Media Reviews

అక్కినేని సుమంత్ తన సెకండ్ ఇన్నింగ్స్‌లో విభిన్న కథలను ఎంచుకుంటూ ప్రేక్షకులను ఆకట్టుకుంటున్నాడు. థ్రిల్లర్ జానర్లో ఇంట్రెస్ట్ చూపిస్తుండటంతో ఈ సినిమాలపై మంచి బజ్ ఏర్పడుతోంది. తాజాగా సుమంత్ కథానాయకుడిగా, సంతోష్ జాగర్లమూడి దర్శకత్వంలో తెరకెక్కిన మిస్టరీ థ్రిల్లర్ చిత్రం 'మహేంద్రగిరి వారాహి'. థియేటర్లలో విడుదలైన ఈ మూవీ మిక్స్డ్ రెస్పాన్స్ అందుకుంటుంది. 

ఇక సినిమాలో స్టార్టింగ్ లో, అలాగే సిద్దు జొన్నలగడ్డ కామియో పాత్ర ప్రేక్షకులలో ఆసక్తిని రేకెత్తిస్తాయి. యూట్యూబర్‌ గా సుమంత్ నటన ఈ సినిమాకు పెద్ద ప్లస్ పాయింట్. ఇంటర్వెల్ బ్యాంగ్, ప్రీ-క్లైమాక్స్, క్లైమాక్స్ సన్నివేశాలను డైరెక్టర్ చాలా ఆసక్తికరంగా మలిచారు. క్లైమాక్స్‌ లో వచ్చే ట్విస్టులు ఊహించని విధంగా ఉండి ఆకట్టుకుంటాయి. అనూప్ రూబెన్స్ మ్యూజిక్, బ్యాక్ గ్రౌండ్ మ్యూజిక్ బాగున్నాయి. ఎడిటింగ్ విషయంలో కొంచెం కత్తెర వేయాల్సిన అవసరం కనిపిస్తుంది.

అయితే స్టోరీలో కొన్ని లాజిక్‌లు లోపించడం మైనస్‌గా మారింది. స్టోరీలో దైవ ప్రభావం చివర్లోనే చూపించడం, మధ్యలో వచ్చే కొన్ని సీన్లు సాగదీసినట్లు ఉండటం సినిమా వేగాన్ని తగ్గిస్తాయి. సాంకేతిక పరంగా చూస్తే వీఎఫ్ఎక్స్ పనితనం, ఏఐ వాడకం నాణ్యంగా లేకపోవడం కొంత అసంతృప్తి కలిగిస్తుంది. ఫైనల్‌గా.. మొత్తానికి 'మహేంద్రగిరి వారాహి' సినిమా కొన్ని మంచి ఆకట్టుకునే క్షణాలతో కూడిన మిస్టరీ థ్రిల్లర్. థ్రిల్లర్ సినిమాలను ఇష్టపడేవారికి ఇది ఒకసారి చూడదగిన చిత్రం.

సినిమా విషయానికి వస్తే.. ఓ ఆలయం, ఊళ్ళో చనిపోవడం, అంతా దేవుడి వల్ల అనుకోవడం, కానీ దాని వెనక ఏదో ఉండటం.. లాంటి కథలతో కార్తికేయ, సుబ్రహ్మణ్యపురం.. లాంటి అనేక సినిమాలు వచ్చాయి. ఈ మహేంద్రగిరి వారాహి కూడా అదే కథ.

సుమంత్ చావుల వెనక రీసెర్చ్ చేసే పాత్రలో బాగానే నటించాడు. సిద్ధూ జొన్నలగడ్డ, ఐశ్వర్య రాజేష్, మాళవిక నాయర్ గెస్ట్ అప్పీరెన్స్ లు బాగుంటాయి.పాత కథే అయినా కొత్త దేవతని తీసుకొని రొటీన్ కథనంతోనే ఊహించని ట్విస్టులతో తెరకెక్కించాడు దర్శకుడు. ఎడిటింగ్ లో మాత్రం ఫస్ట్ హాఫ్ కొంత ల్యాగ్ సీన్స్ కట్ చేస్తే బెటర్. నిర్మాణ పరంగా కూడా బాగానే ఖర్చుపెట్టినట్టు తెరపై కనిపిస్తుంది.

మొత్తంగా ‘మహేంద్రగిరి వారాహి’ 200 ఏళ్ళ క్రితం రాజవంశానికి ఇచ్చిన శాపం, దాంతో జరిగే చావులతో సస్పెన్స్ డివోషనల్ థ్రిల్లర్ గా తెరకెక్కిన సినిమా. 

మహేంద్రగిరి వరాహి పేరుతో ఒక ఆసక్తికరమైన మిస్టరీ-డివోషనల్ కథను చెప్పాలనే ప్రయత్నం కనిపించినా, తెరపై ఆ మ్యాజిక్ మాత్రం పెద్దగా వర్కౌట్ కాలేదు. మొదటి నుంచే కథలోకి తీసుకెళ్లాల్సిన మిస్టరీని సాగదీస్తూ నెమ్మదిగా నడిపించడంతో ప్రేక్షకుడి సహనం పరీక్షకు గురవుతుంది. కాన్సెప్ట్‌లో ఉన్న ఆసక్తి, స్క్రీన్‌ప్లేలో కనిపించకపోవడం ప్రధాన సమస్య.

ముఖ్యంగా సెకండాఫ్‌లో కథనం మరింత గందరగోళంగా మారి, కొన్ని సన్నివేశాలు ఎందుకు వస్తున్నాయో కూడా అర్థం కాని పరిస్థితి ఎదురవుతుంది. పాత్రల ఎమోషన్స్ కూడా బలంగా కనెక్ట్ కావు. VFX, గ్రాఫిక్స్ కొన్ని కీలక సన్నివేశాల్లో ఆశించిన స్థాయిలో లేకపోవడంతో భారీగా చూపించాలనుకున్న విజువల్ ఎఫెక్ట్ తగ్గిపోయింది. నటీనటులు తమ వంతు ప్రయత్నం చేసినా, బలహీనమైన రైటింగ్‌ను పూర్తిగా కాపాడలేకపోయారు. మొత్తంగా మంచి ఐడియాను ఆసక్తికరమైన సినిమాగా మార్చడంలో మహేంద్రగిరి వరాహి తడబడింది. మిస్టరీ కోసం వెళితే నిరాశే ఎక్కువగా మిగులుతుంది.

మిస్టరీ, మైథాలజీ, థ్రిల్లర్ ఎలిమెంట్స్‌తో వచ్చిన మహేంద్రగిరి వారాహి మొదటి నుంచి ఒక ఇంట్రెస్టింగ్ వరల్డ్‌ లోకి తీసుకెళ్తుంది. సుమంత్ తన పాత్రలో సెటిల్డ్ పెర్ఫార్మెన్స్‌ తో ఆకట్టుకున్నాడు. ముఖ్యంగా సెకండాఫ్‌ లో ఆయన యాక్టింగ్, ఇన్వెస్టిగేషన్ సీన్స్ సినిమాకు ప్లస్‌ గా నిలుస్తాయి.

అయితే ఫస్ట్ హాఫ్‌ లో కథనం కొంచెం స్లోగా సాగడం, కొన్ని సీన్స్ ముందే ఊహించేలా ఉండటం మైనస్.

కథలో ఉన్న మైథాలజికల్ బ్యాక్‌ డ్రాప్, విజువల్స్, బ్యాక్‌గ్రౌండ్ స్కోర్ మంచి ఇంపాక్ట్ ఇస్తాయి. క్లైమాక్స్ వైపు వెళ్లే కొద్దీ సినిమా గ్రిప్ పెరుగుతుంది.

మొత్తానికి కొత్త కాన్సెప్ట్ టచ్ ఉన్నప్పటికీ, స్క్రీన్‌ ప్లే ఇంకా షార్ప్‌ గా ఉంటే సినిమా రేంజ్ మరింత పెరిగేది. సుమంత్ ఫ్యాన్స్, మైథాలజీ థ్రిల్లర్స్ ఇష్టపడేవారికి ఓసారి ట్రై చేయొచ్చు.

కోలీవుడ్ నటుడు సూరి, మన టాలీవుడ్ యాక్టర్ సుహాస్ కాంబినేషన్‌లో సముద్రపు పడవ పందాల నేపథ్యంలో వచ్చిన యాక్షన్ డ్రామా 'మండాడి'. కళింగపట్నంలో స్నేహితులైన ముత్తుకాళి (సూరి), సట్టా పులి (సుహాస్) పగలు, ప్రతికారాల వల్ల శత్రువులుగా మారి పడవ రేసుల్లో ఎలా తలపడ్డారనేదే ఈ చిత్ర కథ.

స్క్రీన్ ప్రెజెన్స్‌ తో సూరి అదరగొడితే, నెగిటివ్ షేడ్స్ ఉన్న రోల్‌లో సుహాస్ సరికొత్తగా మెప్పించాడు. ముఖ్యంగా జి.వి. ప్రకాష్ కుమార్ బీజీఎమ్, ఎస్.ఆర్. కథిర్ సినిమాటోగ్రఫీ, హై-వోల్టేజ్ పడవ పందాల సీక్వెన్సెస్ సినిమాకి మెయిన్ హైలైట్‌గా నిలిచాయి. అయితే, మంచి కాన్సెప్ట్ ఉన్నప్పటికీ, నెమ్మదించిన స్క్రీన్‌ప్లే, సాగదీత సన్నివేశాలు ఆడియన్స్‌కు కాస్త బోర్ కొట్టిస్తాయి. సుహాస్ అభిమానులకు ఆయన పాత్ర కొంత నిరాశ కలిగించవచ్చు.

ఫైనల్ వర్డిక్ట్: ఆకట్టుకునే నటన, మాస్ ఎలిమెంట్స్ ఉన్నా.. స్లో నెరేషన్ వల్ల ఓ మోస్తరుగా మిగిలిన యాక్షన్ డ్రామా ఇది. రెగ్యులర్ కమర్షియల్ మూవీ లవర్స్ ఒకసారి చూడొచ్చు!

ఎపిక్ సినిమా గురించి నా ఒపీనియన్ చెప్పాలంటే... నాకైతే నచ్చిందండి. ఫస్ట్ హాఫ్ కూడా బాగుంది. కానీ ప్రీ క్లైమాక్స్ అండ్ క్లైమాక్స్ అంతగా కనెక్ట్ కాలేదు. డైరెక్టర్ చెప్పాలనుకున్నదేంటో తెలియట్లేదు. బట్ స్టిల్ మూవీ నేను ఎంజాయ్ చేశాను అన్న ఫీల్ తోనే బైటికి వచ్చాను. ఒక డౌట్ ఏంటంటే ట్రైలర్ చూశాక.. కావాలని మేకర్స్ ఇలా కట్ చేసారా అన్న ఫీల్ వచ్చింది. ఎందుకంటే ట్రైలర్ కి సినిమాకి సంబంధం లేదు. 

అయితే ఈ సినిమాలో స్టోరీకి ఒక సెటప్ ఉంటుంది కదా. ఇందులో డైరెక్టర్ చేసిన ఆ సెటప్ మాస్టర్స్. ఈ కాన్సెప్ట్ నే సినిమా చుట్టూ అల్లుకున్నాడు. అయితే ఆదిత్య హాసన్ చేసిందేంటంటే... ఎదో వేరే సినిమాలు చూసి కొన్ని క్యారెక్టర్ల తీరు రాసుకున్నట్టుంటుంది. ముఖ్యంగా హీరోయిన్ రోల్ ఎలాగో ఉంటుంది. అండ్ హీరో క్యారెక్టర్ కూడా మరీ అమాయకుల్లా చూపించి, ఫారిన్ కి వచ్చేసరికి కాసేపటికే కంప్లీట్ గా మార్చేస్తారు. దానికి ఆడియన్స్ కనెక్ట్ కావచ్చు. డిస్కనెక్ట్ కావచ్చు. ఓవరాల్ గా ఒక మంచి ఫీల్ గుడ్ స్టోరీ రాసాడు. ఫైనల్ గా నేను ఎంజాయ్ చేశాను. ఎండింగ్ కి జస్ట్ ఒకే. 

సో ఎపిక్ సినిమా ఇప్పుడే చూసొస్తున్నాను. సో ముందుగా నా బిగ్గెస్ట్ క్వశ్చన్ ఏంటంటే... దీనికి 90స్ సిరీస్ కి ఏంటి సంబంధం. ఎదో ఆ పేరు వాడదాం... దాన్ని చూసి వస్తారు అని పెట్టినట్టుంది. రెండున్నర గంటల సినిమా చూసా.. నాకెక్కడ ఎక్కలే. అండ్ ఆ రిలేటెడ్ 90స్ సీన్స్ అయితే బాగున్నాయి. కానీ అవి తప్ప సినిమాలో ఏం బాలేవు. అసలు టెక్నికల్లి సినిమా అయితే నాకస్సలు నచ్చలేదు భయ్యా. సినిమాగా చూస్తే ఇదో లవ్ స్టోరీ అంటారు. కానీ లవ్ ఏం అనిపించలేదు. కనిపించలేదు. 

మొత్తం హీరోతో, హీరోయిన్ తో ఎవ్వరితోనూ కనెక్ట్ అవలేం. ప్రతి విషయాన్నీ పైన పైన టచ్ చేస్తారు కానీ, కథలో ఏముండదు. సినిమాలో అసలు హీరోకి కామన్సెన్స్ కూడా లేదు అన్నట్టు చూపించాడు. ఒక్క డైలాగ్ నచ్చలేదు. కామెడీ చాలా ట్రై చేస్తారు కానీ నచ్చలేదు. హైలెట్ ఏంటంటే హీరో హీరోయిన్ల క్యారెక్టర్ ఏది వర్కౌట్ కాదు. వాళ్ళెందుకలా సినిమాలో చేస్తారు. మూవీ ఫస్ట్ హాఫ్ మొత్తం రొమాన్స్ ఉంటది కానీ, దానికి రీసన్ చెప్పరు. ఎదో క్లైమాక్స్ లో ఎదో విషయం చెప్పి ఒప్పించడానికి ట్రై చేస్తారు. కానీ అస్సలు నచ్చలేదు. మిగతా ఆడియన్స్ గురించి ఏమో మరి. ప్రతి దానికి ఎక్క్యూజ్ ఇచ్చినట్టు ఉంటుంది కానీ... మెయిన్ గా సినిమాలో సాగదీస్తారు. దాని వల్ల ఇరిటేషన్ ఉంటుంది సినిమా. ఫైనల్ గా అస్సలు నచ్చలేదు.  

ఎపిక్... actuall గా ఈ సినిమా మీరు చూసి ఆదిత్య హాసన్ ఈ మూవీలో చెప్పాలనుకున్న పాయింట్ ఏంటో దానికి మీరు కనెక్ట్ అయితే, మీరు థియేటర్ లోంచి బైటికి వచ్చేటపుడు ఎస్... మంచి పాయింట్ చెప్పాడు. ఇది మంచి ఎపిక్ స్టోరీ అని బైటికొస్తారు. ఒకవేళ కనెక్ట్ అవకపోతే నాలాగా బైటికి వస్తారు. ఎందుకంటే సినిమాలో డైరెక్టర్ చెప్పాలనుకుంది మంచి పాయింటే. కానీ సినిమాలో దాని రిలేటెడ్ సీన్స్ నాలుగైదు కూడా కనిపించలేదు. నాకైతే నచ్చలేదు. 

ఫస్ట్ హాఫ్ లో కొన్ని సీన్స్ బాగానే మనల్ని నవ్విస్తాయి. అండ్ వైష్ణవి - ఆనంద్ మధ్యలో సీన్స్ బాగున్నాయి. అండ్ వైష్ణవి ఆ క్యారెక్టర్ లో జీవించడానికి ట్రై చేస్తుందా అన్నట్టు అనుమానం వచ్చింది. ఇక సెకండ్ హాఫ్ లో చాల సీన్స్ ల్యాగ్ గా అనిపించాయి. పైగా రొటీన్ సీన్స్ ఇలా ఉన్నాయేంట్రా అనిపించేట్టు ఉంటాయి. 

ఇక ఫాదర్ గా శివాజితో మంచి సీన్స్ క్లైమాక్స్ లో ఉన్నాయి. ఓవరాల్ గా ఏంటిరా బాబు ఇలా సాగదీస్తున్నాడు ఏంట్రా అని అనిపిస్తుంది. అండ్ హీరో అయితే బాగా నటించాడు కానీ, హీరొయిన్ రోల్ మళ్ళీ బేబీ క్యారెక్టరే చేసినట్టు ఉందని అనిపించింది మళ్ళీ. ఫైనల్ గా ఆదిత్య లో మంచి డైరెక్టర్ ఉన్నాడు కానీ. కొంచెం ల్యాగ్ పెట్టుకుని... ఎపిక్ ని గొపిక్ లా తీసాడు. 

ఇక ఎపిక్ సినిమా గురించి చెప్పాలంటే... సో.. ఫస్ట్ సినిమా గురించి మాట్లాడుకుందాం. సినిమాటిక్ పాయింట్ అఫ్ వ్యూ లో చెప్పాలంటే ఫస్ట్ హాఫ్ బానే ఉంది. మంచి జోక్స్ ఉన్నాయి. లవ్ ట్రాక్ కూడా పర్లేదు. బానే ఉంది అన్న ఫీల్ వస్తుంది. సెకండ్ హాఫ్ చాలా వరకు బోరింగ్ గా ఉంటుంది. కొన్ని మంచి మెసేజ్స్ కూడా ఉంటాయి. ఫాదర్ తో మంచి సీన్స్ ఉంటాయి. కానీ అవి తక్కువైపోయాయి. అంటే సందర్భానికి తగట్టు లేవు. అండ్ సినిమాలో క్లైమాక్స్ కూడా బాగుంది.

అండ్ సినిమాలో కొన్ని సీన్స్ ఇల్లాజికల్ గా ఉంటాయి. అండ్ ఇండియన్ కల్చర్ కి చాలా దూరంగా ఉంటాయి అవి. ఎందుకంటే వాటి వల్ల ఫ్యామిలీస్ చాలా దూరంగా ఉంటారు ఆ సీన్స్. అవి చూస్తే ఒక రకంగా బేబీ సినిమాయే బెటర్ అన్న ఫీల్ వచ్చింది. నేనేమంటున్నానంటే సినిమా అంతా బూతులు చూపించి ఇదేదో ఎపిక్ కళాఖండం అంటే ఎలా ఒప్పుకోవాలి. నేను బేసిగ్గా ఇలాంటి రివ్యూ చేస్తానని అనుకోలేదు. ఏమో గైస్... ఈ సినిమా నన్ను కొంచెం ట్రిగర్ చేసింది. ఏమో నాకైతే నచ్చలేదు. మరి మీకెలా అనిపించిందో చెప్పండి.

ఎపిక్... ఎపిక్ మూవీ ఎలా ఉందంటే... నాతోతైటే కాదండి.. అసలు ఎలా ఉందని సింపుల్ గా చెప్పాలంటే లవంగం లాంటి సినిమా... అంతే ఇక.. అసలు ఏంట్రా ఇది అన్నట్టుంది. అసలు ఇది రెలీటబుల్ సినిమా అంటే.. అన్ రెలాటబుల్ సినిమా.. కూడా కాదు.. ఇరిటటబుల్ సినిమా.. అంత ఇరిటేటింగ్ గా ఉంది. చాలా ఇల్లాజికల్ సీన్స్ ఉంటాయి. అన్నిటికి మించి హీరో కి హీరోయిన్ ఒక్క రోజులోనే పరిచయం అవుద్ది. అప్పుడే ప్రేమ ముద్దు వరకు వెళ్తుంది. పైగా రూమ్ కి కూడా వెళ్ళిపోతుంది, లివింగ్ రిలషన్షిప్ కి. 

అసలు డైరెక్టర్ ఎలా రాశాడో కూడా అర్ధం కాదు. మంచి ఫర్నిచర్స్ తో మంచి ఫ్లాట్ దొరుకుతుంది లండన్ లో హీరోకి. ఒక మిడిల్ క్లాస్ ఫ్యామిలీ హీరోకి అంత ఈజీగా ఎలా దొరుకుతాయి అన్ని... నాకైతే నాట్ పాసిబుల్ లాగానే ఉన్నాయి అన్ని సీన్లు. అండ్ హీరో కెరీర్ లో ఏదో చేద్దామని వచ్చి, రాంగ్ రూట్లోకి వచ్చి ఇరుక్కున్నట్టు చూపిస్తారు. అసలు ఇదంతా ఎందుకు.. ఏ సీన్ కూడా రియాలిటీకి తగ్గట్టు లేదు. అసలు ఈ సినిమా ఎవరికీ నచ్చుతుందంటే బేబీ లాంటి సినిమాలు ఇష్టపడే ఆడియన్స్ కి నచ్చే ఛాన్స్ ఉంటుంది. అండ్ ఈ సినిమాలో నాన్న ఎమోషన్స్ కూడా ఏదో పెట్టాలని పెట్టినట్టు ఉంది. ఓవరాల్ గా నాకు నచ్చలేదు. 

EPIC-First Semester Review: ఆనంద్ దేవరకొండ, వైష్ణవి చైతన్య జంటగా నటించిన సినిమా 'ఎపిక్‌ - ఫస్ట్‌ సెమిస్టర్‌'. 'బేబీ' వంటి బ్లాక్‌బస్టర్ హిట్ తర్వాత ఈ కాంబినేషన్ మళ్లీ కలిసి నటించడంతో ఈ చిత్రంపై భారీ అంచనాలు ఏర్పడ్డాయి. ఇక సాంగ్స్, టీజర్, ట్రైలర్ అన్నీ కూడా మంచి పాజిటివ్ బజ్‌ను క్రియేట్ చేశాయి. ఆదిత్య హాసన్ దర్శకత్వంలో తెరకెక్కిన ఈ యూత్‌ఫుల్ అండ్ లైఫ్ డ్రామా తాజాగా ప్రేక్షకుల ముందు విడుదలై మిక్స్డ్ రెస్పాన్స్ అందుకుంటుంది. డైరెక్టర్ ఆదిత్య ఈ సినిమాకు మంచి కథను ఎంచుకున్నా, ఆ కథకి తగ్గ స్క్రీన్ ప్లే రాసుకోలేకపోయాడు.

సినిమాకు అతిపెద్ద మైనస్ పాయింట్ స్టోరీ, నెమ్మదించిన వేగం. ఫస్టాఫ్, అలాగే సెకండాఫ్‌లో ఎక్కువ శాతం సీన్లు ప్రధాన జంట మధ్య ఉండే డైలాగ్స్ చుట్టూనే తిరుగుతాయి. ఇవి పదే పదే ఒకే తరహాలో సాగడంతో ప్రేక్షకుల సహనానికి పరీక్షలా మారుతాయి. క్లైమాక్స్, ప్రీ-క్లైమాక్స్‌ లో ఎమోషనల్ సీన్లు ఉన్నప్పటికీ.. ఇవి రావడం చాలా ఆలస్యమైంది. అలాగే '90s ఏ మిడిల్ క్లాస్ బయోపిక్' వెబ్ సిరీస్‌తో ఉన్న కనెక్షన్ కూడా స్టోరీకి పెద్దగా ఉపయోగపడలేదు.

ఓవరాల్ గా దర్శకుడు ఆదిత్య హాసన్ మంచి ఆలోచనతో వచ్చినప్పటికీ.. స్క్రీన్‌ప్లే సరిగ్గా రాయకపోవడంతో స్టోరీ ముందుకు సాగదు. ఎడిటింగ్ ఇంకా పదునుగా ఉండాల్సింది. సినిమాటోగ్రఫీ, నిర్మాణ విలువలు బాగున్నాయి. ఫైనల్‌గా.. మొత్తంగా 'ఎపిక్‌ - ఫస్ట్‌ సెమిస్టర్‌' అనేది లవ్ స్టోరీలను ఇష్టపడే వారిని మెప్పించే ప్రేమకథా చిత్రం. అంచనాలు లేకుండా వెళ్తే చూడదగిన చిత్రం.

‘90s – A Middle Class Biopic’ వెబ్ సిరీస్‌తో మంచి గుర్తింపు తెచ్చుకున్న ఆదిత్య హాసన్ దర్శకత్వంలో తెరకెక్కిన ‘Epic’ సినిమా ప్రేక్షకుల ముందుకు వచ్చింది. ఆనంద్ దేవరకొండ, వైష్ణవి చైతన్య జంటగా నటించిన ఈ చిత్రం ప్రేమ, కుటుంబం, కెరీర్ అంశాల చుట్టూ సాగుతుంది. సినిమా కోసం కలలు కనే ఆదిత్యను కుటుంబం లండన్ పంపించడంతో కథ కొత్త మలుపు తిరుగుతుంది. అక్కడ కడలితో పరిచయం, ఆ తర్వాత ప్రేమ అతని జీవితాన్ని ఎలా ప్రభావితం చేసిందనేది ప్రధాన కథాంశం.

సినిమా ప్రారంభంలో వచ్చే కుటుంబ సన్నివేశాలు ఆకట్టుకుంటాయి. ఆనంద్ దేవరకొండ సహజమైన నటనతో మెప్పించగా, వైష్ణవి చైతన్య కూడా తన పాత్రకు న్యాయం చేసింది. ఇద్దరి మధ్య కెమిస్ట్రీ బాగుంది. శివాజీ, వాసుకి సన్నివేశాలు కూడా కుటుంబ ప్రేక్షకులను ఆకట్టుకునేలా ఉన్నాయి. హేశం అబ్దుల్లా సంగీతం, నేపథ్య సంగీతం సినిమాకు బలంగా నిలిచాయి.

అయితే కథ, కథనం విషయంలో దర్శకుడు మరింత శ్రద్ధ తీసుకోవాల్సింది. కొన్ని సన్నివేశాలు రొటీన్‌గా అనిపించడంతో పాటు, సినిమా అక్కడక్కడా నెమ్మదిస్తుంది. ప్రేమకథను కూడా మరింత బలంగా చూపించి ఉంటే ఫలితం మెరుగ్గా ఉండేది. మొత్తంగా మంచి ప్రయత్నంగా నిలిచిన ‘Epic’.. అంచనాలు తగ్గించుకుని చూస్తే ఓసారి ఓకే అనిపిస్తుంది.