కథ విషయానికి వస్తే... రాజాసాబ్ అలియాస్ రాజు (Prabhas) తన నానమ్మ గంగా దేవి (Zareena Wahab)  తో కలిసి సాధారణ జీవితం గడుపుతూ ఉంటాడు. నానమ్మకు మతిమరపు ఉన్నా, తట్టుకుని ఆమెను ప్రాణంగా చూసుకుంటూ ఉంటాడు. అయితే కథలోకి ఎంటర్ అయితే ప్రభాస్ తాత చుట్టూనే ఈ కథ తిరుగుతూ ఉంటుంది. సింపుల్ గా చెప్పాలంటే "రాజకుమారిపై మనసు పడిన ఓ స్వార్థపరుడి కథ అని చెప్పొచ్చు. ఒకప్పటి దేవనగర సామ్రాజ్య మహారాణి జమిందారీ అయిన "గంగా దేవి" తన భర్తకు అయిన కనకరాజుకు (Sanjay Dutt) దూరంగా ఉండాల్సి వస్తుంది. కనకరాజు అంటే గంగాదేవికి ఎంతో ప్రేమ. అందుకే రాజాసాబ్ తన నానమ్మ కోరిక మేరకు తాతను తీసుకురావాలని వెతుక్కుంటూ హైదరాబాద్ బయలుదేరతాడు. 

ఇదిలా ఉండగా, డబ్బునే ప్రేమించే కనకరాజు జమిందారిణి గంగా దేవిపై కన్నేసి,  ఆమెను ఎలాగైనా పెళ్లి చేసుకుని రాజ్య సంపద దోచుకోవాలని పథకం వేస్తాడు. ఈ క్రమంలో క్షుద్ర శక్తులను అవపోసన పట్టి ఆమెను వశం చేసుకుని పెళ్లి చేసుకుని సంపదతో పరారవుతాడు. ఇక వీళ్ళ కథ మధ్య గంగరాజు (Samudrakhani) పాత్ర ఏంటి, నానమ్మ కోరిక మేరకు తాతను వెతికేందుకు హైదరాబాద్ చేరుకున్న రాజా సాబ్ కి ఎలాంటి పరిస్థితులు ఎదురయ్యాయి. తన తాతతోనే ప్రభాస్ ఎందుకు యుద్ధం చేస్తాడు అన్నది మిగిలిన కథ. 

Plus & Minus Points : రాజాసాబ్ సినిమాకి బిగ్గెస్ట్ ప్లస్ పాయింట్ ప్రభాసే అనడంలో అతిశయోక్తి లేదు. సినిమా మొదట్నుంచి చివరి దాకా వన్ మ్యాన్ షో తో ముందుకు తీసుకెళ్లాడు. ప్రభాస్ లో మిస్ అయిన ఎంటర్టైన్మెంట్ ని ఈ సినిమాలో బాగా చూపించాడు మారుతి. ముఖ్యంగా క్లైమాక్స్ లో ప్రభాస్ సరికొత్తగా కనిపిస్తాడు. ఇక సంజయ్ దత్, జరీనా వాహబ్ కూడా తమ విలక్షణ నటనతో సినిమాకి ప్లస్ అయ్యారు. అలాగే సముద్రఖని, బొమర్ ఇరానీ తమ పాత్రల పరిధిమేరకు బాగానే చేసారు. సినిమాలో కోట సన్నివేశాలు మాత్రం అద్భుతంగా డిజైన్ చేసారు మేకర్స్. 

అయితే రాజాసాబ్ సినిమాకి కథ ఎంత ప్లస్సో కథనం అంత మైనస్ అయింది. స్లో నరేషన్ తో ఉండి సినిమా చూస్తున్న ప్రేక్షకుడికి చాలా ల్యాగ్ ఫీలింగ్ అనిపిస్తుంది. ఏకంగా మూడు గంటల నిడివితో ఉన్న రాజా సాబ్ లో ఫస్ట్ హాఫ్ లో ఇరికించిన కామెడీ సీన్స్ ని తీసేసి ఉంటే సినిమాకి ప్లస్ అయ్యేది. అలాగే హీరోయిన్లు మాళవికామోహనన్, నిధి అగర్వాల్, రిద్ధి కుమార్ లకు సరైన పాత్ర దక్కకపోగా, వాళ్ళు గ్లామర్ షో కోసం మాత్రమే ఉన్న భావన కలుగుతుంది. స్టోరీ విషయంలో మారుతి పెట్టిన ఫోకస్ స్క్రీన్ ప్లే పై పెట్టలేకపోయాడు.