కథ విషయానికి వస్తే.. కాంతారా మూవీకి ముందు జరిగిన కథగా ఈ సినిమా నేపథ్యం నడుస్తుంది. సినిమాలో కూడా కాంతార ముగింపు దగ్గరే ఈ కథ మొదలైనట్టు చూపిస్తారు. పంజుర్లి జాతర తర్వాత అడవిలో మాయమైపోయిన తన తండ్రి గురించి తెలుసుకోవడానికి శివ (రిషిబ్ శెట్టి) ప్రయత్నిస్తుంటాడు. ఈ క్రమంలో తన తండ్రి మాయం అయ్యే విషయం వెనుక వందల ఏళ్ల చరిత్ర ఉంటుందని శివకి ఊళ్ళో వారు చెప్తుంటారు. అలా శివ తన పూర్వీకుల చరిత్రను తెలుసుకుంటాడు. ఇక పూర్తి కథలోకి వెళితే కాంతార ప్రాంతం చుట్టూ రాజశేఖర అనే రాజు రాజ్యం ఉంటుంది. రాజశేఖర వంశం ఏలే కాలంలో ఆ అడవి మొత్తం వాళ్ల ఆధీనంలోనే ఉన్నా, ఆ అడవి జోలికి వెళ్లరు. ఇక కాంతారా కి చెందిన బర్మ (రిషబ్ శెట్టి) తన ప్రజల కోసం బర్మ ఏకంగా రాజ్యంలోకి వెళ్లి వ్యాపారం చేస్తుంటాడు. ఈ క్రమంలో ఓ సందర్భంలో  యువరాణి కనకావతి (రుక్మిణి వసంత్)కి దగ్గర అవుతాడు. ఆ తర్వాత ఏం జరిగింది ? కనకావతి, రాజశేఖర రాజ్యానికి బర్మ ఎలా శత్రువు అవుతాడు. వీళ్ళ పోరాటంలో గెలిచింది ఎవరు? చివరికి ఏమవుతుందనేది కథ. 
 
Technical values : కాంతారా చాప్టర్ వన్ సినిమాని హీరో రిషబ్ శేట్టియే అంతా దగ్గరుండి నడిపిస్తాడు. హీరోగా దర్శకుడిగా తన సత్తా మరోసారి చాటాడని చెప్పాలి. వందల ఏళ్ల నాటి కాంతారా కథను అద్భుతంగా తెరకెక్కించాడు దర్శకుడు. అలాగే నటుడిగా ఫస్ట్ పార్ట్ కి ఏమాత్రం తగ్గకుండా ఇందులో నటించాడు. అలాగే రిషబ్ శెట్టికి సంబంధించి మరో పాత్ర సప్రయిజ్ చేస్తుంది. అలాగే రుక్మిణి వసంత్ పాత్ర కూడా హీరోకి ఏమాత్రం తగ్గకుండా ఉంటుంది. రుక్మిణి కూడా రిషబ్ తో పోటీ పడి నటించింది. అలాగే జయరాం, గుల్షన్ దేవయ్య వారి పాత్రలో బాగానే మెప్పించారు. కథ మొదటి పార్ట్ లాగానే ఉండి ఆకట్టుకోగా, స్క్రీన్ ప్లే మాత్రం అద్భుతంగా రాసుకున్నాడు రిషబ్. 

టెక్నికల్ సినిమా అయితే నెక్స్ట్ లెవెల్లో ఉంది. దర్శకుడిగా రిషబ్ తన ఎఫర్ట్ ని సిన్సియర్ గా పెట్టాడు. దానికి తోడు అజనీష్ లోకనాథ్ మ్యూజిక్ సినిమాని నిలబెట్టడంలో హెల్ప్ అయ్యాయి. నిర్మాణ విలువలు అద్భుతంగా ఉన్నాయి. విజయ్ కిరాగందూర్ ఎక్కడ కాంప్రమైజ్ కాకుండా సినిమాని భారీ బడ్జెట్ తో తెరకెక్కించారు. అయితే సెకండ్ హాఫ్ లో స్క్రీన్ ప్లే పరంగా నెమ్మదించింది. క్లైమాక్స్ ట్విస్ట్ వరకు సినిమాకి హై రాదు. ఇక సినిమాటోగ్రఫీ వర్క్ కూడా బాగుంది.

Final Review : ఓవరాల్ గా కాంతారా చాప్టర్ 1 ఆడియన్స్ ని బాగా మెప్పిస్తుంది. కొత్తదనం ఆశించే ప్రేక్షకులతో పాటు, రెగ్యులర్ ప్రేక్షకులను కూడా ఇంప్రెస్ చేస్తుంది. రిషబ్ శెట్టి నటనతో పాటు, దర్శకుడిగానూ తన ప్రతిభతో మెప్పించారు. అలాగే రుక్మిణి వసంత్ పెర్ఫార్మన్స్, అజనీష్ లోకనాథ్ ఫెంటాస్టిక్ మ్యూజిక్ సినిమాకి బలమైంది. థియేటర్లో మస్ట్ వాచబుల్ మూవీ కాంతారా. యాక్షన్ సన్నివేశాలతో పాటు, ఎమోషన్స్ పరంగానూ ఆకట్టుకున్న ఈ మూవీ అన్ని వర్గాల ప్రేక్షకులకు కనెక్ట్ అవుతుంది.