయడంతో ఆడియన్స్ సినిమాలో లీనమయ్యేలా చేసింది. చివరి 20 నిమిషాలు వీకే నరేష్‌పై నడిపించిన డ్రామా బాగా వర్కవుట్ అయింది. చివర్లో అనుపమ పరమేశ్వరన్ ఇచ్చిన ట్విస్ట్ ఫీల్‌గుడ్‌గా ఉండటంతో సినిమా సంతృప్తికరంగా ముగుస్తుంది.
ఇక ఈ సినిమాకు పూర్తిగా ఫేస్‌గా అనుపమ పరమేశ్వరన్ అని చెప్పుకోవాలి. మూవీ భారాన్నంత తన భుజాలపై మోసింది. ఫన్, లవ్, ఎమోషన్స్ ఉన్న కీర్తీ పాత్రలో ఒదిగిపోయింది. అనుపమ తర్వాత సినిమాలో బలంగా మారిన క్యారెక్టర్ పర్వతాలు. ఈ పాత్రలో వీకే నరేష్ అదరగొట్టాడు. ప్రీ క్లైమాక్స్ నుంచి చివరి సన్నివేశం వరకు ఒంటి చేత్తో నడిపించాడు. అఖిల్ రాజ్ పాత్రకు పెద్దగా స్కోప్ లేకపోయింది. తరుణ్ భాస్కర్ సినిమాకు ఎంటర్‌టైనర్‌గా పూర్తి న్యాయం చేశాడు. మిగితా పాత్రల్లో నటించిన వారంతా ఫర్వాలేదనిపించారు. ఫ్యామిలీ డ్రామా, తెలంగాణ నేపథ్యంతో వచ్చిన లవ్ స్టోరీ, కుటుంబ నేపథ్యంగా ఉన్న సినిమాలను ఇష్టపడే వారికి ఈ మూవీ తప్పకుండా నచ్చుతుంది.
Public Reviews
Avg: —No public reviews yet.
About This Movie
Story :
కథ విషయానికి వస్తే.. ఊళ్ళో మంచి పేరున్న పర్వతాలు (నరేష్ వీకే) తన పెద్ద అల్లుడు బాలరాజు (తరుణ్ భాస్కర్) కారణంగా, అతనికి ఉన్న కొన్ని అలవాట్ల వల్ల కొన్ని సార్లు పర్వతాలు పరువు పోతుంది. తన పెద్ద కూతురికి ఇలాంటి భర్తను తీసుకొచ్చినందుకు, తీవ్ర మనస్తాపంతో ఉన్న పర్వతాలు, తన చిన్న కూతురు కీర్తి (అనుపమ పరమేశ్వరన్)కు మంచి భర్తను తీసుకురావాలని కలలు కంటుంటాడు. కానీ బాగా చదువుకున్న కీర్తి తన చిన్ననాటి ఫ్రెండ్ ఉదయ్ (అఖిల్ రాజ్)తో ప్రేమలో ఉంటుంది. ఈ క్రమంలో కూతురుకు పెళ్లి చేయాలని ఓ సాఫ్ట్‌వేర్ ఉద్యోగితో పెళ్లికి సిద్ధం చేస్తే, తన ప్రేమ గురించి తండ్రికి చెప్తే, పర్వతాలు ఆగ్రహంతో తాను డిసైడ్ చేసినవాడితోనే పెళ్లి జరిపిస్తానని పంతం పడతాడు. దీంతో కీర్తి ఉదయ్ తో పారిపోయి పెళ్లి చేసుకోవడానికి ప్లాన్ చేస్తుంది. మరి మరి కీర్తీకి తాను ప్రేమించిన అబ్బాయితో పెళ్లి జరుగుతుందా లేదా? మరి పర్వతాలు కూతురు ప్రేమను అర్ధం చేసుకుంటాడా? మధ్యలో బాలరాజు కథేంటి? అనేది సినిమా చూసి తెలుసుకోవాలి.
Plus Points :
నిజానికి ఈ సినిమా మీద ముందు పెద్దగా అంచనాలు లేవు కానీ, ట్రైలర్ విడుదలయ్యాక ఫ్యామిలీ ఆడియన్స్ లో మంచి క్రేజ్ వచ్చింది. పక్కా ఎంటర్టైన్మెంట్ మూవీగా తెలంగాణ గ్రామీణ నేపథ్యంలో తెరకెక్కడం వల్ల ఫ్యామిలీ ఆడియన్స్ ని ఇట్టే అట్రాక్ట్ చేసే ఛాన్స్ ఉంది. కథ పరంగా చాలా సింపుల్ స్టోరీనే కానీ, దాన్ని మంచి ఫన్ అండ్ ఫ్యామిలీ ఎలిమెంట్స్ తో తీసాడు డైరెక్టర్. ఇక ఈ సినిమాలో ముందుగా అనుపమ గురించి చెప్పుకోవాలి. చాలా రోజుల తర్వాత మంచి రోల్ పడింది తనకు. చాలా సహజంగా ఫన్ సీన్స్ తో పాటు, ఎమోషనల్ సీన్స్ లోనూ బాగా నటించింది. ఇక కీ రోల్ లో నటించిన సీనియర్ యాక్టర్ నరేష్ సినిమాకి చాలా ప్లస్ అయ్యారు. అలాగే తరుణ్ భాస్కర్ కూడా ఒక డిఫరెంట్ ఎంటర్టైనింగ్ రోల్ ని ప్లే చేసాడు. సినిమా మొత్తం మంచి విలేజ్ కామెడీ సీన్స్ తో ఎంటర్టైనింగ్ గా కొన్ని సీన్స్ తో ఎమోషనల్ గా సాగింది. అఖిల్ రాజ్ కూడా మిడిల్ క్లాస్ కుర్రాడిగా చక్కగా నటించాడు. మిగిలిన వాళ్ళు వాళ్ళ పాత్రల పరిధిమేరకు నటించారు.
Minus Points :
అయితే క్రేజీ కళ్యాణం అంటూ క్రేజీ కథను రాసుకున్న డైరెక్టర్ అంతే కేజ్రీగా స్క్రీన్ ప్లే రాసుకోలేకపోయాడు. నిజానికి సినిమా అంతా మంచి ఎంటర్టైనింగ్ గా సాగుతున్నా, సినిమా చూసాక పెద్దగా ఏ సీను గుర్తుండదు. ఎందుకంటే ప్రతి ఫన్ సీన్ ని ఎక్కడో చూసినట్టే అనిపిస్తుంది. ఫస్ట్ హాఫ్ బాగానే లాగించారు. కానీ సెకండాఫ్ ని మరీ సాగదీశారు. కొన్ని కామెడీ సీన్స్ క్రింజ్ గా అనిపించి అవసరం లేకపోయినా ఇరికించినట్టు అనిపిస్తుంది. ఇక ఎమోషనల్ సీన్స్ బాగున్నప్పటికీ అందులో డెప్త్ కనిపించలేదు. సో ఆడియన్స్ కి అంత ఫీల్ రాకపోవచ్చు. పైగా కొన్ని సీన్స్ కి పెద్దగా సింక్ అవలేదు. ఇక సినిమాలో కొన్ని పాత్రలు అంటే ఉదాహరణకు తరుణ్ భాస్కర్ పాత్ర సినిమా అంతా బాధ్యతా రహితంగా ఉండి, క్లైమాక్స్ లో మారిపోవడం అంతగా లాజిక్ లేకుండా, సరిగా ఎస్టాబ్లిష్ చేయలేదని అనిపిస్తుంది. మొత్తానికి స్క్రీన్ ప్లే ఇంకా స్ట్రాంగ్ గా రాసుకుని ఉండాల్సింది.
Technical Values :
ఇక టెక్నికల్ గా చూసుకుంటే... ప్రొడక్షన్ వాల్యూస్ డీసెంట్ గా ఉన్నాయి. మ్యూజిక్ డైరెక్టర్ సురేష్ బొబ్బిలి అందించిన సాంగ్స్ అండ్, స్కోర్ బాగున్నాయి. శ్యామ్ దూపాటి సినిమాటోగ్రఫీ ఆకట్టుకుంటుంది. గ్రామీణ వాతావరణాన్ని స్క్రీన్ పై చక్కగా ప్రెజెంట్ చేసారు. కాకపోతే ఎడిటింగ్ వర్క్ ఇంకాస్త బెటర్ గా ఉండాల్సింది. కొన్ని సాగదీత సీన్స్ ని ట్రిమ్ చేయాల్సింది. ఇక డైరెక్టర్ భద్రప్ప గాజుల రచయితగా, దర్శకుడిగా సగం మార్కులని కొట్టేసాడు. కానీ ఇంకా బాగా తీయాల్సింది. ముఖ్యంగా స్క్రీన్ ప్లే ఇంకా స్ట్రాంగ్ గా రాయాల్సింది. కొన్ని సీన్స్ లాజిక్ లెస్ గా అనిపిస్తాయి.
Final Review :
ఇక ఓవరాల్ గా "క్రేజీ కళ్యాణం" అంటూ ఆడియన్స్ ముందుకు వచ్చిన ఈ సినిమా ఒక డీసెంట్ ఫన్ ఎంటర్టైనింగ్ ఫ్యామిలీ డ్రామాగా ఆడియన్స్ ని కొంతవరకు మెప్పిస్తుంది. అనుపమ సహా మిగతా నటీనటుల పెర్ఫార్మన్స్, అలాగే కొన్ని ఫన్ ఎలిమెంట్స్ తో సినిమా రెగ్యులర్ ఆడియన్స్ కి ఈ వీకెండ్ మంచి ఆప్షన్ గా నిలుస్తుంది. కాకపోతే సరైన స్క్రీన్ ప్లే లేకపోవడం వల్ల, సాగదీత సీన్స్ వల్ల కొంత బోర్ కొట్టే అవకాశం ఉంది. అయితే పోటీలో ఉన్న ఇతర పెద్ద సినిమాల వల్ల ఈ క్రేజీ కళ్యాణం సినిమా ఎంతవరకు నిలబడుతుందో చూడాలి.
