Media Reviews

మూవీ రివ్యూ అఫ్ ది ఫిలిం దీవానా... బావుందండి మూవీ.. మంచిగా అనిపించింది నాకైతే.. ఈ సినిమా ట్రైలర్ చూసి ఎదో కొడుతోంది అనుకున్నా, కానీ అదేం లేదు సినిమాలో మెటీరియల్ ఉంది. మెయిన్ గా ఈ సినిమాలో లవ్ ట్రాక్ ని హైలెట్ చేసారు గాని, ఫ్రెండ్షిప్ కూడా బాగా చూపించారు. ఒక హై ఉంటది సినిమాలో. అయితే సినిమాలో ఫస్ట్ హాఫ్ చూసినంత సేపు ఇదేదో నిబ్బా నిబ్బి సినిమాలా అనిపించింది గాని, ప్రీ ఇంటర్వెల్ సీన్ హైలెట్ ఉంటది. 

అండ్ సెకండ్ హాఫ్ లో పోలీస్ స్టేషన్ సీన్ బాగుంటది. ఇక సినిమాలో సినిమాటోగ్రఫీ అస్సలు బాగాలేదు. స్టోరీ, రైటింగ్, పెర్ఫార్మన్స్ మాత్రం ఎక్సలెంట్ అని చెప్పాలి. ఓవరాల్ గా చెప్పేదేంటంటే బాగుంది దీవానా సినిమా. 

దీవానా... సినిమా చూసాక నాకైతే పర్లేదనిపించింది. ఈ సినిమా యొక్క ప్రొడక్షన్ వాల్యూస్ కి ఓటిటి రిలీజ్ కరెక్ట్ అనిపించింది. ఫస్ట్ హాఫ్ మొత్తం రొటీన్ ఫీల్ ఇచ్చింది. బట్ ఇంటర్వెల్ సీన్ మైండ్ బ్లోయింగ్ గా ఉంది. అండ్ సెకండ్ హాఫ్ మొత్తం ఫ్రెండ్షిప్, ఫ్యామిలీ మీద ఎక్కువ డీల్ చేసారు. అండ్ క్లైమాక్స్ ట్విస్ట్ కూడా బాగుంది. ఇక అడల్ట్ కంటెంట్ ఎం లేదు కాబట్టి ఫ్యామిలీ కూడా చూడొచ్చు. 

ప్లస్ పాయింట్ చూస్తే... హీరోహీరోయిన్స్ పెర్ఫార్మన్స్ బాగుంది. అండ్ ఫ్రెండ్స్ కూడా బానే చేసారు. మ్యూజిక్ కూడా బాగుంది. ఎడిటింగ్ ఇంకాస్త చేయాల్సింది. మైనస్ పాయింట్స్ చెప్పాలంటే... ఫస్ట్ హాఫ్ రొటీన్ గా ఉంటుంది. కొన్ని లాజిక్ లెస్ సీన్స్ కూడా నచ్చవు. అండ్ లో ప్రొడక్షన్ వాల్యూస్ ఉన్నాయి. ఫైనల్ గా చెప్పాలంటే ఒకసారి చూడొచ్చు మూవీ. its a one time watchable.. thats it.. my rating 2.75/5

దీవానా సినిమా చూసాక నా ఒపీనియన్ చెప్పాలంటే.. ఒకే ఒకే. సినిమా గురించి చెప్పాలంటే సింపుల్ గా అన్ని సినిమాల్లానే ఉండే లవ్ స్టోరీ. బట్ ప్రీ ఇంటర్వెల్ ట్విస్ట్ నుండి స్టోరీ మొత్తం మారిపోతుంది. అక్కడ్నుంచి చాలా ఇంట్రెస్టింగ్ వే లో వెళ్ళిపోతుంది. అండ్ స్టోరీ మీద ఓపినియన్ మారిపోతుంది. కొన్ని సీన్స్ మాత్రం ఇల్లాజికల్ గా ఉంటాయి. క్లైమాక్స్ అయితే పేలిపోయింది. 

ఇక సినిమాలో హీరోహీరోయిన్స్ తో సహా, అందరూ బాగా పెర్ఫార్మ్ చేసారు. స్పెషల్లీ సినిమాలో హీరో ఫ్రెండ్స్ రోల్ చేసిన వాళ్ళు కూడా అదరగొట్టారు. అండ్ సినిమాని చాలా ఎంగేజింగ్ గా హ్యాండిల్ చేసారు డైరెక్టర్. ఫైనల్ గా దీవానా సినిమా పర్లేదు అనిపించింది. బాగానే ఉంది గాని క్లాసిక్ ఫీల్ రాలేదు. 

పలు వెబ్ సిరీస్ లు, శుభం, కల్కి సినిమాలతో ఫేమ్ తెచ్చుకున్నాడు హర్షిత్ రెడ్డి. మొదటిసారి సినిమా హీరోగా సోలో మెయిన్ లీడ్ చేసాడు. దీవానా ట్రైలర్ రిలీజ్ అయినప్పుడు ఇదేదో అర్జున్ రెడ్డి, బేబీ.. లాంటి ప్రేమ కథ అని అంతా అనుకున్నారు కానీ కాదు అని సినిమా చూసాక అర్ధమవుతుంది. ప్రమోషన్స్ మాత్రం బాగానే చేసారు. డైరెక్టర్ ఈ సినిమా మీద ఫుల్ కాన్ఫిడెంట్ తో హైప్ ఇచ్చాడు.

ఫస్ట్ హాఫ్ హీరో, ఫ్రెండ్స్ తో తిరగడాలు.. రొటీన్ అన్ని సినిమాల్లాగే ఉంటుంది. హీరోయిన్ ని చూడటం, ఆమె వెంట పడటం కొంచెం క్యూట్ గా, కామెడీగా చూపించారు. అక్కడక్కడా పేరెంట్స్ తో హీరో ఎలా ఉంటాడు, హీరో గొడవలతో సాగదీశారు. ఇంటర్వెల్ ముందు హీరోని పోలీసులు తీసుకెళ్లే సీన్, ఆ తర్వాత జరిగే సీన్ రొటీన్ సీన్స్ అయినా నెక్స్ట్ ఏం జరుగుతుంది అని ఉత్కంఠగా సాగుతాయి. ఇంటర్వెల్ కి ఆడియన్స్ కి హీరోయిన్ నుంచి అదిరిపోయే ట్విస్ట్ వస్తుంది. 

ఇలాంటి కథలు చాలా వచ్చినా ఒక ఇంటర్వెల్ ట్విస్ట్ తో ఎంగేజింగ్ గా మంచి లవ్ స్టోరీని రాసుకొని ఎమోషనల్ గా తెరకెక్కించాడు దర్శకుడు. నిర్మాణ పరంగా కూడా చిన్న సినిమా అయినా బాగానే ఖర్చుపెట్టినట్టు తెరపై క్వాలిటీ అవుట్ పుట్ కనిపిస్తుంది. మొత్తంగా ‘దీవానా’ సినిమా ఆసక్తికర ఇంటర్వెల్ బ్యాంగ్ తో తెరకెక్కిన ఓ మంచి ఎమోషనల్ లవ్ స్టోరీ. ఈ సినిమాకు 3 రేటింగ్ ఇవ్వొచ్చు.

ఇప్పటి వరకు తెలుగు తెరపై ఇటువంటి ప్రేమకథ రాలేదని 'దీవానా' విడుదలకు ముందు నుంచి చిత్ర బృందం చెబుతా వచ్చింది. నిజంగా రాలేదా? అంటే... 'లేదు' అని చెప్పాలి. ఎందుకు? అనేది చెప్పాలంటే... ట్విస్ట్ రివీల్ అవుతుంది కనుక చెప్పలేం. కానీ, ఒక్కటి మాత్రం నిజం... సినిమా మొదలైనప్పటి నుంచి చివరి వరకు ప్రేక్షకులను అయితే ఎంటర్టైన్ చేస్తుంది.

ఇంటర్వెల్ వరకు 'దీవానా' ఓ సాధారణ ప్రేమ కథే. అందమైన అమ్మాయిని చూసి ప్రేమలో పడిన ఓ ఆవారా కథే. అయితే... ఇంటర్వెల్ బ్లాక్ మిగతా ప్రేమ కథల నుంచి 'దీవానా'ను వేరు చేసింది. ఒక్కసారిగా దిమ్మ తిరిగి మైండ్ బ్లాక్ అయ్యే ట్విస్ట్ ఇచ్చింది. నెక్స్ట్ ఏం జరుగుతుంది? ఆ ట్విస్ట్ ఇంకొకరికి తెలిస్తే? అని ఆసక్తి మొదలు అవుతుంది. ఇంటర్వెల్ వరకు దర్శకుడు శ్రీకాంత్ సంగిశెట్టి నడిపిన కథలో కొత్తదనం కంటే క్యారెక్టర్స్ ప్రవర్తించే తీరు కొత్తగా ఉంటుంది. స్నేహితుల మధ్య సరదాలు, చిన్న గొడవలు వంటి వాటిని బాగా చూపించారు.

ఓవరాల్ గా దీవానా... అందమైన, హృదయానికి హత్తుకునే క్యూట్ అండ్ లిటిల్ లవ్ స్టోరీ. ఈ తరహా ట్విస్ట్ ఇంతకు ముందు తెలుగు సినిమాల్లో రాలేదు. ట్విస్ట్ పక్కన పెడితే... ప్రతి సన్నివేశం, ఈ కథ మన కాలనీలో జరుగుతున్నట్టు అనిపిస్తుంది. ప్రతి పాత్ర ప్రేక్షకులకు ఏదో ఒక సందర్భంలో కనెక్ట్ అవుతుంది. డోంట్ మిస్ ఇట్.

దీవానా’ను వీక్షిస్తుంటే రెండు వేర్వేరు చిత్రాలను మార్చి మార్చి చూస్తున్న ఫీలింగ్ కలుగుతుంది. ఒక పార్శ్వ్యంలో ఏమో గుండెల్ని పిండేసే ఒక లవ్ స్టోరీ నడుస్తుంటుంది. హీరో హీరోయిన్ల ప్రేమకథకు అడ్డుగా నిలిచే ఒక షాకింగ్ పాయింట్ నేపథ్యంలో ఈ కథను నడిపించిన తీరుకు కదిలిపోతాం. అలాగే కుటుంబం నేపథ్యంలో కొన్ని సన్నివేశాలు కూడా ప్రేక్షకుల కళ్లలో నీళ్లు తిరిగేల ా చేస్తాయి. ఎమోషనల్ సీన్లు అన్నింటినీ దర్శకుడు డీల్ చేసిన విధానం.. వాటిలో వచ్చే డైలాగులు ఒక టాప్ క్లాస్ సినిమా చూస్తున్న ఫీలింగ్ కలిగిస్తాయి. ఇందులో చూపించిన రెండో పార్శ్వం మాత్రం సినిమా మీద ఇంప్రెషన్ ను అంతకంతకూ తగ్గించేస్తుంటుంది. 

స్నేహితులతో కలిసి హీరో వేసే అల్లరి వేషాల దగ్గర్నుంచి.. ప్రేమ-ఉద్యోగం అంటూ అతను పడే పాట్లకు సంబంధించిన సీన్లన్నీ చికాకు పుట్టించేస్తాయి. ఒకే సినిమాలో ఇంత వైరుధ్యం చూసి ఆశ్చర్యం కలగక మానదు. ఎమోషనల్ సీన్లలో దర్శకుడు చూపించిన పరిణతిని మిగతా సన్నివేశాల్లో కూడా చూపించి ఉంటే.. వాటిని ఫిల్లింగ్ సీన్లలో పేర్చేసి ఉండకపోతే ‘దీవానా’ తెలుగులో వచ్చిన బెస్ట్ లవ్ స్టోరీల్లో ఒకటిగా నిలిచేది. ఐతే ఈ లోపం ఉన్నా సరే.. ‘దీవానా’ ఒక లుక్కేయడానికి ఢోకా లేని సినిమానే. ఇందులో కొన్ని సన్నివేశాలకు కదిలిపోని ప్రేక్షకుడు ఉండడంటే అతిశయోక్తి కాాదు.

లవ్‌ స్టోరీస్‌ లో ఇది సరికొత్త ప్రేమ కథా చిత్రం అని చెప్పొచ్చు. రియాలిటీకి దగ్గరగా ఉండే ప్రేమ కథా చిత్రాలు ఈ మధ్య కాలంలో చాలానే వస్తున్నాయి. నిజానికి ఇలాంటి సినిమాలే ఆదరణ పొందుతున్నాయి. అలాంటిదే `దీవాన`. హైదరాబాద్‌ సిటీలో జరిగే ప్రేమ కథ ఇది. సిటీలో ముగ్గురు కుర్రాళ్లు జాన్‌ జిగ్రీలు. దోస్తాన్‌ కోసం ప్రాణాలిస్తారు. కొట్టుకున్నా, తిట్టుకున్నా మళ్లీ కలిసిపోతారు. తమ మీదకు వేరే వాళ్లు వస్తే, కలిసిపోతారు. ప్రేమ విషయంలోనూ దోస్త్ కి అండగా ఉండి, వాడి లక్ష్యానికి తమ వంతు సపోర్ట్ చేసి అటు లక్ష్యాన్ని, ఇటు ప్రేమని గెలిపించేందుకు స్నేహితులు చేసిన పోరాటమే ఈ మూవీ అని చెప్పొచ్చు. 

సాధారణంగా ప్రేమ కథా చిత్రాల్లో కేవలం ప్రేమ చుట్టూనే సినిమా సాగుతుంది. కానీ ఇందులో లవ్‌ స్టోరీ ఉంది, స్నేహం ఉంది, ఫ్యామిలీ ఎమోషన్స్ కూడా ఉన్నాయి. ఓవరాల్ గా ఆద్యంతం కట్టిపడేసే రియలిస్టిక్‌ లవ్‌ స్టోరీ. ప్రేమ, స్నేహం, ఫ్యామిలీ ఎమోషన్స్, జీవిత లక్ష్యాన్ని బ్యాలెన్స్ చేస్తూ ఆద్యంతం కట్టిపడేసే సరికొత్త ప్రేమ కథ దీవాన. లవ్‌ స్టోరీస్‌లో ఇటీవల కాలంలో వచ్చిన బెస్ట్ మూవీ అవుతుంది. కమర్షియల్‌గా ఏ రేంజ్‌లో సత్తా చాటుతుందో చూడాలి. 

ప్రేమకు రూపం లేదు, మనసే ప్రధానం అనే గొప్ప సందేశంతో ఈ చిత్రాన్ని దర్శకుడు శ్రీకాంత్ సంఘిశెట్టి ఎంతో నిజాయితీగా తెరకెక్కించాడు. సినిమా మొదట్లో పెద్దగా ఆసక్తిని కలిగించదు. సాధారణ యూత్ సినిమాల్లాగే గొడవలు, స్నేహితులు అంటూ కాస్త రొటీన్‌గా సాగుతుంది. కానీ లవ్ ట్రాక్ మొదలయ్యాక కథలో వేగం పెరుగుతుంది. ఫస్టాఫ్ లో వచ్చే ఫ్రెండ్ షిప్ ఫైట్ అదిరింది. ముఖ్యంగా ఇంటర్వెల్ సమయంలో వచ్చే అనుకోని మలుపు ప్రేక్షకులను ఆశ్చర్యపరుస్తుంది. అక్కడి నుంచి సినిమాపై ఉన్న అభిప్రాయం పూర్తిగా మారిపోతుంది. 

సెకండ్ హాఫ్ లో వచ్చే ఎమోషనల్ సన్నివేశాలు కంటతడి పెట్టిస్తాయి. హీరోయిన్ తన మనసులోని ప్రేమను స్నేహితురాలితో పంచుకునే సీన్ గుండెను హత్తుకుంటాయి. ప్రీ క్లైమాక్స్ మలుపు, క్లైమాక్స్ చాలా బాగున్నాయి. అయితే హీరో పోలీస్ ట్రైనింగ్, ఒకే అటెంప్ట్‌లో ప్రభుత్వ ఉద్యోగం సాధించడం లాంటివి సినిమాటిక్ లిబర్టీగా సరిపెట్టుకోవాలి. వాటిలో లాజిక్స్ వెతకకూడదు. క్లైమాక్స్ కూడా ఊహించినట్టుగానే ఉంది. ఓవరాల్‌గా దీవానా.. యూత్ ఫుల్ లవ్ ఎంటర్టైనర్.. గట్టిగా ఎక్కేస్తుంది..!

హర్షిత్ రెడ్డి, స్మేహ జంటగా నటించిన సినిమా దీవానా... తాజాగా థియేటర్లలో విడుదలై మంచి రెస్పాన్స్ అందుకుంటుంది. సాధారణ ప్రేమకథకు భావోద్వేగ ట్విస్ట్‌ ను జోడించి ఈ మూవీ ప్రత్యేకంగా నిలుస్తుంది. ఫస్ట్ హాఫ్‌ లో ప్రేమకథ నెమ్మదిగా సాగినా, ఇంటర్వెల్ ట్విస్ట్‌ తో సినిమా ఆసక్తికరంగా మారుతుంది. సెకండ్ హాఫ్‌ లో ఫ్రెండ్‌ షిప్, ఫ్యామిలీ ఎమోషన్స్, సెంటిమెంట్ బాగా ఆకట్టుకుంటాయి. 

నరేష్–మున్నా మధ్య సన్నివేశాలు, క్లైమాక్స్ భావోద్వేగంగా మెప్పిస్తాయి. మొత్తంగా, నిజాయితీగా చెప్పిన హృద్యమైన ప్రేమకథగా ఈ దీవానా మూవీ నిలుస్తుంది. కాకపోతే కొత్తదనం ఉండదు. ఓవరాల్ గా ఎలాంటి అంచనాలు లేకుండా వెళ్తే ఈ దీవానా గాడు నవ్విస్తూనే ఆలోచింపచేసి, కన్నీరు పెట్టించి పంపిస్తాడు. 

ప్రేమ కథలో యువతీ ఇష్టపడటమో లేదా యువకుడు ఇష్టపడటమో అనేది కామన్ పాయింట్. ఆ పాయింట్ చుట్టూ ఎమోషన్ పాయింట్ లేదా? ట్విస్టుతో కథను రాసుకొంటే డిఫరెంట్ లవ్ స్టోరీగా మారే అవకాశం ఉంటుంది. ఈ దీవానా సినిమాలో కథను భావోద్వేగంగా మార్చే, అలాగే సెంటిమెంట్‌ను పండించే అద్బుతమైన ట్విస్ట్ ఉండటంతో తెర మీద నిజాయితీతో కూడిన ప్రేమ కథగా మారిందనే చెప్పాలి. ఫస్టాఫ్‌ లో క్యారెక్టర్లు, అమ్ము, మున్నా ప్రేమ కథను ఎస్టాబ్లిష్ చేయడానికి చాలా సమయం తీసుకొని.. కథను సాగదీసినట్టు చేశాడు. కానీ ఇంటర్వెల్ ట్విస్టుతో సినిమాను దర్శకుడు, హీరో తమ వైపుకు తిప్పుకొన్నారు.

సెకండాఫ్ విషయానికి వస్తే.. ఇంటర్వెల్ ట్విస్ట్ చుట్టూ రాసుకొన్న ఫ్రెండ్‌షిప్, ఫ్యామిలీ ఎమోషన్స్, సెంటిమెంట్ బాగా వర్కవుట్ అయ్యాయి. దర్శకుడు రాసుకొన్న సన్నివేశాలు చాలా కొత్తగా ఉన్నాయి. ముఖ్యంగా రఘు కారుమంచి సీన్ ఒకటి.. తండ్రి నరేష్ కొడుకు మున్నా మధ్య వచ్చే సన్నివేశాలు.. సెంటిమెంట్‌ను పండించటమే కాకుండా సగటు ప్రేక్షకుడిని కంటతడి పెట్టించేలా ఉంటాయి. ఇక క్రైమాక్స్‌లో డ్రామాను దర్శకుడు అద్బుతంగా పండించాడు. దాంతో దీవానా సినిమా నిజాయితీగా వెండితెర మీద చెప్పిన ప్రేమ కథగా మారింది.

మెయిల్, తరగతి గది లాంటి డీసెంట్ వెబ్ సిరీస్ లతో ప్రేక్షకులకు దగ్గరైన యంగ్ హీరో హర్షిత్ రెడ్డి. ఆయన నటించిన కొత్త మూవీ 'దీవానా'.. ఇప్పటికే విడుదలైన ట్రైలర్, సాంగ్స్ యూత్ కు ఎక్కేశాయి. దాంతో ఈ మూవీపై అంచనాలు ఏర్పడ్డాయి. జూన్ 20 న ఈ మూవీ గ్రాండ్ గా విడుదల అయింది

ఇక దీవానా మూవీ స్లోగా స్టార్ట్ అయినా ముందుకు వెళ్లే కొద్ది తరువాత ఏం జరుగుతుంది.. అనే క్యూరియాసిటీ పెరుగుతుంది. ఓవైపు లవ్ స్టోరీ.. మరోవైపు ఫ్యామిలీ ఎమోషన్స్ ను దర్శకుడు అద్భుతంగా చూపించాడు. సినిమాలోని ఎమోషన్స్, నటీనటుల పెర్ఫార్మెన్స్, ఒక షాకింగ్ ట్విస్ట్ అండ్ ఎమోషనల్ క్లైమాక్స్ సినిమాకి బిగ్గెస్ట్ ప్లస్ పాయింట్ అని చెప్పొచ్చు. మొత్తానికి సినిమా పూర్తయ్యే సరికి ఆడియన్స్ అంచనాలను అందుకోవడంలో దీవానా మూవీ సక్సెస్ అయింది.

Deewana, directed by Sreekanth Sangishetty, is a film that attempts to blend romance, emotion, and realism into a meaningful cinematic experience. Featuring Harshith Reddy and Smeha Manimegalai in the lead roles. Backed by Arha Media, Vasudev Koppineni, and Sridevi Karyampudi, the film has music by Eswar Chand, cinematography by Vamsi Patchipulusu, and editing by Hrishikesh Pasapal.

The director, Sreekanth Sangishetti, took a very basic plot of a ‘boy meets a girl and falling in love with her instantly’ and executed the majority of the first half in a routine manner. But, right from the pre-interval to the climax, he made sure, Deewana, has a very original soul. After unveiling an unexpected twist during the pre-interval episode, the film gets into the zone of an intense emotional drama and it is where ‘Deewana’, stood out compared to the regular romantic drama films we see often.

Overall, Deewana is an intense emotional drama from the pre-interval sequence. If you like hard-hitting emotional dramas without any sugar coating. Watch it in theatres.