కథ విషయానికి వస్తే.. చిన్నతనంలోనే తల్లిదండ్రులను కోల్పోయిన వరుణ్ (సిద్ధూ జొన్నలగడ్డ) అనాథగా పెరుగుతాడు. అనాధగా పెరగడం వల్ల తనకంటూ ఒక ఫ్యామిలీ కావాలని కలలుగంటూ, పెళ్లి విషయంలో చాలా క్లారిటీగా ఉంటాడు. ఈ క్రమంలో ఆల్రెడీ ఒకమ్మాయిని ప్రేమిస్తాడు.. కానీ అది బ్రేకప్ అవుతుంది. ఆ తర్వాత వరుణ్ లైఫ్ లోకి అంజలి శర్మ (రాశిఖన్నా) వస్తుంది. వీళ్ళ పరిచయం పెళ్లి వరకు వెళ్తుంది. పెళ్లి తర్వాత కొన్నాళ్ళు హ్యాపీగా లైఫ్ సాగుతుంది. కానీ అంజలికి ఓ కారణంవల్ల పిల్లలు పుట్టరని తెలుస్తుంది. ఈ క్రమంలో డాక్టర్ రాగ కుమార్ (శ్రీనిధి శెట్టి) తమకు సాయం చేస్తానని వీళ్ళ లైఫ్ లోకి వస్తుంది. అక్కడే ఓ ట్విస్ట్ రివీల్ అవుతుంది. మరి వీళ్ళ లైఫ్ లోకి వచ్చిన రాగ ఎవరు? ఆమె వచ్చిన తర్వాత వీళ్ళ లైఫ్ ఎలా సాగింది. మొత్తానికి వరుణ్ కోరుకున్న కుటుంబం దక్కిందా లేదా? అనేది సినిమా కథ.

Technical values : సినిమా విషయానికి వస్తే.. కథ చాలా సింపుల్ గా ఉంటుంది. అనాథగా ఉండే హీరో ఫ్యామిలీ కావాలనుకుంటాడు. ఇలాంటి కథలతో చాలా సినిమాలొచ్చాయి. కాకపోతే ఇందులో ఇంకో హీరోయిన్ ఎంట్రీతో కథనం మారి ట్రయాంగిల్ లవ్ స్టోరీగా మారిపోతుంది. ఇక సినిమాలో ఎప్పట్లాగే సిద్ధూ జొన్నలగడ్డ ఎనర్జిటిక్ పెర్ఫార్మన్స్ తో ఆకట్టుకున్నాడు ఆకట్టుకున్నాడు.  అలాగే హీరోయిన్స్ రాశిఖన్నా, శ్రీనిధి శెట్టి లు తమ పాత్రల్లో బాగా నటించి సినిమాకి ప్లస్ అయ్యారు. ముఖ్యంగా ఈ ముగ్గురి నడుమ జరిగే డ్రామా కొన్ని సీన్స్ మాత్రం బాగా ఆకట్టుకునే అవకాశం ఉంది. అలాగే వైవా హర్ష రోల్ సినిమాలో బాగుంది. 

అయితే సినిమాలో కోర్ లైన్ ఇంట్రెస్టింగ్ గానే ఉన్నా, ఏవో పాత సినిమాలు గుర్తొస్తూ ఉంటాయి. ఈ ప్రాసెస్ లో స్క్రీన్ ప్లే ఎంగేజింగ్ గా ఇంట్రెస్టింగ్ గా ఉండాలి గాని, ఆడియన్స్ ని కన్ఫ్యూజ్ చేస్తుంది. సిద్ధూ రోల్ తన ఫ్రెండ్ రోల్ తప్ప మిగతా రోల్స్ ఏమి కనెక్ట్ అవనట్టు ఉంటాయి. సెకండాఫ్ లో స్క్రీన్ ప్లే కూడా ఏవో పాత సినిమాల్లో ఇద్దరు భార్యల కథలోకి భర్త ఇరుక్కున్న కథల్లా కాన్సెప్ట్ అనిపిస్తుంది. కాకపోతే ఇది కొంచెం అడ్వాన్స్డ్ గా ఉంది. ఇక దర్శకురాలిగా నీరాజకోన హీరో పాత్రపైనే ఎక్కువ ఫోకస్ పెట్టినట్టు తెలుస్తుంది. హీరోయిన్ల పాత్ర ఇంకాస్త బలంగా రాసుకోవాల్సింది. నిర్మాణ విలువలు మాత్రం బాగున్నాయి. థమన్ ఇచ్చిన సాంగ్స్ పర్లేదు. బీజీఎమ్ బాగుంది. డైలాగ్స్ బాగున్నాయ్. ఫస్ట్ హాఫ్ ని ఇంకాస్త ఎడిట్ చేయాల్సింది. 

Final Review : ఇక ఓవరాల్ గా సినిమా గురించి "తెలుసు కదా" అంటే ఆడియన్స్ కి నిజంగా అంతా తెలిసిన సినిమాగానే ఉంది. ఓ రెండు ట్విస్ట్ లు మినహా కథాకథనాలు ఊహించిన విధంగానే సాగుతాయి. ఈ జనరేషన్ కి కనెక్ట్ అయ్యే కథే అయినా, స్క్రీన్ ప్లే బాగా రాసుకుంటే చాలా మందికి కనెక్ట్ అయ్యేది. అయితే సిద్ధూ ఫ్యాన్స్ కి బాగానే నచ్చుతుంది. కానీ అన్నివర్గాల ఆడియన్స్ ని అలరించడం కష్టం.