పార్వతీపురం అనే కొండ ప్రాంతం లో ఈ కథ సాగుతుంది. ఆ ఊళ్ళో ఉండే మోగ్లీ అలియాస్ మురళీ కృష్ణ పోలీస్ కావాలని కలలు గంటూ ఉంటాడు. అయితే ఆ ఊరికి సినిమా షూటింగ్ నిమిత్తం వచ్చిన ఒక మూగ, చెవిటి అమ్మాయి అయిన వర్ష అలియాస్ జాస్మిన్ (సాక్షి) తో ప్రేమలో పడతాడు. అయితే వీరి మధ్యలో స్త్రీ వ్యామోహం ఉన్న క్రూరమైన పోలీస్ ఆఫీసర్ క్రిస్టోఫర్ నోలన్ (బండి సరోజ్ కుమార్) వస్తాడు. ఆ అమ్మాయిని దక్కించుకోవడానికి ప్రయత్నిస్తాడు. ఈ క్రమంలో మోగ్లీకి ఎదురైన సవాళ్లు ఏంటి? మోగ్లీ - వర్ష ప్రేమ గెలిచిందా అనేది చిత్ర కథ.

Technical values : మోగ్లీ సినిమాలో ప్రధాన పాత్రల్లో నటించిన రోషన్ కనకాల, సాక్షి మహాదోల్కార్, బండి సరోజ్ తో పాటు వైవా హర్ష నటన పరంగా ఆకట్టుకున్నారు. అయితే దర్శకుడు సందీప్ రాజ్ ఈసారి కథనం విషయంలో తడబడ్డాడు. కథని బాగా సాగదీయగా, డైరెక్టర్ తేజ లవ్ స్టోరీస్ ని చూస్తున్న ఫీలింగ్ వస్తుంది. సినిమా లొకేషన్స్ రియలిస్టిక్ గా ఆకట్టుకోగా, కాల భైరవ సంగీతం బాగుంది. ఓవరాల్ గా సందీప్ రాజ్ కలర్ ఫోటో స్థాయిలో మెప్పిస్తాడనుకుంటే, రొటీన్ లవ్ స్టోరీ తో ప్రేక్షకులను అంతగా ఆకట్టుకోలేకపోయాడు.