Movie Reviews

శ్రీవిష్ణు, మహిమా నంబియార్ హీరోహీరోయిన్లుగా నటించిన లేటెస్ట్ మూవీ కామ్రేడ్ కళ్యాణ్. జానకి రామ్ మారెళ్ల దర్శకత్వంలో తెరకెక్కిన లేటెస్ట్ కామెడీ యాక్షన్ డ్రామా 90ల నాటి ఆంధ్ర-ఒరిస్సా బోర్డర్ మాడగుల నేపథ్యంలో నక్సలిజం బ్యాక్‌డ్రాప్‌ లో సాగుతుంది. కానీ దర్శకుడు దీనిని సీరియస్ డ్రామాగా కాకుండా ఫుల్ లెంగ్త్ ఫన్ అండ్ ఎంటర్‌టైనింగ్ వేలో ఆవిష్కరించారు. శ్రీవిష్ణు తన మార్క్ కామెడీ టైమింగ్‌తో వన్ మ్యాన్ షో చేయగా, కమెడియన్ సత్య కామెడీ టైమింగ్ సినిమాకు బిగ్గెస్ట్ ప్లస్ పాయింట్‌గా నిలిచింది. హీరోయిన్ కి పెద్దగా ఇంపార్టెన్స్ ఉన్న రోల్ ఇవ్వలేదు. మిగతా ఆర్టిస్టులు బాగా చేసారు.

కంటెంట్ పరంగా ప్రత్యేకంగా తప్పుపట్టాల్సిన అంశాలు పెద్దగా లేకపోయినా, సెకండాఫ్‌లో కామెడీని యాక్షన్, సెంటిమెంట్, సంస్కరణ... డామినేట్ చేయడం వల్ల సినిమా వేగం దెబ్బతింది. దీంతో ప్రేక్షకులకు కామెడీ సినిమా చూస్తున్నామన్న అనుభూతి ఆశించిన స్థాయిలో ఉండదు. మొత్తమ్మీద ఈ "కామ్రేడ్ కళ్యాణ్" చూసి "లాల్ సలాం" అని గట్టిగా పై శృతిలో అరవలేం కానీ, అనకుండా మాత్రం ఉండలేం. అందుకే మధ్య స్థాయిలో "లాల్ సలాం".  

Sree Vishnu who has become a bankable hero when it comes to entertainment tried yet another comedy entertainer, Comrade Kalyan. Kona Venkat presents the film which is directed by a newcomer, Janakiram and produced by another newcomer, Krishna. The film has an interesting Naxal backdrop.

Positives:

1.⁠ ⁠Around an hour of entertainment in the first half

2.⁠ ⁠Pre-interval twist

3.⁠ ⁠Sree Vishnu’s Performance

4.⁠ ⁠Couple of Satya’s Comedy episodes

Negatives:

1.⁠ ⁠Not-so-engaging romantic track

2.⁠ ⁠Over cooked second half with too many elements

3.⁠ ⁠Cliche climax

4.⁠ ⁠Take off of the film

Finally, Comrade Kalyan has an entertaining one-hour in the first half and this portions are sure to work well with the audience. However, the second half gives a feeling of ‘all over the place’. You may give it a try for entertainment it offers at times. A bit more care in the writing and a bit of fine tuning in the second half, would have made the film a good watch

Bottomline: Passable with Few Laughs

టాలీవుడ్ లో ఎప్పటికప్పుడు వినూత్న సబ్జెక్టు లతో అలరించే శ్రీవిష్ణు హీరోగా తెరకెక్కిన తాజా చిత్రమే ‘కామ్రేడ్ కళ్యాణ్’. మహిమా నంబియార్ హీరోయిన్‌గా నటించిన ఈ చిత్రం తాజాగా థియేటర్లలో విడుదలై డీసెంట్ టాక్ అందుకుంది. ఇక ‘కామ్రేడ్ కళ్యాణ్’ టైటిల్ చూడగానే ఇదేదో సీరియస్ కంటెంట్ లా ఉంటుందా అని చాలా మంది అనుకోవచ్చు కానీ ఇందులో అందుకు భిన్నంగా ఫన్ ట్రీట్ దొరుకుతుంది. దర్శకుడు దీనిని ఆద్యంతం వినోదభరితంగా మంచి ఫన్ మూమెంట్స్ తో డిజైన్ చేశారు. తెలుగు తెరపై నక్సలిజం నేపథ్యంలో ఎన్నో సినిమాలు వచ్చినా, ఈ చిత్రంలో ఆ అంశాన్ని పూర్తిస్థాయి కామెడీ కోణంలో నడిపించిన తీరు ఇంప్రెస్ చేస్తుంది.

అయితే సినిమాలో హీరో ఎంట్రీ ఇచ్చేవరకు కథనంలో మూమెంట్స్ స్లోగా కొంచెం డల్ అనిపిస్తాయి. వీటితో పాటు పాత్రల పరిచయం కూడా అంత బలంగా కుదరలేదు అనిపిస్తుంది. ఆ తర్వాత సెకండ్ హాఫ్ నుండి మంచి కామెడీ సీన్స్ తో నవ్విస్తుంది. ఇక మొత్తంగా చూస్తే, ‘కామ్రేడ్ కళ్యాణ్’ మంచి ఫన్ మూమెంట్స్ తో సాగే టైం పాస్ కామెడీ ఎంటర్టైనర్ గా నిలుస్తుంది. శ్రీవిష్ణు, సత్యల కామెడీ ట్రాక్ థియేటర్ లో మంచి ఫన్ ని జెనరేట్ చేస్తుంది. ఆరంభ సన్నివేశాలు, క్లైమాక్స్ కాస్త తడబడినా.. ఎంటర్టైన్మెంట్ కి మాత్రం ఇందులో కొదవ లేదు. సో ఈ వారాంతానికి ఓ డీసెంట్ ఎంటర్టైనర్ ని చూడాలి అనుకుంటే ఇదొక ఛాయిస్ గా నిలుస్తుంది.

హీరో ఎంతగానో ప్రేమించిన అమ్మాయి విలన్‌ ని ప్రేమించడం.. అసలు ఆ అమ్మాయి అలా (ట్విస్ట్‌) ఎందుకు చేసింది అన్న ఇతివృత్తంతో సాగే విలేజ్‌ యాక్షన్‌ లవ్‌స్టోరీ ఇది. ఈ తరహా కథ తెలుగు తెరకు కొత్తేమీ కాదు. అయితే దీనికి కుటుంబ భావోద్వేగాలు, డ్రగ్స్‌ మాఫియాను జోడించి దర్శకుడు కాస్త ఆసక్తికరంగా రూపొందించారు. అయితే అమ్మాయిని ఆకట్టుకోవడానికి, ప్రేమలో దించడానికి హీరో చేసిన ప్రయత్నాలు అంతగా ఆకట్టుకోవు. రెగ్యులర్‌గా కాకుండా కాస్త డిఫరెంట్‌గా ప్లాన్‌ చేసి ఉంటే బాగుండేది. సెకండాఫ్‌ అంతా ఎమోషన్‌, రివెంజ్‌ చుట్టూ తిరుగుతుంది. 

ఇంటర్‌వెల్‌ ట్విస్ట్‌ బావుంది కదా.. కథ ముందుకు వెళ్లే కొద్ది కొత్తదనం ఆశించవచ్చేమో అనుకుంటే అదీ లేదు. రొటీన్‌ గానే ఉంది. పైగా ఇదే క్లైమాక్స్‌.. ఇక ఎండ్‌ అయిపోయిందనుకున్న ప్రతిసారీ కొత్త బ్లాక్‌తో మళ్లీ నిడివిని పెంచేశారు. ఫైనల్‌గా డివోషనల్‌ ఎలిమెంట్‌ ఇచ్చి కథను ముగించారు. అయితే ఈ కథ ద్వారా దర్శకుడు చాలా విషయాలను టచ్‌ చేశాడు. మిడిల్‌క్లాస్‌ కుర్రాడు దారి తప్పితే అతని జీవితం ఎలా డేంజర్‌ జోన్‌లోకి వెళ్లింది? పిల్లలు చేసే తప్పులకు తల్లిదండ్రులు ఎంత వేదనకు గురవుతారు? ప్రేమకు, ఆకర్షణకు మధ్య తేడా ఏంటి? అన్నది ఈ కథ ద్వారా చెప్పాడు. ఫైనల్ గా కొన్ని ప్రేమకథలు పెళ్లితో పూర్తవుతాయి.. కొన్ని ప్రేమకథలు త్యాగంతో పవిత్రమవుతాయి అని ఎండ్ కార్డు వేశారు. యాక్షన్‌ సినిమాలు నచ్చేవారికి ఇది నచ్చే అవకాశం ఉంది. ఈ వారం విడుదలైన సినిమాల్లో కాస్త అనకాపల్లి బెటర్ అని చెప్పొచు. 

హీరో రౌడీయిజానికి ఆక‌ర్షితుడై తానూ అలా ఎద‌గాల‌నుకోవ‌డం.. ఈ లైన్ చూడ‌గానే తెలుగు ప్రేక్ష‌కుల‌కు ఆటోమేటిగ్గా సుకుమార్ సినిమా జ‌గ‌డం గుర్తుకొస్తుంది. అన‌కాప‌ల్లి కూడా ఆ లైన్ మీద న‌డిచే సినిమానే కానీ.. రౌడీయిజానికి ఒక ల‌వ్ స్టోరీని జోడించి రెంటినీ బ్యాలెన్స్ చేసే ప్ర‌య‌త్నం చేశారు అన‌కాప‌ల్లి మేక‌ర్స్. ఎంట‌ర్టైన‌ర్ల‌కు పేరుప‌డ్డ త్రినాథ‌రావు న‌క్కిన అందించిన క‌థ‌తో కొత్త ద‌ర్శ‌కుడు ఖ‌గేష్ ఈ సినిమాను రా అండ్ ర‌స్టిగ్గా తీర్చిదిద్దాడు. క‌థ అంత కొత్త‌గా అనిపించ‌దు కానీ.. కొన్ని ఇంట్రెస్టింగ్ ఎపిసోడ్లకు తోడు బ‌ల‌మైన‌ ఎమోష‌న్లు.. కొంత‌మేర‌ క‌మ‌ర్షియ‌ల్ హంగులతో ప‌ర్వాలేద‌నిపిస్తుంది. 

అయితే హీరో హీరోయిన్ల మ‌ధ్య ల‌వ్ కాన్ఫ్లిక్ట్ బ‌లంగా ఉన్న అనకాప‌ల్లిలో క‌థ మాత్రం రొటీన్ అనిపిస్తుంది. రౌడీయిజం చుట్టూ న‌డిచే వ్య‌వ‌హార‌మంతా చాలా సినిమాల్లో చూసిందే. హీరో రౌడీయిజం మీద మోజుప‌డ‌డం చూడ‌గానే ఈ క‌థ‌కు ఎలాంటి ముగింపు ఉంటుందో ఒక అంచ‌నా వ‌చ్చేస్తుంది. సినిమాలో కొన్ని పాత్ర‌లు మొక్కుబ‌డిగా అనిపిస్తాయి. అన‌వ‌స‌ర స‌న్నివేశాలు, ఐటెం సాంగ్ లాంటివి క‌ట్ చేసి.. ఈ క‌థ‌ను ఇంకొంచెం క్రిస్ప్ గా చెబితే బాగుండేది. తార‌క్ పొన్నప్పను ఇంకా బాగా వాడుకోవాల్సింది. ఐతే కొన్ని ఎపిసోడ్లు బాగుండ‌డం.. పెర్ఫామెన్సులు ఆక‌ట్టుకోవ‌డం.. మాస్ ప్రేక్ష‌కుల‌కు న‌చ్చే అంశాలు ఉండ‌డం వ‌ల్ల అన‌కాప‌ల్లికి పాస్ మార్కులు ప‌డ‌తాయి. చివరగా రా అండ్ రస్టిక్‌గా సాగిన అనకాపల్లి ప్రయాణం.

విలేజ్‌ బ్యాక్‌ డ్రాప్‌ లో సాగే అనకాపల్లి యాక్షన్‌, లవ్‌ స్టోరీ గా తెరకెక్కింది. అందులో చీకటి సామ్రాజ్యాలు, మాదక ద్రవ్యాల వ్యాపారం, ఆ ఊబిలోకి హీరో వెళ్లడం, ఈ క్రమంలో పేరెంట్స్ మధ్య, ప్రియురాలి మధ్య, తనకు లైఫ్‌ ఇచ్చిన విలన్‌ మధ్య ఎలా నలిగిపోయాడు? దాన్నుంచి బయటపడ్డాడా లేదా అనే దానిపై కథ నడుస్తుంది. యాక్షన్‌ ప్రధానంగా సాగినా, ఇందులో ప్రేమ కథకే ఎక్కువ ప్రయారిటీ ఉంటుంది. అయితే విలన్‌ ని హీరోయిన్‌ ప్రేమించే కథలు చాలానే వచ్చినా, ఇటీవల కాలంలో మాత్రం ఇది కొత్తది అని చెప్పొచ్చు. 

హీరోకి సినిమాల పిచ్చి.. విలన్‌కి దగ్గరగా చేయడం, తాను కూడా విలన్‌ లా మారిపోవడం, ఆ తర్వాత ప్రేమలో పడటం వంటి అంశాలు ఆకట్టుకుంటాయి. అయితే ప్రేమించిన అమ్మాయికి ప్రపోజ్‌ చేసే సమయంలో ఆమె విలన్‌ కి దగ్గరయ్యే ట్విస్ట్ షాకిస్తుంది. ఆ తర్వాతనే కథనం ట్రాక్‌ తప్పినట్టుగా ఉంది. లాజిక్‌ లెస్‌ గా ఉంటుంది. హీరో బ్రేకప్‌లా ఫీలవడం కొంత రొటీన్‌ గానే ఉంటుంది. క్లైమాక్స్ లో సినిమా పుంజుకుంది. కానీ కన్‌క్లూజన్‌ మాత్రం మళ్లీ ట్రాక్‌ తప్పినట్టుగా ఉంటుంది. హీరో కోసం మారిన హీరోయిన్‌ చివర్లో ఇచ్చిన ట్విస్ట్ ఏమాత్రం కన్విన్సింగ్‌ గా లేదు. సినిమాపై అప్పటి వరకు ఉన్న ఇంపాక్ట్ ని దెబ్బతీసేలా ఉంది. ఎమోషన్స్ ఆశించిన స్థాయిలో వర్కౌట్ కాలేదు. పేరెంట్స్ కి సంబంధించిన ఎమోషన్స్ ఆకట్టుకుంటాయి. అదే స్థాయిలో ఎండింగ్‌ ఉండి ఉంటే ఇంకా బాగుండేది. ఫైనల్ గా కొంత రొటీన్‌ ఉన్నా, సరికొత్త యాక్షన్‌ లవ్‌ స్టోరీగా ఈ చిత్రం మెప్పిస్తుంది. ఈ వారం వచ్చిన వాటిలో బెటర్‌గా నిలుస్తుంది.

అనకాపల్లి సినిమా విషయానికి వస్తే.. రెగ్యులర్ రూరల్ మాఫియా యాక్షన్ థ్రిల్లర్. కానీ బుల్లెట్టు పాత్ర చుట్టు డిజైన్ చేసిన ఎన్విరాన్‌మెంట్, క్యారెక్టర్స్ కొత్తగా అనిపిస్తాయి. అలాగే సూరి రోల్‌ను మలిచిన విధానం ఆకట్టుకొనేలా ఉంటుంది. కొన్ని ఎపిసోడ్స్‌ను గ్రిప్పింగ్‌గా చెప్పడంలో దర్శకుడు తన ప్రతిభను చాటుకొన్నాడు. సెకండాఫ్‌లో రొటీన్ రివేంజ్ డ్రామా కొనసాగినప్పటికీ.. చివర్లో డివోషనల్ ఎలిమెంట్స్‌తో సినిమాను ముగించిన తీరు ఆకట్టుకొనేలా ఉంటుంది.

విక్రమ్ సహిదేవ్ సూరి పాత్రలో ఒదిగిపోవడమే కాకుండా ప్రతీ సన్నివేశంలో టాలెంట్‌ను ప్రదర్శించారు. బుల్లెట్టు పాత్రలో తారక్ పొన్నప్ప మరోసారి చెలరేగిపోయాడు. హీరో క్యారెక్టర్‌ను మించి పెర్ఫార్మెన్స్‌తో ఆకట్టుకొన్నాడు. హీరోయిన్‌గా సంధ్య విశిష్ట గ్లామర్ పరంగా, పెర్ఫార్మెన్స్ పరంగా ఆకట్టుకోవడమే కాకుండా కీలక సన్నివేశాల్లో తన ప్రతిభను చాటుకొన్నారు. యాక్షన్ డ్రామా సినిమాలను ఇష్టపడే వారికి ఈ సినిమా నచ్చుతుంది. యాక్టర్ల ఇంటెన్స్ పెర్ఫార్మెన్స్ చూడాలనుకొనే వారు అనకాపల్లి సినిమాను ఈ వారం ఎంచుకోవచ్చు. అంచనాలు లేకుండా వెళితే.. ఈ సినిమా నిరాశపరచదు.

విక్రమ్ సహిదేవ్ హీరోగా ఖగేష్ తమ్మినేని డైరెక్షన్‌లో రూపొందిన సినిమా ‘అనకాపల్లి’. తాజాగా థియేటర్లలో విడుదలైంది. ఓ కుర్రాడి జీవితంలో చోటు చేసుకున్న ప్రేమ, క్రైమ్ చుట్టూ సాగిన ఈ అనకాపల్లి సినిమా.. కొన్ని ఎమోషనల్ ఎలిమెంట్స్ తో పాటు కొన్ని ప్రేమ సన్నివేశాలతో ఆకట్టుకుంది. హీరోగా నటించిన విక్రమ్ సహిదేవ్ ఈజ్ తో సెటిల్డ్ గా నటించాడు. హీరోయిన్ గా నటించిన సంధ్య వసిష్ఠ నటన సినిమాకి ప్లస్ అయింది. ఈ అనకాపల్లి కథలో ఇంటర్వెల్ అండ్ కొన్ని ఎమోషనల్ ఎలిమెంట్స్ స్పెషల్ అట్రాక్షన్ గా నిలిచినా, కథ కథానాలు మాత్రం రెగ్యులర్ గానే సాగాయి.

డైరెక్టర్ పాత్రల మధ్య ఇంకా బలమైన కాన్ ఫ్లిట్ ను, సన్నివేశాలను రాసుకొని ఉండి ఉంటే బాగుండేది. ఐతే, సినిమా మీద ప్రేక్షకుడికి ఇంట్రెస్ట్ పుట్టించడానికి, దర్శకుడు కొన్ని ఎమోషనల్ ఎలిమెంట్స్ ను ఎలివేట్ చేసినా.. అవి పెద్దగా వర్కౌట్ కాలేదు. ‘అనకాపల్లి’ అంటూ వచ్చిన ఈ ఎమోషనల్ లవ్ క్రైమ్ డ్రామాలో.. ఎమోషనల్ గా సాగే లవ్ స్టోరీ, హీరో – హీరోయిన్ల మధ్య వచ్చే కొన్ని లవ్ సీన్స్ మరియు ఇంటర్వెల్ అండ్ ఎమోషనల్ ఎలిమెంట్స్ బాగానే ఉన్నాయి. కానీ, కథాకథనాలు ఆకట్టుకునే విధంగా లేకపోవడం, మెయిన్ క్యారెక్టరైజేషన్స్ బలహీనంగా ఉండటం, అలాగే కొన్ని రొటీన్ సీన్స్ వంటి అంశాలు సినిమాకి మైనస్ అయ్యాయి. ఓవరాల్ గా, లవర్స్ కు ఈ సినిమాలో కొన్ని ఎలిమెంట్స్ కనెక్ట్ అవుతాయి.

హర్ష్ రోషన్, నక్షత్ర జంటగా నటించిన ‘తెల్ల కాగితం’ సినిమాకు రమేశ్ బండ్రెడ్డి దర్శకత్వం వహించగా, రొమాంటిక్ ఎంటర్ టైనర్ గా తెరకెక్కిన ఈ సినిమా థియేటర్లలో మిక్స్డ్ రెస్పాన్స్ అందుకుంది. విలేజ్ బ్యాక్ డ్రాప్ లో సాగే చిన్న ప్రేమకథ ఇది. యుక్త వయసులో ఉన్న ఓ జంట చేయకూడని తప్పు చేసి ఎలాంటి ఇబ్బందులకు గురయింది. ఫైనల్ గా ఏం తెలుసుకుందన్నదే ఈ సినిమా లైన్. అయితే సినిమా కథ, కథనాలు రెండూ ఊహించేలానే ఉండడం మైనస్ అయింది. ముఖ్యంగా సెకండాఫ్లో భావోద్వేగాలు ఉన్నప్పటికీ సీన్ టు సీన్ ఏం జరుగుతుందో ఊహించేలా ఉండటం మైనస్ అయింది. 

చిన్న బడ్జెట్ చిత్రాలకు క్వాలిటీ మ్యూజిక్ ఇచ్చే విజయ్ బుల్గానిన్ తన ట్యూన్స్ తో ఆకట్టుకున్నాడు. ఇలాంటి విలేజ్ బ్యాక్ డ్రాప్ కథలకు కెమెరా పనితనం ఎంతో ముఖ్యం. కె.వి. గుహన్ ఈ విషయంలో తన ప్రతిభను చాటుకున్నాడనే చెప్పాలి.. ఈ మధ్య యువత టార్గెట్ గా వస్తున్న చాలా చిత్రాలు దాదాపు ఈ తరహా కథాంశంతోనే తెరకెక్కాయి. చెడు స్నేహాల వల్ల యువత ఎలాంటి తప్పులు చేస్తున్నారు.. జీవితంలోని ఏం కోల్పోతున్నారు అన్న అంశాలను చూపిస్తూనే చివర్లో ఓ సందేశంతో ముగిస్తున్నారు. ‘తెల్ల కాగితం’ మూవీది ఇదే ఫార్మెట్. అందుకే ఈ తెల్లకాగితం తన స్వచ్ఛతను చాటుకోలేక పోయింది.

ఒక టీనేజీ లవ్ స్టోరీని ఎలా డీల్ చేయాలి అనడానికి.. గత ఏడాది వచ్చిన ‘కోర్ట్’ సినిమా ఉదాహరణగా నిలిచింది. యువతకు మాత్రమే కాక.. పెద్దలకు కూడా బాగా కనెక్ట్ అయిన కథ అది. కానీ అందులో లీడ్ రోల్ చేసిన హర్ష్ రోషన్ ను పెట్టి.. వేరే ఫిలిం మేకర్స్ మళ్లీ మళ్లీ టీనేజీ లవ్ స్టోరీలు తీస్తున్నారే కానీ.. అవి ‘కోర్ట్’ దరిదాపుల్లోకి కూడా వెళ్లట్లేదు. ఇప్పుడు ‘తెల్లకాగితం’తో కూడా దాదాపు అలాంటి అనుభూతినే కలిగించాాడు హర్ష్. ఎప్పుడో ‘చిత్రం’ సినిమాలో చూసిన పాయింటు పట్టుకుని.. ఇప్పుడు సొసైటీకి ఏదో సందేశం ఇచ్చేద్దామని చేసిన ఈ ప్రయత్నం బెడిసికొట్టింది. ఆరంభం బాగున్నా.. అసలు కథలోకి అడుగుపెట్టాక విపరీతమైన సాగతీతతో.. సిల్లీ సీన్లతో విసిగించే ‘తెల్లకాగితం’ ఇంపాక్ట్ చూపించలేకపోయింది. 

ఫైనల్ గా ఇంకోసారి హర్ష్ రోషన్ టీనేజీ లవ్ స్టోరీ చేశాడంటే భయపడిపోయే స్థాయిలో ఈ సినిమా అసహనాన్ని కలిగిస్తుంది. మొత్తంగా చెప్పాలంటే.. తెల్లకాగితం ఒక సగటు నిబ్బా నిబ్బి లవ్ స్టోరీ. మొదట్లో ఆశలు రేకెత్తించినా.. మెసేజ్ బాగున్నా.. ఈ కథను చెప్పిన పద్ధతి అంత ఆసక్తికరంగా లేకపోవడంతో ఇంపాక్ట్ మిస్ అయింది. అసలు సినిమా స్క్రిప్టులో ఏమంత విశేషం లేదు. ఇందులో ఇవ్వాలనుకున్న మెసేజ్ బాగుంది. కానీ దాన్ని చెప్పిన పద్ధతి అంత బాగాలేదు. వీక్ స్క్రిప్టును దర్శకుడు రమేష్ బండ్రెడ్డి తన టేకింగ్ తోనూ మెరుగుపరచలేకపోయాడు. చివరగా తెల్ల కాగితం.. తేలిపోయింది.

హర్ష రోషన్, నక్షత్ర నటించిన తెల్ల కాగితం సినిమా గురించి చెప్పుకుంటే... ఈ సినిమా ఫస్టాఫ్ మంచి వినోదంతో సాగుతుంది. యూత్‌ఫుల్ అంశాలు కొన్ని చోట్ల కాస్త డోస్ ఎక్కువైనా, ఎంటర్‌టైన్‌మెంట్ దానిని బ్యాలెన్స్ చేస్తుంది. హర్ష్ రోషన్ తన పాత్రకు పూర్తి న్యాయం చేయగా.. దీపక్ మాలితో అతని కాంబినేషన్ సీన్లు బాగా వచ్చాయి. డెబ్యూ హీరోయిన్ నక్షత్ర మొదటి సినిమాలోనే చాలా కాన్ఫిడెంట్ గా నటించి మెప్పించింది. దర్శకుడు రమేష్ బండ్రెడ్డి మంచి కథను ఎంచుకున్నారు.

అయితే ప్రస్తుతం వస్తున్న యూత్ ఫుల్ సినిమాల తరహాలోనే ఇది కూడా పాత ఫార్ములాకే పరిమితమైంది. చెడు సావాసాలు, యువత చేసే పొరపాట్ల చుట్టూ సాగే కథనం సెకండాఫ్‌లో చాలా ప్రిడిక్టబుల్‌గా మారుతుంది. స్టోరీలో వేగం తగ్గడం, సాగదీసినట్లు ఉండే సన్నివేశాలు ప్రేక్షకుడికి విసుగు తెప్పిస్తాయి. కొన్ని అనవసర సీన్లను ఎడిట్ చేసి ఉంటే బాగుండేది. అలాగే కొన్ని సీన్లు ఫ్యామిలీ అభిమానులకు మింగుడుపడవు. సెకండాఫ్ ను ఇంకాస్త ఆసక్తికరంగా మలిచి ఉంటే సినిమా రిజల్ట్ మరోలా ఉండేది. ప్రొడక్షన్ వాల్యూస్ సినిమా స్థాయికి తగ్గట్టుగా ఉన్నాయి. ఫైనల్‌గా.. మొత్తంగా చెప్పాలంటే.. 'తెల్లకాగితం' అక్కడక్కడా మెప్పించే ఓ యావరేజ్ యూత్‌ఫుల్ రొమాంటిక్ డ్రామా. యూత్‌ఫుల్ లవ్ స్టోరీలను ఇష్టపడేవారు ఎటువంటి భారీ అంచనాలు లేకుండా ఒకసారి చూడొచ్చు. 

టీనేజ్‌లో ప్రేమ, ఆకర్షణ, అపరిపక్వ నిర్ణయాలు, వాటి పర్యవసానాలు అనే పాయింట్‌తో దర్శకుడు రమేష్ బండ్రెడ్డి మంచి కథను ఎంచుకున్నారు. ముఖ్యంగా 15 నుంచి 18 ఏళ్ల మధ్య వయసులో పిల్లలకు చాలా విషయాలపై స్పష్టత ఉండదు. ఏది సరైన నిర్ణయం, ఏది తప్పు అనే విషయంలో తడబడుతుంటారు. ఈ అంశాన్ని రాము, ఆశ పాత్రల ద్వారా చూపించే ప్రయత్నం బాగుంది. హీరో ఫ్రెండ్స్ చేసే పనులు, డైలాగ్‌లు నవ్విస్తాయి. మధ్య మధ్యలో టీనేజ్‌ లవ్‌కి సంబంధించిన సన్నివేశాలు అలరిస్తాయి. అయితే సినిమాలో హీరోయిన్ ప్రెగ్నెన్సీ తర్వాత సీన్స్ ఏమాత్రం ఆకట్టుకునేలా ఉండకుండా సాగదీతతో తీశారు. 

సినిమాలో డ్రామా పండలేదు. లవ్ సీన్లలోనూ డెప్త్ లేదు. చివరి 20 నిమిషాల్లో మాత్రం సినిమా బలంగా నిలబడుతుంది. చిన్న తప్పు జీవితాలను ఎంతగా ప్రభావితం చేస్తుందో చూపించిన తీరు ఆలోచింపజేస్తుంది. ముఖ్యంగా క్లైమాక్స్‌లో ఇచ్చిన భావోద్వేగ ముగింపు సినిమాకు ప్రధాన బలం. ముగింపు బాధ కలిగించినా ఆడియెన్స్ కి కిక్‌ ఇవ్వలేకపోయింది. రొటీన్‌ ఫీలింగ్‌ ని తెప్పిస్తుంది. దర్శకుడు రమేష్ బండ్రెడ్డి మంచి పాయింట్‌ను ఎంచుకున్నప్పటికీ, టేకింగ్‌లో ఇంకాస్త మెరుగ్గా వ్యవహరించి ఉంటే సినిమా బాగుండేది. మొత్తంగా ఆడియెన్స్ ని ఆకట్టుకోవడంలో తడబడిందని చెప్పొచ్చు. టీనేజ్ ప్రేమలో చేసే తప్పులకు సంబంధించిన సందేశం బాగున్నా, దాన్ని అంతే బాగా తెరకెక్కించడంలో దర్శకుడు, ఆడియెన్స్ ని ఆకట్టుకోవడంలో మూవీ తడబడింది.