కథ విషయానికి వస్తే... చాలా సింపుల్ గా ఉంటుంది. ఇద్దరు భామల మధ్య నలిగే పాత్ర అని ట్రైలర్ చూడగానే కథ అర్ధమైపోతుంది. ఓ వైన్ కంపనీకి ఓనర్ అయిన రామ్ సత్యనారాయణ (రవితేజ), తన భార్య బాలమణి (డింపుల్ హయాతి) తో హ్యాపీగా లైఫ్ లీడ్ చేస్తూ ఉంటాడు. ఇటు బాలామణి కూడా భర్త పట్ల అతి ప్రేమ చూపిస్తూ, ఉంటుంది. ఈ క్రమంలో రామ్ తన కంపెనీ పని మీద డీల్ కోసం తన PA లీల (వెన్నెల కిషోర్) తో  స్పెయిన్ వెళ్తాడు. అక్కడ తాను కలిసి పనిచేయాలన్న కంపెనీ ఎండి మానస (ఆషికా రంగనాథ్) తో అనుకోకుండా కమిట్ అవుతారు. అయితే అనుకోకుండా జరిగిన ఆ తప్పు రామ్ లైఫ్ ను ఎలా మార్చింది ? బాలమణి, మానస్ మధ్యన రామ్ జీవితం ఎలాంటి మలుపులు తిరిగింది. చివరికి రామ్ ఇద్దర్ని ఎలా కన్విన్స్ చేసాడన్నది కథ.

Technical values : ఇక సినిమాలో రవితేజ రెగ్యులర్ పాత్రలకు భిన్నంగా ఉన్నా తన డైలాగ్ డెలివరీ, బాడీ లాంగ్వేజ్ తో ఇంప్రెస్ చేసాడు. అలాగే హీరోయిన్లు డింపుల్ హయాతి, ఆషికా రంగనాథ్ తమ పెర్ఫార్మన్స్ తో ఆకట్టుకున్నారు. ఇక రవితేజ, వెన్నెల కిశోర్, సునీల్, సత్య మధ్య వచ్చే సీన్స్  నవ్వించాయి. మిగిలిన పాత్రలు పరిధిమేరకు ఆకట్టుకుంటాయి. 
అయితే కథ పరంగా రొటీన్ గా పాత సినిమాలు గుర్తొచ్చే విధంగా ఉండగా, స్క్రీన్ ప్లే చాలా రొటీన్ గా రెగ్యులర్ గా సాగింది. ఫుల్ ఫన్నీ వే లో ఉండాల్సిన ఈ సినిమా బోరింగ్ స్క్రీన్ ప్లే తో తేలిపోయింది. రవితేజ తన పాత్రలో మెప్పించినా పాత్ర వరకు రెగ్యులర్ గా అనిపిస్తుంది. టెక్నికల్ వాల్యూస్ పరంగా దర్శకుడు కిషోర్ తిరుమల తన టేకింగ్ తో మెప్పించినా, స్టోరీ స్క్రీన్ ప్లే బలంగా రాసుకోవడంలో విఫలమయ్యాడు.  మ్యూజిక్ డైరెక్టర్ భీమ్స్ సిసిరోలియో పాటలు పర్లేదు గాని, బీజీఎమ్ విషయంలో నిరాశపరిచాడు. ఎడిటింగ్ విషయానికి వస్తే శ్రీకర్ ప్రసాద్ కొన్ని సీన్స్ ట్రిమ్ చేయాల్సింది. నిర్మాత సుధాకర్ చెరుకూరి ఎక్కడా కాంప్రమైజ్ కాకుండా ఈ చిత్రాన్ని నిర్మించారు.

Final Review : ఓవరాల్ గా భర్త మహాశయులకు విజ్ఞప్తి కథ, కథనాల్లో విఫలమవగా, కొన్ని చోట్ల కామెడీతో ఆడియన్స్ ని టీమ్ నవ్వించారు. రవితేజ అభిమానులని సినిమా ఆకట్టుకున్నా, సాధారణ ప్రేక్షకుల్ని అంతగా మెప్పించలేదు.