శంబాలా అనే ఓ ఊరిలో ఈ కథ నేపథ్యం నడుస్తుంది. 80వ దశకంలో శంబాల అనే ఒక చిన్న ఊరిలో ఆకస్మికంగా ఒక భారీ ఉల్క నేల రాలుతుంది. అయితే సరిగ్గా ఆ ఉల్క కింద పడిన తర్వాత రోజు నుంచే, ఆ ఊరిలో ఊహించని ఘటనలు మొదలవుతాయి. శంబాలా ఊళ్ళో జనాలందరూ మెల్లిగా ఒకరి తర్వాత మరొకరు వారి మెడ వెనుక భాగంలో ఒక బొడుపిలా వచ్చి, అది విచ్చిన్నమయి చనిపోతూ ఉంటారు. అయితే అసలు ఆ ఉల్క ఏంటి అని పరిశోధించడానికి వచ్చిన ప్రభుత్వ జియో సైంటిస్ట్ పైగా విక్రమ్ (ఆది) ఆ ఉల్కని కాపాడడానికి, అలాగే ఆ ఊరి ప్రజల సమస్య కనుక్కోవడానికి వారి సమస్యలోకి వెళ్తాడు. అప్పటినుండి విక్రమ్ కి ఎదురైన ఇబ్బందులు ఏంటి? నాస్తికుడైన విక్రమ్ కు అలాగే ఆ ఉల్క గురించిన సమస్యలో శాస్త్రానికి - సైన్స్ కి మధ్య వార్ ఎలా నడిచింది? ఆ ఊరిలో చావుల్ని విక్రమ్ ఆపగలిగాడా? లేదా? అనేది సినిమా కథ. 

Technical values : శాంబాల చిత్రం కోసం మేకర్స్ బాగానే కష్టపడినట్టు తెలుస్తుంది. ముఖ్యంగా దర్శకుడు రాసుకున్న స్టోరీ పాయింట్ ఇంట్రెస్టింగ్ గా ఉంది. పైగా కొన్ని శాస్త్రీయ, వాస్తు అంశాలకు సంబంధించిన విషయాలను అర్థం అయ్యే విధంగా చెప్పడం బాగుంది. ఆది నటన పరంగా మెప్పించడమే కాకుండా, శంబాల తో ఎట్టకేలకు సక్సెస్ అందుకున్నాడని చెప్పొచ్చు.

ఇక దర్శకుడిగా యుగంధర్ ముని తొలిసినిమాతోనే మంచి ప్రతిభని కనబరిచాడు. శ్రీ చరణ్ పాకాల నేపథ్య సంగీతం బాగుంది. అయితే కథనం పరంగా కాస్త నెమ్మదించింది. చాలా సీన్స్ ఊహాజనితంగా సాగగా, AI విజువల్స్ కాకుండా యానిమేషన్స్ వాడుకుంటే బాగుండేది అనిపిస్తుంది.

మొత్తంగా "శంబాలా" మూవీ డీసెంట్ సస్పెన్స్ థ్రిల్లర్ గా ఆడియన్స్ ని మెప్పిస్తుందని చెప్పొచ్చు. మరీ కొత్తదనం ఎక్స్పెక్ట్ చేయకుండా, సినిమాకెళ్తే ఫ్యామిలీ ఆడియన్స్ ని కూడా మెప్పిస్తుంది.