శ్రీకాకుళంలోని ఓ గ్రామంలో ఈ కథ నడుస్తుంది. రమేష్ (Thiruveer) ఒక ఫోటో స్టూడియోను నడుపుతూ ఊళ్ళో పెళ్లి, మరియు ఇతర కార్యక్రమాల ఫోటోలు, వీడియోలు తీస్తూ జీవితాన్ని గడుపుతుంటాడు. అలాగే ఆ ఊళ్ళో పంచాయితీ కార్యాలయంలో పనిచేసే సెక్రెటరీ హేమ (Teena Shravya)తో ప్రేమలో పడతాడు. ఇదిలా ఉండగా, అదే గ్రామానికి చెందిన ఆనంద్ (Narendra Ravi)కి సౌందర్య (Yamini)కి పెళ్లి నిశ్చయం అవుతుంది. ఈ క్రమంలో రమేష్ తో ప్రీ వెడ్డింగ్ ఫోటో షూట్ డీల్ కుదుర్చుకొంటాడు. ఇక రమేష్ కూడా తన టాలెంట్ అంతా వాడి ఆనంద్ - సౌందర్య ప్రీ వెడ్డింగ్ షూట్ ని కెమెరాలో బాగా తీస్తాడు. కానీ ఆ ఫుటేజ్ మెమొరీ చిప్ ని రమేష్ అసిస్టెంట్ ఎక్కడో అనుకోకుండా పారేస్తాడు. ఫలితంగా ఆనంద్ - సౌందర్య పెళ్లి ఆగిపోతుంది. మరి ఆ చిప్ ని రమేష్ వెతికాడా? ఆనంద్ - సౌందర్య పెళ్లి జరిగిందా లేదా? మధ్యలో రమేష్ - హేమ లవ్ ట్రాక్ ఏంటి? అనేది సినిమా కథ. 

Plus & Minus Points : చిన్న సినిమాగా తెరకెక్కిన "ది గ్రేట్  ప్రీ వెడ్డింగ్ షో" కి కథే పెద్ద హీరో. చిన్న కథే అయినా దాన్ని డైరెక్టర్ స్క్రీన్ ప్లే తో నడిపించిన విధానం ఇంప్రెస్ చేస్తుంది. హీరో తిరువీర్ ఎప్పట్లానే తన సహజమైన నటనతో ఆకట్టుకున్నాడు. అలాగే టీనా శ్రావ్య, నరేంద్ర రవి, యామిని, చైల్డ్ ఆర్టిస్ట్ రోహన్ ఎవరి పాత్రల్లో వారు అదరగొట్టారు. సినిమా మొత్తం పక్కా విలేజ్ స్టయిల్ లో న్యాచురల్ గా సాగుతుంది. అదే సినిమాకి బిగ్గెస్ట్ ప్లస్ పాయింట్ అని చెప్పొచ్చు. 

ఇక మైనస్ పాయింట్స్ పరంగా మరీ ఎక్కువ ఏం లేవు. లెంగ్త్ పరంగా కూడా చిన్నగా ఉండగా, హీరో హీరోయిన్ లవ్ ట్రాక్ ని మరింత ఇంట్రెస్టింగ్ గా డిజైన్ చేయాల్సింది. క్లైమాక్స్ కూడా ఇంకాస్త బలంగా ఉండాల్సింది.

Technical values : యూట్యూబ్ వీడియోస్ తో ఫేమస్ అయిన దర్శకుడు రాహుల్ శ్రీనివాస్ తనకు ఫస్ట్ సినిమా అయినా కూడా తన వరకు బెస్ట్ అవుట్ ఫుట్ ని అందించాడు. ముఖ్యంగా ఎంటర్‌టైన్‌మెంట్ ఎక్కడా తగ్గకుండా జాగ్రత్త పడ్డాడు. అలాగే సురేష్ బొబ్బిలి మ్యూజిక్ కూడా బాగుంది. చిన్న సినిమా అయినా సినిమాటోగ్రఫీ చాలా బాగుంది.