దొంగ నా కొడుకు (Donga Naa Koduku)
Donga Naa Koduku : లిటిల్ హార్ట్స్ తో హీరోగా మారిన మౌళి హీరోగా తాజాగా నటించిన కామెడీ మూవీ DNK (దొంగనాకొడుకు). సుస్మితా శెట్టి హీరోయిన్ గా నటించిన ఈ మూవీని శ్రీను కంబాల డైరెక్ట్ చేయగా, తాజాగా థియేటర్లలో విడుదలైన ఈ మూవీ యావరేజ్ టాక్ అందుకుంటుంది.
Available in:
Reviews
What critics and the public are saying about దొంగ నా కొడుకు (Donga Naa Koduku)
Media Reviews
2 Avg: 4.5/10Below Average
Donganakoduku movie review
లిటిల్ హార్ట్స్ సినిమా తర్వాత మౌళికి ఏర్పడిన క్రేజ్ కారణంగా దొంగ నా కొడుకు సినిమాపై భారీ అంచనాలు పెరిగాయి. అయితే ఈ సినిమా విషయంలో శ్రీను కంబాల రాసుకొన్న పాయింట్ బాగుందే కానీ.. సినిమా కథను విస్తరించిన తీరు, సన్నివేశాలను డిజైన్ చేసిన తీరు అంచనాలకు దిగువన ఉన్నాయనే చెప్పాలి. కన్వినియేంట్గా రాసుకొన్న స్...
లిటిల్ హార్ట్స్ సినిమా తర్వాత మౌళికి ఏర్పడిన క్రేజ్ కారణంగా దొంగ నా కొడుకు సినిమాపై భారీ అంచనాలు పెరిగాయి. అయితే ఈ సినిమా విషయంలో శ్రీను కంబాల రాసుకొన్న పాయింట్ బాగుందే కానీ.. సినిమా కథను విస్తరించిన తీరు, సన్నివేశాలను డిజైన్ చేసిన తీరు అంచనాలకు దిగువన ఉన్నాయనే చెప్పాలి. కన్వినియేంట్గా రాసుకొన్న స్క్రీన్ ప్లే.. అర్ధం పర్థం లేకుండా జొప్పించిన సన్నివేశాలు హ్యాస్యాన్ని చాలా కష్టంగా పండించాయి. ఫస్టాఫ్లో కొన్ని సన్నివేశాలు బాగానే ఉన్నాయనిపిస్తాయి. ఇంటర్వెల్లో ఇచ్చిన ట్విస్ట్ తర్వాత.. ఆ పాయింట్ పట్టుకొని సినిమాను ఎంత లాగాలో అంత లాగి విసుగుపుట్టిస్తారు.
మౌళికి సూట్ కాని కథ, కథనాలతో చేసిన ప్రయత్నం విఫలమైందనే చెప్పాలి. మౌళి లాంటి పెర్ఫార్మెన్స్ను జాగ్రత్తగా వాడుకోకపోతే.. ఎలాంటి ఫలితం ఉంటుంద అనేది ఈ సినిమా చూస్తే అర్ధమవుతుంది. పేలవమైన కథ, కథనాలున్న ఈ సినిమాలో మౌళి నటన విషయంలో ఎలాంటి కంప్లైట్స్ కనిపించవు. ఈ సినిమాలో బాగా పెర్ఫార్మెన్స్ చేశాడు. రకరకాల గెటప్స్లో ఆకట్టుకొన్నాడు.. కానీ సినిమాకు అవేమీ ప్లస్ పాయింట్స్గా మారలేదనే చెప్పాలి. ఖర్చు విషయంలో రాజీ పడకుండా సినిమాను నిర్మించారు. కానీ కథ, కథనాలపై జాగ్రత్త తీసుకోవాల్సిందనిపించింది. జబర్దస్త్ కామెడీని ఇష్టపడే వారికి ఈ సినిమా నచ్చే అవకాశం ఉంది.
Average
Donga na koduku movie review
మౌళి మరోసారి ప్రేక్షకులను అలరించేందుకు ‘దొంగ నా కొడుకు’ (DNK) సినిమాతో వచ్చేశారు. శ్రీను కంబాల దర్శకత్వంలో తెరకెక్కిన ఈ చిత్రం ఈ రోజు విడుదల అయింది. అయితే థియేటర్లలో యావరేజ్ టాక్ అందుకుంది. క్రైౖమ్ కామెడీ బ్యాక్ డ్రాప్ లో ఓ బంగారు దుకాణంలో జరిగే రాబరీ చుట్టూ ఈ సినిమా కామెడీతో పాటు కొన్ని థ్రిల్లి...
మౌళి మరోసారి ప్రేక్షకులను అలరించేందుకు ‘దొంగ నా కొడుకు’ (DNK) సినిమాతో వచ్చేశారు. శ్రీను కంబాల దర్శకత్వంలో తెరకెక్కిన ఈ చిత్రం ఈ రోజు విడుదల అయింది. అయితే థియేటర్లలో యావరేజ్ టాక్ అందుకుంది. క్రైౖమ్ కామెడీ బ్యాక్ డ్రాప్ లో ఓ బంగారు దుకాణంలో జరిగే రాబరీ చుట్టూ ఈ సినిమా కామెడీతో పాటు కొన్ని థ్రిల్లింగ్ ఎలిమెంట్స్ తో కూడా సరదాగా సాగింది. సినిమాలో కామెడీ, ఇంటర్వెల్ బ్యాంగ్ మరియు సెకండ్ హాఫ్ లో వచ్చే కొన్ని ఎంటర్టైనింగ్ సీక్వెన్స్ లు అలరిస్తాయి. హీరో మౌళి ఓ దొంగగా సగటు జులాయి యువకుడి పాత్రలో చాలా బాగా నటించాడు.
అయితే ఈ దొంగ నా కొడుకు సినిమాలో కామెడీ మరియు సస్సెన్స్.. అలాగే కొన్ని క్రైమ్ సన్నివేశాలు బాగున్నప్పటికీ.. కథనం పూర్తి ఆసక్తి కరంగా సాగకపోవడం, సినిమా పలు చోట్ల బోర్ గా సాగడం, ఫస్ట్ హాఫ్ లో ఉన్నంత ఫన్, సెకండ్ హాఫ్ లో మిస్ అవ్వడం, అలాగే సెకండాఫ్ లో కొన్ని సన్నివేశాలు స్లోగా సాగడం సినిమాకి మైనస్ పాయింట్స్ గా నిలుస్తాయి. పైగా సినిమాలో కొన్ని సన్నివేశాల్లో నాటకీయత ఎక్కువవడంతో కథలో సహజత్వం లోపించింది. క్రైమ్ కామెడీ డ్రామాగా వచ్చిన ఈ ‘దొంగ నా కొడుకు’ (DNK) చిత్రం ఆకట్టుకోలేదు. ఐతే, మౌళితో పాటు మిగిలిన నటీనటులు తమ కామెడీ టైమింగ్ తో కొన్ని చోట్ల నవ్వించారు. కానీ, సినిమాలో పెద్దగా కథ లేకపోవడం, కథనంలో ఇంట్రెస్ట్ మిస్ కావడం, రెగ్యులర్ ట్రీట్మెంట్ వంటి అంశాలు సినిమాకి బలహీనతగా నిలిచాయి. ఓవరాల్ గా ఈ సినిమా కనెక్ట్ కాదు.
Public Reviews
Avg: —No public reviews yet.
About This Movie
Story :
కథ విషయానికి వస్తే... ఈశ్వర్ (మౌళి) బీటెక్ చదువును మధ్యలోనే ఆపేసి జులాయిగా తిరుగుతూ ఆన్లైన్ బెట్టింగ్లు ఆడుతూ.. తన పేరెంట్స్ ను కూడా టార్చర్ చేస్తూ ఉంటాడు. ఈ క్రమంలో బెట్టింగ్ లో డబ్బులు పోగొట్టుకోవడమే కాకుండా లోన్ యాప్స్ లో కూడా అప్పులు చేస్తాడు. అయితే ఇలాంటి టైం లో దీపు (సుస్మిత శెట్టి) అనే అమ్మాయితో ప్రేమలో పడతాడు. అయితే దీపు దగ్గర కూడా ఈశ్వర్ డబ్బులు, ఉంగరాలు తీసుకుంటాడు. అయితే అది కనిపెట్టిన దీపు తండ్రి ఈశ్వర్ ఇంటికి వచ్చి అతని తల్లిదండ్రుల ముందే నిలదీయడంతో ఈశ్వర్ ఆ సమస్యల నుండి ఎలాగైనా బయటపడాలని అడ్డదార్లు తొక్కుతాడు. ఈ క్రమంలో ఓ దొంగతనం కేసులో ఇన్వాల్వ్ అవుతాడు. మరి ఈ దొంగతనం కేసులో ఈశ్వర్ పోలీసులకు దొరికాడా ? ఇంతకీ దీపు ప్రేమను ఈశ్వర్ గెలుచుకున్నాడా? తనకు ఎదురైన సమస్యల నుండి ఈశ్వర్ ఎలా బయటపడ్డాడు అనేది సినిమా చూసి తెలుసుకోవాలి.
Plus Points :
ఫక్తు కామెడీ ఎంటర్టైనర్ గా తెరకెక్కిన ఈ మూవీకి కామెడీయే ప్రధాన బలంగా, ఆడియన్స్ ని నవ్వించడమే టార్గెట్ గా సాగుతుంది. క్రైౖమ్ కామెడీ బ్యాక్ డ్రాప్ లో ఇలాంటి కాన్సెప్ట్ లు బాగానే వచ్చినా, ఇది ఫ్రెష్ ఫీల్ ఇస్తుంది. అండ్ సిచ్యుయేషనల్ కామెడీతో ఆడియన్స్ ని నవ్వించే ప్రయత్నం చేసారు మేకర్స్. ఫస్ట్ హాఫ్ నుండి క్లైమాక్స్ వరకూ నవ్వించడానికి ట్రై చేశారు. ఇక హీరోగా మౌళి ఓ జులాయి యువకుడి పాత్రలో సహజంగా బాగా నటించాడు. ముఖ్యంగా క్రైమ్ సన్నివేశాల్లో ఇరుక్కునే సీన్స్ లో కూడా చాలా సెటిల్డ్ గా నటించాడు. హీరోయిన్ గా సుస్మిత శెట్టి స్క్రీన్ ప్రెజెన్స్ కూడా బాగుంది. తండ్రి పాత్రలో అలీ నటన చాలా బాగుంది. రఘుబాబు, బబ్లూ, రజిత, ప్రియా, గుండు సుదర్శన్ వాళ్ళ పాత్రల పరిధి మేరకు నటించారు.
Minus Points :
కథ పరంగా చిన్న కథనే తీసుకున్నా, దర్శకుడు దీన్ని ఎంటర్టైనింగ్ గా మలిచే ప్రయత్నం చేసాడు. అయితే ఆడియన్స్ ని ఎంగేజ్ చేసే విధంగా ఇంట్రెస్టింగ్ గా కథనాన్ని మలచలేకపోయారు. చాలా చోట్ల సినిమా బోరింగ్ గా సాగుతుంది. అప్పటికప్పుడు కొన్ని సీన్లు నవ్వించినా, ఆ తర్వాత గుర్తుండవు. ఎదో జబర్దస్త్ స్కిట్స్ ల లాగా కొన్ని సీన్స్ అనిపిస్తాయి. పైగా సినిమాలో ఆర్టిస్టులు సహజంగా నటించినా, కథనంలో సహజత్వం లోపించింది. అలాగే కొన్ని రాబరీ ప్లాన్స్ ను, మరియు క్లైమాక్స్ సన్నివేశాలపై దర్శకుడు శ్రీను కంబాల మరింత ఫోకస్ చేయాల్సింది. అసలు అన్నిటికి మించి స్క్రీన్ ప్లే మీద స్ట్రాంగ్ గా ఫోకస్ చేయాల్సింది. కొన్ని కామెడీ సీన్స్ లాజిక్ లేకుండా అనిపిస్తాయి.
Technical Values :
ఇక టెక్నికల్ గా చూస్తే... ప్రొడక్షన్ వాల్యూస్ బాగున్నాయి. సూర్య బాలాజీ సినిమాటోగ్రఫీ బాగుంది. సంగీత దర్శకుడు సింజిత్ యర్రమిల్లి అందించిన సంగీతం అలాగే బీజీఎమ్ కూడా బాగుంది. ఎడిటర్ శ్రీధర్ సోంపల్లి వర్క్ ఇంకా ఫోకస్ చేయాల్సింది. సాగదీత సీన్స్ ని కొన్ని ట్రిమ్ చేయాల్సింది.
Final Review :
ఓవరాల్ గా "దొంగనాకొడుకు" (DNK) అంటూ క్రైమ్ కామెడీ డ్రామాగా ఆడియన్స్ ముందుకొచ్చిన ఈ సినిమా కామెడీ పరంగా కొంతవరకు ఆకట్టుకునే ఛాన్స్ ఉంది. మౌళి సహా అందరూ నటీనటులు కామెడీ టైమింగ్ తో కొన్ని చోట్ల నవ్వించారు. కానీ సినిమాలో అసలు కథే పెద్దగా లేకపోవడం. స్క్రీన్ ప్లే కూడా ఎంగేజింగ్ గా లేకపోవడం మైనస్ అయింది. ఓవరాల్ గా రెగ్యులర్ కామెడీ మూవీస్ ఇష్టపడే ఆడియన్స్ ఓసారి ట్రై చేస్తే చేయొచ్చు.