Media Reviews

మలయాళ నటుడు ఫహద్ ఫాజిల్ లీడ్ రోల్‌లో నటించిన లేటెస్ట్ తెలుగు చిత్రం ‘డోంట్ ట్రబుల్ ది ట్రబుల్’. శశాంక్ ఏలేటి డైరెక్ట్ చేసిన ఈ సినిమా థియేటర్లలో మిక్స్డ్ రెస్పాన్స్ అందుకుంది. అయితే దెయ్యాలు, ఆత్మల కథలు తెలుగు సినిమాకి కొత్తేమీ కాదు. కానీ, ఈ సినిమాలో ఏం తెలియని ఓ పాప ఆత్మ చుట్టూ డ్రామా సాగుతుంది. దీనికి తోడు, ఈ సినిమాలోని హారర్ ఎఫెక్ట్స్ కూడా బాగున్నాయి. అయితే, కథనంలో కొన్ని చోట్ల కీలక సన్నివేశాలు స్లోగా సాగడం, అలాగే.. సినిమా మొదట్లో కాన్ ఫ్లిక్ట్ ఆకట్టుకునే విధంగా లేకపోవడం వంటి అంశాలు సినిమాకి మైనస్ పాయింట్స్ గా నిలిచాయి. అయితే, దర్శకుడు ఫస్ట్ హాఫ్ పై ఆసక్తిని కలిగించే ప్రయత్నం చేసినప్పటికీ… సినిమాలో కొన్ని చోట్ల లాజిక్ మిస్ అయింది.

‘డోంట్ ట్రబుల్ ది ట్రబుల్’ అంటూ వచ్చిన ఈ హారర అండ్ ఎమోషనల్ డ్రామాలో.. హారర్ అండ్ యాక్షన్ ఎలిమెంట్స్ తో పాటు పాత్రల తీరు, అలాగే వాటి ఎమోషన్స్ కూడా బాగున్నాయి. ఫాహద్ ఫాజిల్ నటన కూడా సినిమా స్థాయిని పెంచింది. ఐతే, కొన్ని చోట్ల ప్లే స్లోగా సాగడం, సెకండ్ హాఫ్ లో కొన్ని సీన్స్ లో ఇంట్రెస్ట్ మిస్ అయింది. ఓవరాల్ గా ఈ సినిమా మాత్రం కొన్ని చోట్లే ఆకట్టుకుంది.

ఫాహద్ ఫాజిల్ ఓ తెలుగు కథకి ఓకే చెప్పి.. హీరోగా పరిచయం అవుతున్నాడు అంటే అందరిలోనూ ఓ ఇంట్రెస్ట్ కలుగుతుంది. దానికి తగ్గట్టుగా రాజమౌళి, మహేష్ బాబు, ఎన్టీఆర్ వంటి వారంతా కూడా ప్రమోషన్స్‌లో తమ వంతు సాయం చేశారు. దీంతో సినిమా మీద మంచి హైప్ అయితే ఏర్పడింది. అయితే సినిమా చూసాక కథ గురించి చెప్పుకుంటే... ఓ గమ్యం అంటూ లేకుండా డబ్బు కోసం ఏ పని అయినా చేసే ఓ వ్యక్తి.. అతడికి మాత్రమే కనిపించే ఓ ఆత్మ.. ఆ ఆత్మకి ఓ ఫ్లాష్ బ్యాక్.. ఆ ఆత్మ ఈ వ్యక్తికి సాయం చేయడం.. మళ్లీ ఈ వ్యక్తి ఆ ఆత్మకి సాయం చేయడం అనే పాయింట్‌తో ఈ సినిమాని శశాంక్ రాసుకున్నాడు. అయితే ఇలాంటి కథల్ని మనం ఇది వరకే చూశామే.. అన్న ఫీలింగ్ కలుగుతుంది. ఎక్కడా ఒక్క చోట కూడా కొత్త సీన్ కనిపించదు.

లాజిక్స్ అన్నీ పక్కన పెట్టి చూద్దామన్నా కూడా ఎమోషన్ కూడా క్యారీ కాదు. ఎక్కడా కూడా అరెరె పాపం.. అయ్యో.. అన్న ఫీలింగ్ కూడా కలగదు. అయితే చిన్న పిల్లలకు అంతో ఇంతో ఈ మ్యాజిక్ నచ్చడం, దివ్య పాత్ర కనెక్ట్ అయ్యే అవకాశం ఉన్నట్టుగా కనిపిస్తుంది. ఫహాద్, సారా కాంబో సీన్స్ కొన్ని చోట్ల ఆడియెన్స్‌కి ఉపశమనం కలిగించే అవకాశం ఉంది. కథ, కథనంలోనే చాలా వరకు సోల్ మిస్ అయినట్టుగా కనిపిస్తుంది. లాజిక్స్ మిస్ అవ్వడం, ఎమోషనల్‌గా కనెక్ట్ కాలేకపోవడం మైనస్‌గా చెప్పుకోవచ్చు. చివరగా.. డోంట్ ట్రబుల్ ది ట్రబుల్ అనేది ఆడియెన్స్‌ కి చాలా వరకు ట్రబుల్ ఇచ్చేలానే ఉంటుంది. అయితే పిల్లలు మాత్రం కాస్త రిలీఫ్‌గా ఫీలై ఎంజాయ్ చేసేలా ఉంటుంది.

సస్పెన్స్ మిస్టరీ థ్రిల్లర్‌ ప్రధానంగా సాగిన (మిస్సింగ్ మేఘన) చిత్రమిది. ఇందులో లవ్‌ ట్రాక్‌ కూడా ఉంది. అయితే అదొక డిఫరెంట్‌ లవ్‌ స్టోరీ కావడం విశేషం. పెళ్లి సెట్‌ అయిన అమ్మాయి ఆ తర్వాత వేరే వ్యక్తితో ప్రేమలో పడటమనే కథలతో కొన్ని సినిమాలు వచ్చాయి. కానీ అందులోనూ ఇది కొంత భిన్నంగా ఉంటుంది. ఇక మేఘన మిస్సింగ్‌ అనేది ఇంట్రెస్టింగ్‌గా సాగుతుంది. అయితే సినిమా అర్థం కావడానికి టైమ్‌ పడుతుంది. ఫస్టాఫ్‌ చాలా వేగంగా పూర్తవుతుంది. కానీ సెకండాఫ్‌ లెంన్తీగా అనిపిస్తుంది. కార్తీక్‌ లవ్‌ ట్రాక్‌, మేఘనతో ఆయన పరిచయం రివీల్‌ కావడానికి టైమ్‌ తీసుకున్నారు. ఆ లవ్‌ ట్రాక్‌ కొత్తగా ప్రారంభమైనా, ఆ తర్వాత కొంత రొటీన్‌గా, మరికొంత బోరింగ్‌గా అనిపిస్తుంది. 

ఇక సినిమాలో మెయిన్‌ ఎమోషన్‌ మిస్‌ అయ్యింది. చాలా సీన్లు అలా వచ్చి ఇలా పోతుంటాయి. ట్విస్ట్ లు కూడా గొప్పగా వర్కౌట్‌ కాలేదు. కాకపోతే ఇంకా బాగా చేయాల్సింది. వాహ్‌ ఫ్యాక్టర్‌ విషయంలో, క్లైమాక్స్ ట్విస్ట్ విషయంలో మరింత కేర్‌ తీసుకుంటే సినిమా ఇంకా బాగుండేది. ఫైనల్ గా కొంత వరకు ఎంగేజ్‌ చేసి, ట్విస్ట్, టర్న్ లతో ఆకట్టుకునే మూవీ `మిస్సింగ్‌ మేఘన`. మిస్టరీ థ్రిల్లర్‌ చిత్రాలను ఇష్టపడేవారికి నచ్చుతుంది.

కూతురు మిస్సింగ్ నేపథ్యంలో ఓ నాన్న ఏం చేశాడు అనే కథతో వచ్చిన సినిమా మిస్సింగ్ మేఘన. వాచస్పతి ఈ సినిమాను తెరకెక్కించాడు. ఈ చిత్రాన్ని కేవలం ఒక అమ్మాయి అదృశ్యం చుట్టూ తిరిగే పాయింట్‌లా కాకుండా మర్డర్ మిస్టరీ, డ్రగ్ మాఫియా, ప్రేమకథ ఇలా రకరకాల ఎలిమెంట్స్‌ను జోడించి తీశారు. అయితే దర్శకుడు రాసుకున్న కొన్ని మలుపులు సగటు ప్రేక్షకుడికి ముందే అర్థమైపోతాయి. ముఖ్యంగా మెయిన్ విలన్ ఎవరనేది రివీల్ చేసినప్పుడు ఎలాంటి సర్‌ప్రైజ్ అనిపించదు. అలాగే క్లైమాక్స్ కూడా రొటీన్ యాక్షన్ సినిమాలను తలపిస్తాయి. 

ఇన్ని చిన్న చిన్న లోపాలు ఉన్నప్పటికీ, సెకండాఫ్‌లో ఉండే ఇన్వెస్టిగేషన్ ట్రాక్, అక్కడక్కడా వచ్చే కొన్ని థ్రిల్లింగ్ అంశాలు సినిమాను బోర్ కొట్టకుండా కాపాడాయి. క్రైమ్ కథలను ఇష్టపడే వారికి ఈ సినిమా ఒక మోస్తరుగా నచ్చుతుంది. ఎడిటర్ బసవ తన కత్తెరకు ఫస్ట్ హాఫ్‌లో కొంచెం పని చెప్పాల్సింది. సాగదీతగా అనిపించే సీన్లను కట్ చేసి ఉంటే సినిమా మరింత గ్రిప్పింగ్‌గా వచ్చేది. నిర్మాణ విలువలు కథా స్థాయికి తగ్గట్టుగా బాగానే ఉన్నాయి. ఓవరాల్ గా మిస్సింగ్ మేఘన.. డీసెంట్ థ్రిల్లర్..!

అమ్ము అభిరామి లీడ్ రోల్‌లో వచ్చిన 'మిస్సింగ్ మేఘన' ఒక డీసెంట్ అబోవ్ యావరేజ్ థ్రిల్లర్! ఒక గర్ల్ మిస్సింగ్ చుట్టూ తిరిగే ఇన్వెస్టిగేషన్ కథ ఇది. ఫస్ట్ హాఫ్ మొత్తం చాలా గ్రిప్పింగ్‌గా, పక్కా సస్పెన్స్‌తో సాగిపోతుంది. అమ్ము అభిరామి పర్ఫార్మెన్స్ అండ్ ఇన్వెస్టిగేటివ్ సీన్స్ సీట్ ఎడ్జ్‌లో కూర్చోబెడతాయి!

బ్యాక్‌గ్రౌండ్ స్కోర్, కెమెరా వర్క్ థ్రిల్లర్ మూడ్‌ని భలే క్యారీ చేశాయి. సెకండ్ హాఫ్‌లో డ్రామా కాస్త స్లో అయ్యి, కొద్దిగా ల్యాగ్ అనిపించినా... క్లైమాక్స్ ట్విస్ట్ అండ్ మెయిన్ కాన్సెప్ట్ సినిమాని సేవ్ చేశాయి!

రొటీన్ రొమాంటిక్ సీన్స్ పక్కన పెడితే... థ్రిల్లర్ జానర్, ఇన్వెస్టిగేషన్ డ్రామాలు ఇష్టపడే ఆడియన్స్‌కి ఇది ఒక డీసెంట్ వీకెండ్ వాచ్! సినిమాలో అనవసరమైన ల్యాగ్ సీన్లు కత్తిరించి ఉంటె, సినిమా ఇంకాస్త క్రిస్పీ గా, ఎంగేజింగ్ గా ఉండేది. చివరిగా మిస్సింగ్ మేఘన థ్రిల్లర్ లవర్స్ కి నచ్చే అటెంప్ట్. 

‘మిస్సింగ్ మేఘన’ మూవీ యావరేజ్ రివ్యూ: నటి అమ్ము అభిరామి ప్రధాన పాత్రలో, నూతన దర్శకుడు వాచస్పతి జొన్నలగడ్డ తెరకెక్కించిన క్రైమ్ మిస్టరీ థ్రిల్లర్ ‘మిస్సింగ్ మేఘన’. కథలోకి వెళ్తే... ఒక అమ్మాయి అదృశ్యం కావడం, దాన్ని ఛేదించే పోలీస్ ఇన్వెస్టిగేషన్ నేపథ్యంతో ఈ చిత్రం సాగుతుంది. ఫస్ట్ హాఫ్ లో వచ్చే ఇన్వెస్టిగేషన్ సీన్లు, సస్పెన్స్ ఎలిమెంట్స్ మరియు అమ్ము అభిరామి నటన ప్రేక్షకులను బాగానే ఆకట్టుకుంటాయి. శ్యామ్ కే నాయుడు కెమెరా వర్క్ సినిమాకి మంచి లుక్ తీసుకొచ్చింది.

అయితే, ఎలాంటి క్రైమ్ థ్రిల్లర్ కైనా స్క్రీన్ ప్లే ప్రధాన బలం, కానీ సెకండ్ హాఫ్‌ని విపరీతంగా సాగదీయడం ఈ సినిమాకి పెద్ద మైనస్‌గా మారింది. ఊహకందే క్లైమాక్స్, లాజిక్ లేని సన్నివేశాలు మరియు పాతకాలపు నాటి లవ్ సీన్లు గ్రాఫ్‌ను తగ్గించేశాయి. ఓవరాల్‌గా ‘మిస్సింగ్ మేఘన’ కొత్తదనం లేని ఒక రొటీన్ క్రైమ్ థ్రిల్లర్. పెద్దగా అంచనాలు పెట్టుకోకుండా, క్రైమ్ ఇన్వెస్టిగేషన్ సినిమాలు ఇష్టపడేవారు ఈ వీకెండ్‌కి ఒకసారి క్యాజువల్‌గా చూసేయొచ్చు!

అమ్ము అభిరామి ప్రధాన పాత్రలో నూతన దర్శకుడు వాచస్పతి జొన్నలగడ్డ తెరకెక్కించిన క్రైమ్ మిస్టరీ థ్రిల్లర్ ‘మిస్సింగ్ మేఘన’. నేడు ప్రేక్షకుల ముందుకు వచ్చిన ఈ సినిమా బిలో యావరేజ్ రెస్పాన్స్ అందుకుంది. అయితే ఇలాంటి క్రైమ్ థ్రిల్లర్ల విజయం అంతా స్క్రీన్‌ప్లే, ఎగ్జిక్యూషన్ మీద ఆధారపడి ఉంటుంది. ఫస్ట్ హాఫ్ పర్వాలేదనిపించినా, సెకండ్ హాఫ్‌ను సాగదీయడం అతిపెద్ద మైనస్. రెండో భాగంలో వచ్చే కొన్ని సీన్లు, డైలాగ్స్ 2010 కాలం నాటి రొమాంటిక్ షార్ట్ ఫిలింలను గుర్తు చేస్తాయి.

మొత్తంగా చెప్పాలంటే.. ‘మిస్సింగ్ మేఘన’ కొత్తదనం లేని ఒక రొటీన్ క్రైమ్ మిస్టరీ థ్రిల్లర్. ఫస్ట్ హాఫ్‌లోని కొన్ని ఇన్వెస్టిగేషన్ సీన్లు, అమ్ము అభిరామి నటన మినహా ఆకట్టుకుంటయి. సాగదీసిన సెకండ్ హాఫ్, ఊహకందే క్లైమాక్స్, లాజిక్ లేని సీన్లు ఈ సినిమా గ్రాఫ్‌ ను తగ్గించేశాయి. క్రైమ్ థ్రిల్లర్ చిత్రాలను ఇష్టపడేవారు ఈ వీకెండ్‌కి వేరే ఆప్షన్స్ చూసుకోవడం బెటర్.

అండ్ ఇంకా సీక్రెట్ సోల్జర్ మూవీ గురించి చెప్పాలంటే గుడ్ బాగుంది మూవీ. అంటే కాన్సెప్ట్ పరంగా చాలా చాలా బాగుంది. స్పై జోనరే బట్ ఆ స్పై జోనర్ లోనే ఒక డిఫరెంట్ కాన్సెప్ట్ ఫీల్ వస్తది అన్నమాట. సో గూఢచారి కైండ్ ఆఫ్ జోనరే బట్ దాంట్లో కూడా ఒక డిఫరెంట్ కాన్సెప్ట్. ఓవరాల్ గా ఆ స్టోరీని ఎగ్జిక్యూట్ చేసిన విధానం చాలా బాగుంది. ఆ ఇంటెన్స్, ఆ సస్పెన్స్ అది కొంచెం బాగా మెయింటైన్ అయింది. ఓన్లీ స్పై అన్న జోనర్ లోనే కాకుండా ఫ్రెండ్ ఎమోషన్ ని కూడా చాలా బాగా తీసుకొని వచ్చారు. ఎందుకంటే ఓవరాల్ గా మూవీకి ఆ కాన్సెప్ట్ చాలా ఇంపార్టెంట్ అని చెప్పి లాస్ట్ కి అర్థమైంది. 

ఓవరాల్ గా స్పై జోనర్ లో ఈ ఫ్రెండ్షిప్ ఎమోషన్ ని బ్లెండ్ చేసిన విధానం అది చాలా బాగుంది. కొన్ని డైలాగ్స్ అయితే బాగున్నాయి. అండ్ ఓవరాల్ గా చెప్తున్నాను కదా కాన్సెప్ట్ అదంతా ఎగ్జిక్యూషన్ బాగుంది. బట్ అదర్ దన్ దట్ కాన్సెప్ట్ మిగతా ఎగ్జిక్యూషన్, మిగతా పాయింట్స్ అన్నీ కూడా చాలా బాగా కనెక్ట్ చేసి చాలా పర్ఫెక్ట్ గా మన ముందు పెట్టిన ఫీలింగ్ అయితే ఉంటది. ఎక్జిగ్యుట్ చేసిన తీరు అండ్ జనరల్ గా కొన్ని రిలీజియస్ కాన్ఫ్లిక్ట్స్ వాటిని కూడా చాలా బాగా టచ్ చేశారు. ఓవరాల్ గా బాగుంది. సో అదన్నమాట సిచువేషన్. సో ఈ మూవీకి జనరల్ మూవీ రేటింగ్స్ ప్రకారంగా నేను ఇచ్చే రేటింగ్ అయితే ఐ విల్ గివ్ 3.5 అవుట్ ఆఫ్ ఫైవ్. 

నిహాల్ కోదాటి, సూర్య శ్రీనివాస్ హీరోలుగా నటించిన లేటెస్ట్ చిత్రం ‘సీక్రెట్ సోల్జర్’. అక్కి విశ్వనాథ్ రెడ్డి డైరెక్ట్ చేసిన ఈ సినిమా ప్రేక్షకుల నుండి యావరేజ్ రెస్పాన్స్ దక్కించుకుంది. అయితే స్నేహం, దేశభక్తి మరియు గూఢచర్యం నేపథ్యంలో తెరకెక్కిన ఈ సినిమాలో మెయిన్ పాయింట్ బాగుంది. ప్రధానంగా చర్చించిన స్నేహానికి సంబధించిన అంశం..అలాగే ‘దేశం కోసం కొంతమంది ఎలాంటి త్యాగం చేస్తారు ?, ప్రాణం ఇచ్చి అయినా సరే దేశాన్ని ఎలా కాపాడతారనే ఇతివృత్తంతో ఈ సినిమా రూపొందించడం కూడా బాగుంది.

ఈ ‘సీక్రెట్ సోల్జర్’ సినిమాలో ఇంట్రెస్టింగ్ డ్రామా ఉన్నా.. చాలా చోట్ల ప్లే మాత్రం చాలా సింపుల్ గా సాగుతుంది. ఫస్ట్ హాఫ్ లో చాలా సీన్స్ బోర్ గా సాగాయి. ఫస్ట్ హాఫ్ ను ఇంకా బలంగా రాసుకుని ఉండాల్సింది. దీనికితోడు, అనవసరమైన ల్యాగ్ సీన్స్ కూడా ఎక్కువైపోయాయి. పైగా ఈ సినిమా స్లో నేరేషన్ తో పాటు బోరింగ్ ట్రీట్మెంట్ అండ్ ఫేక్ ఎమోషన్స్ తో సాగుతుంది. ఓవరాల్ గా ‘సీక్రెట్ సోల్జర్’ అంటూ వచ్చిన ఈ ఎమోషనల్ క్రైమ్ డ్రామాలో.. స్నేహం, దేశభక్తి వంటి అంశాలను బాగానే ఎస్టాబ్లిష్ చేశారు. కథలో కొన్ని థ్రిల్లింగ్ ఎలిమెంట్స్ ను కూడా దర్శకుడు బాగానే ప్లాన్ చేశాడు. కానీ.. స్క్రీన్ ప్లే స్లోగా సాగడం, సెకండ్ హాఫ్ లో ఇంట్రెస్టింగ్ సీన్స్ లేకపోవడం, కొన్ని కీలక సన్నివేశాల్లో లాజిక్ మిస్ కావడం వంటి అంశాలు సినిమాకి మైనస్ అయ్యాయి. మొత్తమ్మీద ఈ చిత్రం ప్రేక్షకులను అలరించలేకపోయింది.

‘సీక్రెట్ సోల్జర్’ మూవీ ట్రెండింగ్ న్యూస్ రివ్యూ: దేశం కోసం ప్రాణాలర్పించే సీక్రెట్ సోల్జర్స్, డిఫెన్స్ మిషన్ లీక్స్ మరియు ఫ్రెండ్‌షిప్ బ్యాక్‌డ్రాప్‌తో తెరకెక్కిన లేటెస్ట్ స్పై డ్రామా ‘సీక్రెట్ సోల్జర్’. కొత్త నటీనటులతో ఇంత పెద్ద రేంజ్ స్టోరీని ఎంచుకోవడం ఖచ్చితంగా మెచ్చుకోదగ్గ విషయమే. కథలో వచ్చే ట్విస్ట్ అండ్ టర్న్స్, స్పై ఏజెన్సీ మిషన్స్‌ని ప్రెజెంట్ చేసిన తీరు మరియు ఫ్రెండ్‌షిప్ జర్నీ ప్రేక్షకులను బాగానే ఎంగేజ్ చేస్తాయి. కొత్తవారైనా నటీనటులు తమ పాత్రల్లో ఒదిగిపోయారు.

అయితే స్క్రీన్ ప్లేలో లింక్‌లు, లాజిక్‌లు తీవ్రంగా మిస్ కావడం సినిమాకు ప్రధాన బలహీనతగా మారింది. ముఖ్యంగా ఒక స్పై ఏజెన్సీ అధికారుల మధ్యే సరైన కమ్యూనికేషన్ లేకపోవడం ప్రేక్షకులకు కొంత అసహజంగా అనిపిస్తుంది. ఇది ప్యూర్ స్పై యాక్షన్ ఫిల్మ్ కాకుండా ఫ్రెండ్‌షిప్ చుట్టూ తిరిగే డ్రామాగా సాగుతుంది. మొత్తంగా కథను ఇంకాస్త బలంగా రాసుకుని. స్క్రీన్ ప్లే విషయంలో ఇంకా శ్రద్ధ తీసుకుని ఉంటె ఫలితం వేరేలా ఉండేది. 

దేశం కోసం ప్రాణాలర్పించే సీక్రెట్ సోల్జర్స్, డిఫెన్స్ మిషన్ లీక్, అండ్ ఫ్రెండ్‌షిప్ కాన్సెప్ట్‌తో వచ్చిన సినిమా ‘సీక్రెట్ సోల్జర్’. కొత్త యాక్టర్స్‌తో ఇంత పెద్ద స్కేల్ ఉన్న స్పై డ్రామాను హెవీ రేంజ్‌లో ప్లాన్ చేయడం గుడ్ ఎఫర్ట్!

ఫస్ట్ హాఫ్ నుండి కథలో వచ్చే ట్విస్ట్‌లు, స్పై ఏజెన్సీ మిషన్స్, అండ్ ఫ్రెండ్‌షిప్ జర్నీని చూపించిన తీరు బాగుంది. నటీనటులు కొత్తవారైనా తమ రోల్స్‌కి న్యాయం చేశారు. కానీ, స్పై థ్రిల్లర్ అని వెళ్లిపోతే మాత్రం కొంత డిసప్పాయింట్ అవ్వక తప్పదు. స్క్రీన్ ప్లే చాలా చోట్ల లాజిక్ మిస్ అయింది. ఏజెన్సీ కమ్యూనికేషన్ లేకపోవడం, కథకి సంబంధం లేకుండా టర్న్‌లు తీసుకోవడం కొంచెం అసహజంగా అనిపిస్తాయి.

ఓవరాల్‌గా ఇది ప్యూర్ స్పై యాక్షన్ ఫిల్మ్ కాకుండా, ఫ్రెండ్‌షిప్ చుట్టూ తిరిగే ఓకే-ఒకే డ్రామా. దేశభక్తి అండ్ స్పై ఎలిమెంట్స్ ఇష్టపడేవారు ఒకసారి క్యాజువల్‌గా ట్రై చేయొచ్చు!

దేశభక్తి, దేశం కోసం సీక్రెట్‌ గా పోరాడే సైనికులు చాలా మంది ఉంటారు. అలాంటి సీక్రెట్‌ సోల్జర్స్ ని ప్రధానంగా చేసుకొని రూపొందిన మూవీ `సీక్రెట్‌ సోల్జర్`. దేశభక్తి, స్నేహాన్ని మేళవిస్తూ రూపొందించిన చిత్రమిది. నిజానికిది చాలా పెద్ద రేంజ్‌ స్టోరీ. కానీ కొత్త నటీనటులు, అప్‌కమింగ్‌ యాక్టర్స్ తో ఈ రేంజ్‌ సినిమా తీయడం విశేషమని చెప్పాలి. ఇక సినిమాలో డిఫెన్స్ కి సంబంధించిన సీక్రెట్‌ మిషన్‌ లీక్‌కి, స్నేహాన్ని ముడిపెడుతూ రూపొందించిన తీరు బాగుంది. సినిమాలోని ట్విస్ట్ లు, టర్న్ లు మరో హైలైట్‌గా నిలిచాయి. 

ఇక ఒక్కో ట్విస్ట్, అసలు కథ రివీల్‌ అవుతున్న నేపథ్యంలో సినిమాపై ఆసక్తి పెరుగుతుంది. ఓ వైపు దేశానికి సంబంధించిన స్పై ఏజెన్సీ చేసే కార్యక్రమాలు, వారు చేసే మిషన్‌ లీక్‌ కావడం వంటి అంశాలను, మరోవైపు స్నేహానికి సంబంధించిన జర్నీని ఆవిష్కరించిన తీరు బాగుంది. స్క్రీన్‌ ప్లే చాలా నీట్‌గా సాగుతుంది. అయితే ఇంత వరకు బాగానే ఉన్నా చాలా చోట్ల కథనంలో లింక్‌లు మిస్‌ అయ్యాయి. ఒక వైపు వెళ్లే కథ, మరోవైపు టర్న్ తీసుకున్నట్టుగా ఉంటుంది. చాలా చోట్ల లాజిక్‌ లు మిస్‌ అయ్యాయి. స్పై ఏజెన్సీలోనే వారికే కమ్యూనికేషన్‌ లేకపోవడమనేది కొంత అసహజంగా అనిపిస్తుంది. పాత్రల్లోని ట్విస్ట్ లు కూడా పెద్దగా పేలలేదు. కాకపోతే చాలా వరకు ఎంగేజ్‌ చేస్తుంది. కొత్త వారైనా చాలా బాగా చేశారు. ఇదొక స్పై యాక్షన్‌ ఫిల్మ్ లా కాకుండా, స్నేహం చుట్టూ కథని నడిపించడం విశేషంగా చెప్పొచ్చు. ఓవరాల్ గా దేశభక్తి ప్రధానంగా తెరకెక్కిన ఒక కొత్త తరహా చిత్రమిది. స్పై మూవీస్‌, దేశభక్తి మూవీస్‌ని ఇష్టపడే వారికి నచ్చే సినిమా అవుతుంది.