కథ విషయానికి వస్తే అనిల్ రావిపూడి అన్ని సినిమాల్లో ఉండే స్టోరీ లైన్ లాంటిదే. చాలా సింపుల్ గా ఉంటుంది. భారతీయ సెక్యూరిటీ ఏజెన్సీలో ఛీఫ్ సెక్యూరిటీ అడ్వైజర్ గా "శంకర వరప్రసాద్" (Chiranjeevi) పని చేస్తాడు. అంతే కాదు తను ఒక మోస్ట్ ఎలిజిబుల్ బ్యాచిలర్ కూడా. ఈ క్రమంలో తనకి పరిచయం అయిన అమ్మాయి శశిరేఖని తొలిచూపులోనే ఇష్టపడతాడు. అయితే శశిరేఖ ప్ పాపులర్ బిజినెస్ మ్యాగ్నెట్ అయిన "జీవిఆర్ గ్రూప్స్ కంపెనీ అధినేత (Sachin khadekar) కూతురు. అయితే మొదటి పరిచయంతోనే వరప్రసాద్ - శశిరేఖ ఇష్టపడి పెళ్లి చేసుకుంటారు. కట్ చేస్తే ఇద్దరు పిల్లలు కూడా పుడతారు. అయితే ప్రసాద్ అంటే ఇష్టం లేక శశిరేఖ తండ్రి ప్రసాద్ ని - శశిరేఖ, మరియు పిల్లల నుంచి విడదీస్తాడు. కొంతకాలం శశిరేఖకు దూరమైనా ప్రసాద్ మళ్ళీ కలుస్తాడు. మరి వీరు విడిపోవడానికి కారణాలేంటి? మళ్ళీ ఎలా కలిశారు. మధ్యలో తనకు పోటీగా వచ్చిన ఆఫీసర్ "మైనింగ్ మొఘల్ వెంకీ గౌడ" (Venkatesh) ఎంట్రీ ఇచ్చాక కథ ఎలా మారింది. ఈ క్రమంలో ఓ సస్పెండెడ్ పోలీస్ ఆఫీసర్ అయిన వీరేంద్ర పాండే (Sudev Nair) శశిరేఖని, తన పిల్లలని చంపాలని చూస్తాడు.  ఫైనల్ గా ఏం జరిగిందన్నదే కథ. 

Plus & Minus Points  :  మాములుగా అనిల్ రావిపూడి సినిమాల్లో పెద్దగా బలమైన కథ ఉండదు. ఎంటర్టైన్మెంటే లక్ష్యంగా ఆడియన్స్ ని నవ్వించడమే ధ్యేయంగా సినిమాలు తీస్తాడు. ఇప్పుడు కూడా మన శంకర వర ప్రసాద్ ని ఎంటర్టైనర్ గా చూపించి సక్సెస్ అయ్యాడు. కమర్షియల్ గా మెగాస్టార్ చిరంజీవి సినిమాని తన కామిక్ టైమింగ్ తో ముందుండి నడిపిస్తాడు. మొదట్నుంచి చివరిదాకా హిలేరియస్ గా ఉండగా, వింటేజ్ చిరు కామెడీ హైలెట్ అవుతుంది. అలాగే వెంకటేష్ ఎంట్రీ తర్వాత సినిమా పీక్స్ కి వెళ్తుంది. చిరు, వెంకీ ఉన్న ప్రతి ఫ్రేమ్ కూడా ఫ్యాన్స్ కి ఐ ఫీస్ట్ అనే చెప్పాలి. అలాగే సచిన్ ఖడేకర్, అభినవ్ గోమటం, హర్ష వర్ధన్, కేథరిన్ వారి పాత్రల పరిధిలో బాగా చేసారు. 

మైనస్ పాయింట్స్ గురించి మాట్లాడితే ఎప్పట్లాగే అనిల్ రావిపూడి యావరేజ్ స్టోరీ లైన్ తో వచ్చాడు. కథలో కొత్తదనం ఉండదు. అలాగే చిరంజీవిలోనే కామెడీని పూర్తి స్థాయిలో పిండుకోలేదనిపిస్తుంది. అలాగే చిరు లుక్స్ విషయంలో శ్రద్ధ వహించాల్సింది. కొన్ని సీన్స్ రొటీన్ గా అనిపిస్తాయి. ఇక మ్యూజిక్ డైరెక్టర్ గా భీమ్స్ మంచి సాంగ్స్ ఇచ్చినా, బీజీఎమ్ పరంగా ఎక్స్పర్ట్ చేసినంత చేయలేదు.

Technical values : టెక్నికల్ వాల్యూస్ పరంగా చూసుకుంటే, నిర్మాణ విలువలు డీసెంట్ గానే ఉన్నాయి. కథ పరంగా భారీ బడ్జెట్ తీసే సినిమా కాదు కాబట్టి, మేకర్స్ నార్మల్ గానే బడ్జెట్ పెట్టారు. సెట్టింగ్స్ కి పెద్దగా స్కోప్ ఇవ్వలేదు. మ్యూజిక్ డైరెక్టర్ భీమ్స్ ఇచ్చిన ఫోక్ సాంగ్స్ బాగున్నాయి. అయితే అనిల్ రావిపూడి సెకండ్ హాఫ్ లో స్క్రీన్ ప్లే పరంగా కాస్త ఫోకస్ చేయాల్సింది. తమ్మిరాజు ఎడిటింగ్ బావుంది. అనిల్ రావిపూడి ఇంతకు ముందు సినిమాల్లో చూపించిన క్రింజ్ కామెడీ ఇందులో చాలా తక్కువే ఉంటుంది. మేకింగ్ క్వాలిటీ బాగుంది.