తెలంగాణా నేపథ్యంలో "ఛాంపియన్" సినిమా తెరకెక్కగా, ఈ సినిమా కథ బైరాన్ పల్లి పోరాటం నేపథ్యంలో సాగుతుంది. ఇక కథ విషయానికి వస్తే, టాలెంటెడ్ ఫుట్‌బాల్ క్రీడాకారుడైన మైఖేల్ (రోషన్) లండన్ కి వెళ్లి, తనకు ఇష్టమైన ఫుట్ బాల్ ఆడాలని కలలు కంటాడు. ఇదే సమయంలో మరోవైపు బైరాన్‌పల్లి గ్రామంలో రజాకార్లు దాడులు చేస్తూ ఉంటారు, అయితే బైరాన్ పల్లి ప్రజలు రజాకార్లను తిప్పి కొడుతూ ఉంటారు. ఈ క్రమంలో మైఖేల్ కొన్ని నాటకీయ పరిణామాల అనంతరం బైరాన్‌పల్లి గ్రామానికి వస్తాడు. అక్కడ మైఖేల్ ఉన్న రెండు వారాలు, మరియు అక్కడ జరిగిన సంఘటనలు మైఖేల్ జీవితాన్ని ఎలాంటి మలుపు తిప్పాయి, ఇంటర్నేషనల్ స్థాయి ఫుట్‌బాల్ క్రీడాకారుడు కావాలని కలలు కన్న మైఖేల్, ఉద్యమ కారుడు అయి సాధించింది ఏమిటి?, బైరాన్ పల్లి లో రజాకార్ల దాడులను ఊరి ప్రజలతో కలిసి మైఖేల్ ఎలా ఎదుర్కొన్నాడు అనేది చిత్ర కథ. 

Technical values :

అద్వైతం లఘు చిత్రంతో ఆకట్టుకున్న ప్రదీప్ అద్వైతం నాలుగేళ్లు కష్టపడి తెరకెక్కించిన "ఛాంపియన్" సినిమాలో అతడి కష్టం ప్రతి ఫ్రేమ్ లో కనిపిస్తుంది. రోషన్, అనశ్వర రాజన్ తో పాటు కీలకపాత్రల్లో నటించిన కళ్యాణ్ చక్రవర్తి, మురళి శర్మ తదితరులు నటన పరంగా ఆకట్టుకున్నారు. అయితే ఎమోషనల్ కంటెంట్ తో సాగే కథ నేపథ్యం బాగున్నా, కథనం స్లో గా ఉండి, ప్రేక్షకులకు కాస్త బోర్ కొట్టిస్తుంది. ఇక మిక్కీ జె మేయర్ అందించిన పాటలు సినిమాకి మంచి ప్లస్ అయ్యాయి. సినిమాటోగ్రఫీ కూడా బాగుంది. అలాగే నిర్మాతలు ప్రియాంక దత్, జి.కె. మోహన్, జెమిని కిరణ్ తాము పెట్టిన ప్రతి పైసా సినిమాలో కనబడేలా చేసారు. ఓవరాల్ గా కథనం విషయంలో ప్రదీప్ మరింత శ్రమించి ఉండాల్సింది. 

Final Review : ఓవరాల్ గా ఛాంపియన్ మూవీ తెలంగాణ బైరన్ పల్లి పోరాట నేపథ్యంతో ఆకట్టుకోవడమే కాకుండా, రోషన్ ని ఓ మెట్టెక్కించిందని చెప్పాలి. అలాగే దర్శకుడిగా ప్రదీప్ అద్వైతం కూడా ఇంప్రెస్ చేసాడు. అయితే సినిమా సక్సెస్ మాత్రం ఆడియన్స్ చేతుల్లో ఉంది.