Latest Movie Reviews

సుహాస్ నటించిన "హే బలవంత్" సినిమా రీసెంట్ గా రిలీజ్ అయి మిక్స్డ్ రెస్పాన్స్ తెచ్చుకుంది. కానీ కామెడీ ఎంటర్టైనర్ కావడంతో థియేటర్లకు ఆడియన్స్ ని రప్పించే సత్తా సినిమాకుంది. హీరోహీరోయిన్లు సుహాస్, శివానీ నాగారం సహా నరేష్ కూడా ఇందులో అల్టిమేట్ పాత్ర పోషించారు. అయితే డైరెక్టర్ గోపి ఆచార కథనం విషయంలో తడబడ్డాడు. కథ స్క్రీన్ ప్లే కాస్త స్ట్రాంగ్ గా రాసుకొని ఉండాల్సింది. వివేక్ సాగర్ అందించిన సాంగ్స్ పెద్దగా ఎక్కలేదు కానీ బీజీఎమ్ విషయంలో మాత్రం న్యాయం చేశారు. ఓవరాల్‌గా సినిమా అయితే ఎక్కడా నిరాశపరచలేదు. కానీ హీరో తండ్రి ఇలాంటి కాలంలో కూడా సమాజం ఒప్పుకోలేని ఒక వ్యాపారాన్ని ఎందుకు కొనసాగించాడనే ప్రశ్న మాత్రం ఆడియన్స్‌లో మిగిలిపోతుంది. దీనికి డైరెక్టర్ ఆన్సర్ ఇచ్చారు కానీ ఆడియన్స్ దానికి పూర్తిగా కనిన్స్ కాలేకపోవచ్చు. కానీ క్లైమాక్స్‌లో నరేష్, అన్నపూర్ణ పాత్రలకి సంబంధించి ఇచ్చిన చిన్న ట్విస్ట్ మాత్రం బావుంది.

'హే బలవంత్' మూవీ కంటెంట్ విషయానికి వస్తే... కథకుడు షణ్ముఖ ప్రశాంత్ రాసుకొన్న పాయింట్.. అందులో జొప్పించిన ట్విస్టులు, టర్నులు చాలా చక్కగా ఉన్నాయి. సింపుల్ గా చెప్పాలంటే.. హే బలవంత్ సినిమాను బయటి నుంచి చూస్తే.. ఫన్, కామెడీ సినిమాగానే కనిపిస్తుంది. కానీ అంతర్లీనంగా ఈ సినిమాలో తండ్రి, కొడుకుల భావోద్వేగాలు హృదయానికి హత్తుకొనేలా ఉంటాయి. వీకే నరేష్ పెర్ఫార్మెన్స్ ఈ సినిమాకు అత్యంత బలం. సుహాస్, శివానీ కూడా మరోసారి మెచ్యుర్డ్ ఫెర్ఫార్మెన్స్ అందించారు. రైటింగ్ పరంగా, టెక్నికల్‌గా ఈ సినిమా హైలీ అప్రిషియేబుల్. కన్విన్సింగ్, కమిటెడ్‌గా కథను తెరపైకి తెచ్చారు. డైరెక్టర్ గోపి, రైటర్స్ మిథున్, షణ్ముఖ కొత్తవారైనా ప్రతీ సీన్‌లో అరిపించేశారు. ఈ సినిమా ఆద్యంతం నవ్వులతో సాగే కామెడీ సినిమా మాత్రమే కాదు.. ఓ ఎమోషనల్ జర్నీ. 100 శాతం థియేట్రికల్ ఎక్స్‌పీరియెన్స్ ఉన్న సినిమా తప్పకుండా.. సినిమా హాల్‌లోనే చూడండి.

టాలెంటెడ్ హీరో సుహాస్ నటించిన లేటెస్ట్ మూవీ “హే బలవంత్’’ (Hey Balwanth). గోపి ఆచార డైరెక్ట్ చేసిన ఈ సినిమాలో శివాని నాగారం హీరోయిన్ గా నటించింది. కామెడీ లవ్ అండ్ ఎమోషనల్ ఎంటర్ టైనర్ గా తెరకెక్కిన ఈ సినిమా వచ్చిన ఈ చిత్రంలో.. మెయిన్ థీమ్, కామెడీ సన్నివేశాలు అండ్ ఎమోషనల్ సీన్స్ బాగున్నాయి. సుహాస్, సీనియర్ నరేశ్ నటన కూడా చాలా బాగుంది. ఐతే, కొన్ని రెగ్యులర్ సీన్స్ వంటి అంశాలు సినిమాకి మైనస్ అయ్యాయి. ఓవరాల్ గా ఈ సినిమాలో కొన్ని యూత్ ఫుల్ కామెడీ అండ్ ఎమోషనల్ ఎలిమెంట్స్ మాత్రమే ఆకట్టుకుంటాయి.

చీకటిలో (Cheekatilo) అనే టైటిల్‌కే తగ్గట్టుగా సినిమా పూర్తిగా డార్క్ టోన్‌లో సాగుతుంది. స్టార్ట్ నుంచి ఎండ్ వరకు ఒక హేవీ మూడ్‌ను క్యారీ చేస్తుంది. డైరెక్టర్ Sharan Koppisetty ఈ సినిమాను కమర్షియల్ ఫార్మాట్‌లో కాకుండా కంటెంట్ డ్రివెన్ స్టైల్‌లో తీసుకెళ్లే ప్రయత్నం చేశారు. మొదటి 20–30 నిమిషాలు క్యారెక్టర్స్ సెటప్, వాతావరణ నిర్మాణం మీదే ఫోకస్ ఉంటుంది. ఈ బిల్డ్-అప్ కొంతమందికి ఆసక్తికరంగా అనిపిస్తే, మరికొంతమందికి స్లోగా అనిపించే అవకాశం ఉంది. సినిమా అసలు బలం మెయిన్ క్యారెక్టర్ చుట్టూ తిరిగే ఎమోషనల్ లేయర్స్. ఇక్కడ Sobhita Dhulipala పూర్తిగా సినిమాను మోస్తుంది. ఆమె స్క్రీన్ ప్రెజెన్స్ చాలా కంట్రోల్డ్, అండర్‌ప్లే స్టైల్‌లో ఉంటుంది. ఓవర్ డ్రామా లేకుండా కళ్లతోనే ఎక్స్‌ప్రెషన్స్ ఇవ్వడం ఆమె ప్లస్. కొన్ని సైలెంట్ సీన్స్‌లో డైలాగ్ కన్నా ఎక్స్‌ప్రెషన్ ఎక్కువ ఇంపాక్ట్ ఇస్తుంది. టెక్నికల్‌గా చూస్తే సినిమాటోగ్రఫీ హైలైట్. లో లైటింగ్, షాడో ఫ్రేమ్స్ కథకు సరిపోయే మూడ్ క్రియేట్ చేస్తాయి. బ్యాక్‌గ్రౌండ్ స్కోర్ కూడా సబ్టిల్‌గా ఉంటుంది కానీ స్క్రీన్‌ప్లే మరింత క్రిస్ప్‌గా ఉంటే థ్రిల్ ఫ్యాక్టర్ ఇంకాస్త పెరిగేది. క్లైమాక్స్ ఓకే — కానీ షాకింగ్ కాదు. మొత్తం మీద ఇది మాస్ థ్రిల్లర్ కాదు

చీకటిలో (Cheekatilo) అంటేనే డార్క్ టోన్, ఇంటెన్స్ మూడ్. అదే ఫీల్‌ని మొదటి సీన్ నుంచే సెట్ చేస్తాడు డైరెక్టర్ Sharan Koppisetty. సినిమా స్లో బర్న్ థ్రిల్లర్ స్టైల్‌లో సాగుతుంది. పెద్దగా హడావుడి లేకుండా కథ క్రమంగా డెవలప్ అవుతుంది. కానీ ఇక్కడే మైనస్ కూడా ఉంది — ఎవరైనా ఫాస్ట్ పేస్ థ్రిల్లర్ ఎక్స్‌పెక్ట్ చేస్తే కొంచెం బోర్ ఫీలయ్యే ఛాన్స్ ఉంది. మెయిన్ లీడ్‌గా Sobhita Dhulipala పూర్తిగా సినిమాను తన భుజాల మీద మోసింది. ఆమె స్క్రీన్ ప్రెజెన్స్, కూల్ కానీ ఇంటెన్స్ ఎక్స్‌ప్రెషన్స్ బాగుంటాయి. కొన్ని సైలెంట్ సీన్స్‌లో ఆమె కళ్లే మాట్లాడతాయి. కానీ కథలో ఉన్న ట్విస్టులు చాలా మందికి ప్రిడిక్టబుల్‌గా అనిపించవచ్చు. టెక్నికల్‌గా మాత్రం సినిమా క్లాస్‌గా ఉంటుంది. ఓవరాల్‌గా — స్టైలిష్ కానీ పూర్తిగా థ్రిల్ ఇవ్వని క్రైమ్ డ్రామా.

అమెజాన్ ప్రైమ్ లో రిలీజ్ అయిన చీకటిలో మూవీ లో శోభిత ధూళిపాళ మెయిన్ లీడ్ లో నటించింది. కథంతా తన చుట్టూనే తిరిగే సినిమాలో ఆమె తన నటనతో ఆకట్టుకుంది. అమ్మాయి కావడం వల్ల అనేక ఆంక్షలతో పెరిగి.. అనేక సందర్భాల్లో నోరు కట్టేసుకుని.. తన వాయిస్ బలంగా వినిపించే అవకాశం వచ్చినపుడు విజృంభించే పాత్రకు శోభిత న్యాయం చేసింది. పాత్రకు తగ్గట్లు సింపుల్ లుక్స్.. సటిల్ యాక్టింగ్ తో శోభిత మెప్పించింది. ఆమెకు జోడీగా నటించిన విశ్వదేవ్ రాచకొండ జస్ట్ ఓకే అనిపించాడు. కృష్ణచైతన్య పోలీస్ పాత్రకు న్యాయం చేశాడు. చాన్నాళ్ల తర్వాత తెలుగు తెరపై కనిపించిన సీనయిర్ నటుడు సురేష్.. ఈషా చావ్లాల గురించి ప్రత్యేకంగా చెప్పుకునేలా ఏమీ లేదు. వాళ్ల పాత్రలు అంతగా ఇంపాక్ట్ వేయలేకపోయాయి. రవీంద్ర విజయ్ క్యారెక్టర్ కూడా అంతే. వడ్లమాని శ్రీనివాస్ బాగా చేశాడు. అయితే ఓవరాల్ గా యావరేజ్ కంటెంట్ గా చీకటిలో ఒకసారి ట్రై చేయొచ్చు.

శోభిత ధూళిపాళ మెయిన్ లీడ్ గా నటించిన చీకటిలో సినిమా గురించి చెప్పాలంటే.. దర్శకుడు శరణ్ ఎంచుకొన్న పాయింట్ బాగుంది. ఇంకా బెటర్‌గా కంటెంట్‌ను డిజైన్ చేసి ఉంటే బాగుండేదనిపిస్తుంది. ఇప్పటి వరకు శోభితాను చూసిన విధానం వేరు.. ఈ సినిమాలో సంధ్య పాత్రలో ఆమె ఫుల్ మార్కులు కొట్టేసింది. సీనియర్ నటుడు సురేష్, రవీంద్ర విజయ్, ఆమని, ఝాన్సీ, చైతన్య లాంటి ఆర్టిస్టులు ఉన్నా కథలో వారి పాత్రలను బలంగా చూపించకలేకపోయారనిపిస్తుంది. ప్రీ క్లైమాక్స్ నుంచి క్లైమాక్స్ మధ్య నడిచే ట్విస్టు థ్రిల్లింగ్‌గా ఉంటుంది. ఈ సినిమాకు ఆ ఎపిసోడ్ కొంత మేరకు హైలెట్‌గా అనిపిస్తుంది. ఓవరాల్‌గా రెగ్యులర్ పాయింట్‌తో సాగే ఎమోషనల్ మర్డర్ మిస్టరీ అనే ఫీలింగ్ కలిగేలా చేస్తుంది.

అమెజాన్ ప్రైమ్ లో రిలీజ్ అయిన 'చీకటిలో' మూవీలో శోభిత క్రైమ్ జర్నలిస్ట్ గా బాగానే చేసింది. సీఐ గా నటించిన చైతన్య కృష్ణ పాత్ర కాస్తంత బలమైంది. చాలా గ్యాప్ తర్వాత ఇషాచావ్లా మరోసారి కెమెరా ముందుకొచ్చింది. స్పెషల్ ఇన్వెస్టిగేటివ్ ఆఫీసర్ గా ఆమె నటించింది. వడ్లమాని సాయి శ్రీనివాస్ పాత్ర ఇందులో భిన్నమైంది. నిజానికి ఈ సినిమాలో ప్రతిభగల నటీనటులు చాలామందే ఉన్నారు. కానీ వాళ్ళను పూర్తి స్థాయిలో దర్శకుడు శరణ్‌ కొప్పిశెట్టి ఉపయోగించుకోలేదు. శ్రీచరణ్‌ పాకాల నేపథ్య సంగీతం బాగుంది. సంభాషణలు అర్థవంతంగా ఉన్నాయి. 'తప్పు చేసి చీకట్లో దాక్కునే ఏ మృగాన్ని వదల కూడదు, మన భయం వాళ్ళకి బలంగా మారకూడదు' అనే పాయింట్ మీద తీసిన 'చీకటిలో...' మూవీ క్రైమ్, ఇన్వెస్టిగేషన్ డ్రామాస్ ను ఇష్టపడే వారికి నచ్చే ఆస్కారం ఉంది. కాకపోతే భారీ అంచనాలు మాత్రం పెట్టుకోకూడదు.

సినిమాల్లో, ముఖ్యంగా క్రైమ్ థ్రిల్లర్లలో సత్యం కోసం వెతికే జర్నలిస్ట్ అనేది ఫెమిలియర్ క్యారక్టెర్‌. OTT ప్లాట్‌ఫామ్‌లలో ట్రూ-క్రైమ్‌ జానర్‌ని బాగా ఎక్స్‌ప్లోర్‌ చేసేసిన సమయంలో ‘చీకటిలో’ సినిమా వచ్చింది. 126 నిమిషాల క్రిస్ప్‌ రన్‌టైమ్ ఉన్నప్పటికీ, ఈ సినిమా జానర్‌కి కొత్తగా ఏం యాడ్‌ చేయలేదు. తెలిసిన కథనే చెబుతున్నట్లు ఉంటుంది. చాలా సీన్స్‌ని ముందే ఊహించవచ్చు. మిస్టరీ థ్రిల్లర్ మూడ్‌, టెన్షన్‌, అట్మాస్ఫియర్‌పై ఎక్కువగా ఆధారపడి ఉంటుంది. ఇందులోని పాత్రలు, వరల్డ్‌ నేచురల్‌గా డెవలప్ అయి ఉంటే ఇంకా బాగుండేది. శ్రీచరణ్ పాకాల బ్యాక్‌గ్రౌండ్‌ మ్యూజిక్‌ చాలా సీన్స్‌ని ఎలివేట్‌ చేసింది. రైటింగ్‌ వీక్‌గా ఉన్న ప్రతి సీన్‌లో బలంగా పని చేసింది. అయితే కేవలం మ్యూజిక్‌ మాత్రమే సినిమాని కాపాడలేదు. శోభితా ధూళిపాల యాక్టింగ్‌, సోషల్లీ రిలవెంట్‌ ఐడియా పక్కనపెడితే ‘చీకటిలో’.. ఓ యావరేజ్‌ అనే ఎక్స్‌పీరియన్స్‌ ఇస్తుంది.

సీరియల్ కిల్లర్ బ్యాక్‌డ్రాప్‌లో మర్డర్ మిస్టరీ, క్రైమ్ థ్రిల్లర్ వచ్చిన సినిమాలు కోకొల్లలు. అయితే చాలా సినిమాల్లో హంతకుడు వరుస హత్యలు చేయడానికి గల కారణాలు అప్పటికే పలు సినిమాల్లో చూసినట్టు లేదా రొటీన్‌గా ఉన్నట్టు అనిపిస్తాయి. బట్, ఫర్ ఏ ఛేంజ్... 'చీకటిలో' సీరియల్ కిల్లర్ మోటివ్ డిఫరెంట్‌గా ఉంది. ఇన్నాళ్ళూ లైంగిక వేధింపులను ఒక కోణంలో చూపించారు. ఇందులో మరో కోణం తీసుకున్నారు. సినిమాకు అది డిఫరెంట్ టచ్. 'చీకటిలో' పాయింట్ కొత్తగా ఉంది. ఎండింగ్ ఎక్స్‌పెక్ట్‌ చేయని విధంగా, ప్రతి ఒక్కరి ఊహలకు అతీతంగా వెళ్ళింది. చివరి వరకు హంతకుడు ఎవరు? అనేది ఊహించడం కష్టం. మంచి ఎండింగ్ రాసుకున్న దర్శక రచయితలు రొటీన్‌గా ఈ సినిమాను స్టార్ట్ చేయడం మైనస్ పాయింట్. శోభితా ధూళిపాళ పాత్రను, వరుస హత్యలను పరిచయం చేసిన తీరు ఎటువంటి ఉత్కంఠకు గురి చేయదు. ఏ విధమైన ఆసక్తి కలిగించదు. సింపుల్ & స్ట్రైయిట్‌గా వెళుతుంది. ఓవరాల్ గా మూవీ ఒక్కసారి చూసే విధంగా ఉంది.

శోభిత ధూళిపాళ మెయిన్ లీడ్ గా నటించిన చీకటిలో మూవీ శరన్ కొప్పిశెట్టి డైరెక్ట్ చేయగా, అమెజాన్ ప్రైమ్ వీడియోలో డైరెక్ట్ గా స్ట్రీమింగ్ లోకి వచ్చేసింది. ఓవరాల్ గా మూవీ గురించి చెప్పాలంటే, ఈ ‘చీకటిలో’ సినిమా క్రైమ్ థ్రిల్లర్ లో సెటప్ ఒకింత కొత్తగా అనిపిస్తుంది. అలాగే అక్కడక్కడా కొన్ని మూమెంట్స్ ఇందులో మెప్పిస్తాయి. సంధ్య రోల్ లో శోభిత బాగా చేశారు. అంతే కాకుండా ఇందులో అంతర్లీనంగా ఉండే సందేశం కూడా ఆలోచించేలా చేస్తుంది. కానీ ఈ క్రమంలో ఓ పర్ఫెక్ట్ క్రైమ్ థ్రిల్లర్ కి కావాల్సిన మూడ్ కొంచెం మిస్ అయ్యింది. ఇంకా గ్రిప్పింగ్ అండ్ ఇంట్రెస్ట్ గా సాగే సన్నివేశాలు ఇందులో జోడించి ఉండాల్సింది. సో చీకటిలో క్రైమ్ థ్రిల్లర్ అక్కడక్కడా ఓకే అనిపిస్తుంది.

బైసన్ (Bison) ఒక రియలిస్టిక్ స్పోర్ట్స్ డ్రామాగా నిలుస్తుంది. Dhruv Vikram తన పాత్ర కోసం చేసిన శారీరక మార్పులు స్పష్టంగా కనిపిస్తాయి. దర్శకుడు Mari Selvaraj గ్రామీణ నేపథ్యాన్ని సహజంగా చూపించారు. కథలో క్రీడా ప్రపంచంలోని కష్టాలు, సామాజిక అసమానతలు ప్రధానంగా కనిపిస్తాయి. సహాయ నటీనటులు కూడా తమ పాత్రలకు న్యాయం చేశారు. సంగీతం భావోద్వేగాలను ఎలివేట్ చేస్తుంది. సినిమాటోగ్రఫీ గ్రామీణ వాతావరణాన్ని అద్భుతంగా పట్టుకుంది. కొంతవరకు కథ ముందే ఊహించగలిగినా, ప్రదర్శనలో కొత్తదనం ఉంది. సెకండ్ హాఫ్‌లో వచ్చే కీలక సన్నివేశాలు ప్రేక్షకులను కట్టిపడేస్తాయి. క్లైమాక్స్ స్ఫూర్తిదాయకంగా ఉంటుంది. మొత్తం మీద ఇది క్రీడా నేపథ్యంలో వచ్చిన ఒక శక్తివంతమైన చిత్రం. కానీ స్క్రీన్ ప్లే పరంగా అంత ఇంప్రెస్ చేయలేదు. అలాగే స్టోరీ లో కథ గేమ్ కంటే, క్యాస్ట్ గొడవల గురించే ఎక్కువ చూపించారు. ఇది కథకు మైనస్ అయింది.