Movie Reviews

సత్యదేవ్ - వెంకటేష్ మహా కాంబినేషన్ లో తెరకెక్కిన రావు బహదూర్ మూవీ తాజాగా థియేటర్లలో విడుదలై మిశ్రమ స్పందన తెచ్చుకుంది. ఈ మూవీ సమాజంలో కులం, మతం, అంతస్తు లాంటివి మనుషులను ఎలా శాసిస్తున్నాయో ఈ రావు బహదూర్ సినిమాలో డైరెక్టర్ చాలా వివరంగా చూపించే ప్రయత్నం చేశారు. హోదా, రంగు, రక్తసంబంధాలు అనే సున్నితమైన అంశాల చుట్టూ ఈ కథ నడుస్తుంది.

రాజరికపు అహంకారం ఎంత గుడ్డిగా ఉంటుందో డైరెక్టర్ తన మేకింగ్‌లో లోతుగా చర్చించారు. 1960ల కాలంలో ఉన్న కుల వివక్ష, 2020 వచ్చినా పోదు అని హీరో ఫ్రెండ్ చెప్పే డైలాగ్ ఆలోచింపజేస్తుంది. దర్శకుడు ఈ సినిమాను చాలా క్లాస్‌గా, మేధావులకు నచ్చేలా తీశాడు కానీ మాస్ సినిమాలు, రెగ్యులర్ కమర్షియల్ ఎలిమెంట్స్ కోరుకునే సాధారణ ప్రేక్షకులకు ఈ సినిమా ఏ స్థాయిలో కనెక్ట్ అవుతుందనేది కచ్చితంగా చెప్పలేం. ఓవరాల్‌గా రావు బహదూర్.. రెగ్యులర్ కాదు.. డిఫెరెంట్ సైకలాజికల్ థ్రిల్లర్..!

సాధారణ కమర్షియల్ సినిమాలకు పూర్తి భిన్నంగా తెరకెక్కిన 'రావు బహదూర్' ప్రేక్షకులను పరీక్షించే చిత్రంగా నిలుస్తుంది. ప్రారంభం నుంచే మిస్టరీతో కథను నడిపించిన దర్శకుడు, ప్రతి పాత్ర వెనుక ఒక రహస్యాన్ని దాచిపెడతాడు. అయితే ఆ ఆసక్తిని కొనసాగించే క్రమంలో కథనం మరీ క్లిష్టంగా మారిపోవడంతో ఫస్ట్ హాఫ్‌లోనే చాలా మందికి కన్ఫ్యూజన్ కలిగించే అవకాశం ఉంది.

సెకండాఫ్‌లో కథ కాస్త స్పష్టతకు వచ్చినా, ప్రేక్షకుడు అంతవరకు ఓపికగా ప్రయాణించాల్సిందే. క్లైమాక్స్‌లో వచ్చే ట్విస్టులు సినిమాకు కొంత బలం చేకూర్చినా, మొత్తం ప్రయాణాన్ని పూర్తిగా సంతృప్తికరంగా మార్చలేవు. సత్యదేవ్ తన నటనతో మరోసారి ఆకట్టుకోగా, దర్శకుడు వెంకటేష్ మహా కొత్త తరహా కథ చెప్పాలనే ప్రయత్నం చేసిన విషయం స్పష్టంగా కనిపిస్తుంది.

మొత్తంగా, రెగ్యులర్ ఎంటర్‌టైనర్‌ను ఆశించే వారికి 'రావు బహదూర్' అంతగా నచ్చకపోవచ్చు. కానీ ప్రయోగాత్మక కథలు, నెమ్మదిగా విప్పుకునే మిస్టరీ డ్రామాలను ఇష్టపడే ప్రేక్షకులకు మాత్రం ఈ సినిమా ఒక విభిన్న అనుభూతిని అందిస్తుంది. ఫైనల్ గా టాలీవుడ్ లో ఇప్పటివరకు ట్రై చేయని రియలిజం మ్యాజిక్ తో కూడిన ఒక ఎంగేజింగ్ సైకలాజికల్ డ్రామా ఈ రావు బహదూర్. 

'రావు బహదూర్' ఆసక్తికరమైన కాన్సెప్ట్‌తో తెరకెక్కిన ప్రయోగాత్మక చిత్రం. రంగు, రూపం చూసి మనుషులను అంచనా వేయకూడదనే సందేశాన్ని చెప్పే ప్రయత్నం చేసింది. అయితే క్లిష్టమైన స్క్రీన్‌ప్లే, కన్ఫ్యూజింగ్ నేరేషన్ కారణంగా ఫస్ట్ హాఫ్ సాధారణ ప్రేక్షకులకు కనెక్ట్ కావడం కష్టమే. 

సెకండాఫ్‌ లో కథ కాస్త పుంజుకుని, క్లైమాక్స్‌ లో వచ్చే ట్విస్టులు ఆకట్టుకుంటాయి. సత్యదేవ్ నటన సినిమాకు ప్రధాన బలం. మొత్తంగా, అందరికీ నచ్చే సినిమా కాకపోయినా... కొత్త తరహా కథలను ఇష్టపడే వారికి ఒక డిఫరెంట్ ఎక్స్‌పీరియెన్స్ అందిస్తుంది. వెంకటేష్ మహా డైరెక్షన్ బావున్నా, స్క్రీన్ ప్లే ఒకింత డిస్సపాయింట్ చేస్తుంది. ఎంటర్టైన్మెంట్ మాత్రమే కావాలనుకునే ఆడియన్స్ ఈ సినిమాపై తక్కువ అంచనాలు పెట్టుకుని వెళ్తే మంచిది.

విరాట్ కర్ణ హీరోగా తెరకెక్కిన సినిమా ‘నాగబంధం’. ది సీక్రెట్ ట్రెజర్ అనేది ట్యాగ్ లైన్. నిక్ స్టూడియోస్ బ్యానర్‌పై కిషోర్ అన్నపురెడ్డి, నిశిత నాగిరెడ్డి నిర్మాణంలో అభిషేక్ నామా దర్శకత్వంలో ఈ సినిమా తెరకెక్కింది. భారీ బడ్జెట్ తో అడ్వెంచరస్ థ్రిల్లర్ గా తెరకెక్కిన నాగబంధం సినిమా జూలై 3న రిలీజ్ కాబోతుండగా ముందు రోజు రాత్రే ప్రీమియర్స్ వేశారు. నాగబంధం టైటిల్ అనౌన్స్ చేసిన దగ్గర్నుంచి, టీజర్, ట్రైలర్స్ తో సినిమాపై భారీ అంచనాలు పెంచారు. స్టార్ క్యాస్ట్ ఎవరూ లేకపోయినా భారీ బడ్జెట్, భారీ సెట్స్ వేసి, అనంత పద్మనాభ స్వామి విగ్రహంతో డివోషనల్ థ్రిల్లర్ అని బాగా ప్రమోట్ చేయడంతో ఈ సినిమాపై భారీ హైప్ నెలకొంది.

కథ డివోషనల్ థ్రిల్లర్ అని ప్రమోట్ చేసారు కానీ అది ఫోకస్ గా నడిపించలేదు. హిందూ మతం, సనాతన ధర్మం గురించి ఓ రెండు మూడు సార్లు డైలాగ్స్ తో చెప్పించారు. సనాతన ధర్మం కథలో చూపించకుండా డైలాగ్స్ తో చెప్పడం విశేషం. ఇక నాగబంధం – ది సీక్రెట్ ట్రెజర్, అనంత పద్మనాభ స్వామి అని ప్రమోట్ చేయడంతో ఇదేదో ట్రెజర్ హంట్ అని ఓ రేంజ్ లో ఊహించుకొని వెళ్తాము. కానీ కథలో అంత స్కోప్ ఉన్నా అసలు కథ వదిలేసి అక్కర్లేని ట్రాక్స్, డైలాగ్స్ తో నడిపించారు. ఇక సినిమా అంతా నాగబంధం వెనక ఏముంటుంది అని నడిపించి అసలు అదేంటో ఎక్కడా చెప్పకుండానే సినిమా ముగించడం గమనార్హం. అది తెలుసుకోవాలంటే పార్ట్ 2 వచ్చేదాకా ఎదురు చూడాల్సిందేనట. మొత్తంగా ‘నాగబంధం’ సినిమా బ్రహ్మ కమలం కోసం విలన్ చేసే ప్రయత్నం, దాన్ని హీరో ఎలా అడ్డుకున్నాడు అని సనాతన ధర్మం మెసేజ్ తో సాగుతుంది.

నాగబంధం సినిమా గురించి చెప్పాలంటే... నాగబంధం పుస్తకం, బ్రహ్మ కమలం, రంగనాథ స్వామి ఆలయం వంటి అంశాలతో మొదలయ్యే కథ ఫస్ట్ హాఫ్‌లో మంచి మిస్టరీ, అడ్వెంచర్ ఫీల్‌ను అందిస్తుంది. హీరో రుద్ర ప్రయాణం, విలన్ గ్యాంగ్‌తో జరిగే ఛేజ్ సీక్వెన్స్‌లు, యాక్షన్ ఎపిసోడ్స్, మధ్య మధ్యలో వచ్చే ట్విస్టులు ప్రేక్షకులను కథలోకి తీసుకెళ్తాయి. విజువల్స్, బ్యాక్‌గ్రౌండ్ స్కోర్ కూడా ఈ భాగానికి బలంగా నిలుస్తాయి. అయితే ఇంటర్వెల్‌కు ముందు వచ్చే కొన్ని రొమాంటిక్ సన్నివేశాలు, పాట కథ వేగాన్ని కాస్త తగ్గిస్తాయి. అయినప్పటికీ ఫస్ట్ హాఫ్ మొత్తంగా ఆసక్తిని కొనసాగించడంలో సక్సెస్ అవుతుంది.

సెకండాఫ్‌లో మాత్రం సినిమా పూర్తిగా మరో దారిలో ప్రయాణిస్తుంది. హీరో తన గతం, నాగబంధం వెనుక ఉన్న రహస్యాలను తెలుసుకునే క్రమంలో కథ హిందూ పురాణాలు, సనాతన ధర్మం, ప్రాచీన రహస్యాల వైపు మళ్లుతుంది. కొన్ని సన్నివేశాలు సాగదీతగా అనిపించగా, ఎమోషన్స్ కూడా ఆశించిన స్థాయిలో ప్రభావం చూపలేవు. సినిమా అంతా నాగబంధం రహస్యాన్ని ఛేదించే ప్రయాణంగా చూపించినప్పటికీ, క్లైమాక్స్‌లో అసలు ప్రశ్నలకు సమాధానం ఇవ్వకుండా కథను నేరుగా పార్ట్-2 కోసం వదిలేయడం ప్రేక్షకులకు అసంతృప్తిని కలిగిస్తుంది. దీంతో సినిమా పూర్తి అనుభూతిని ఇవ్వలేకపోతుంది. చివరగా మంచి కాన్సెప్ట్, గ్రాండ్ విజువల్స్, ఆసక్తికరమైన సెటప్ ఉన్నప్పటికీ, కథనం తడబడటం, నిడివి ఎక్కువ కావడం, క్లైమాక్స్‌ను పూర్తిగా సీక్వెల్‌పై ఆధారపడేలా ముగించడం వల్ల 'నాగబంధం' పూర్తి స్థాయిలో మెప్పించలేకపోయింది. 

పెదకాపు’ ఫేమ్ విరాట్‌ కర్ణ హీరోగా అభిషేక్ నామా తెరకెక్కించిన చిత్రం ‘నాగబంధం’. ఈ సినిమాను అభిషేక్‌ నామా తెరకెక్కించారు.. అత్యంత భారీగా విజువల్ అడ్వెంచర్‌ థ్రిల్లర్‌గా రూపొందిన ఈ సినిమా. తాజాగా థియేటర్లలో విడుదలై మిశ్రమ స్పందన తెచ్చుకుంది. ఈ సినిమా కోసం తీసుకున్న కాన్సెప్ట్ బాగుంది.. దాన్ని విజువల్స్‌తో మ్యాజిక్ చేసే ప్రయత్నం చేసాడు దర్శకుడు అభిషేక్ నామా. 

అయితే ఈ మధ్య కాలంలో దేవుడి నేపథ్యం, సనాతన ధర్మం అనే అంశాలను వాడుకుంటూ వచ్చిన పలు చిత్రాలు ఘనవిజయాలు సాధించాయి. అదే ట్రెండ్ ఫాలో అవుతూ వచ్చిన సినిమా నాగబంధం. ఇందులో కూడా మొదటి నుంచి హిందూ ధర్మ పరిరక్షణ, ఆలయాలు, వాటి సంరక్షణ చుట్టూనే కథ అల్లుకున్నారు. కథలో సహజంగా దైవభక్తి ఉంటే ప్రేక్షకులు కనెక్ట్ అవుతారు.. నాగబంధంలో కొన్ని సన్నివేశాలు బాగానే కనెక్ట్ అయితే.. మరికొన్ని మాత్రం అతికించినట్లు అనిపిస్తాయి. విరాట్ కర్ణ పర్లేదనిపించాడు. దర్శకుడు అభిషేక్ నామా కూడా తన వంతు బాధ్యత బాగానే పూర్తి చేసారు. కథపై ఇంకాస్త లోతుగా వెళ్లుంటే బాగుండేది. చివర్లో పార్ట్ 2కు లీడ్ ఇచ్చారు. ఓవరాల్‌ గా నాగబంధం.. సనాతన హిందూ ధర్మ పరిరక్షణ కోసం చేసే పోరాటం..!

స్టార్ క్యాస్ట్ లేదు.. స్టార్ డైరెక్టర్ కాదు... అయినా సరే గ్రాండ్ విజువల్స్ తో ట్రైలర్స్ తో ప్రేక్షకుల్ని ఆకర్షించిన సినిమా నాగబంధం. తాజాగా థియేటర్లలో విడుదలై మిక్స్డ్ రెస్పాన్స్ తెచ్చుకుంది. సినిమా విషయానికి వస్తే... మరణాన్ని జయించే అద్భుత శక్తులు కలిసిన బ్రహ్మకమలం చుట్టూ తిరిగే కథ ఇది. 'నాగబంధం' మంచి కాన్సెప్ట్‌ తో మొదలై, ఫస్ట్ హాఫ్‌లో అడ్వెంచర్, యాక్షన్, ట్విస్టులతో ఆసక్తికరంగా సాగుతుంది. 

కానీ ఇంటర్వెల్ తర్వాత కథ ఒక్కసారిగా మరో ట్రాక్‌లోకి వెళ్లడంతో కనెక్టివిటీ తగ్గుతుంది. క్లైమాక్స్‌లో ప్రధాన మిస్టరీని పార్ట్-2 కోసం వదిలేయడం నిరాశ కలిగిస్తుంది. మూడు గంటల నిడివి కూడా సినిమాకు మైనస్. మొత్తంగా, మంచి విజువల్స్, ఆసక్తికరమైన సెటప్ ఉన్నా... స్క్రీన్‌ప్లే, లెంగ్త్ కారణంగా 'నాగబంధం' పూర్తిస్థాయిలో ఆకట్టుకోలేకపోయింది. vfx సీన్స్ విషయంలో మరికొంత జాగ్రత్తలు తీసుకోవాల్సింది. ఫైనల్ గా నాగబంధం... విజువల్ గ్రాండియర్ విత్ ఎంగేజింగ్ మూమెంట్స్. 

భార్య – భర్తల మధ్య రిలేషన్, వాళ్ళ మధ్య గొడవలతో ముగ్గురు జంటలతో ఫుల్ లెంగ్త్ కామెడీ సిరీస్ గా సేవ్ ది టైగర్స్ మొదటి రెండు సీజన్స్ ప్రేక్షకులను ఫుల్ గా నవ్వించింది. దీంతో సీజన్ 3 పై కూడా అంచనాలు నెలకొన్నాయి. రెండో వెబ్ సిరీస్ లో మూడు జంటల మధ్య ఏదో ఒక సమస్య పెట్టి ఎండ్ చేసారు. అక్కడ నుంచే ఈ సీజన్ కథ మొదలవుతుంది. మొత్తం ఏడు ఎపిసోడ్స్ తో ప్రతి ఎపిసోడ్ సింపుల్ బ్యాంగ్ తో తెరకెక్కించారు.

ఎప్పట్లాగే భార్య – భర్తల రిలేషన్ మీద చివర్లో కాస్త ఎమోషనల్ గా వర్కౌట్ చేయాలని ప్రయత్నించారు. ఎక్కడా బోర్ కొట్టకుండా అక్కడక్కడా నవ్వుతూ చూడొచ్చు. ఓపెనింగ్ లోనే గంట రవి, రాహుల్, విక్రమ్.. ఒకేలా ఉన్న ఇద్దరు ఇద్దర్ని చూపించి ఆశ్చర్యపరిచి అసలు కథలోకి తీసుకెళ్లారు. లాస్ట్ ఎపిసోడ్ మాత్రం కాస్త సాగదీశారు. చివరకు పెళ్లి అనే కాన్సెప్ట్ ని ఎవరు ఏం చేయలేరు అనే రొటీన్ ఎండ్ మాములే. మొత్తంగా ‘సేవ్ ది టైగర్స్ సీజన్ 3’ వెబ్ సిరీస్ కూడా మొదటి రెండు సీజన్స్ లాగే నవ్విస్తుంది, కానీ కాస్త కన్ఫ్యూజ్ చేస్తుంది. హ్యాపీగా చూసేయచ్చు. ఈ సిరీస్ కి 3.25 రేటింగ్ ఇవ్వొచ్చు.

ఈ మూడో సీజన్‌కు శ్రీరామ్ ఎరగం కొత్తగా దర్శకత్వ బాధ్యతలు తీసుకున్నాడు. అయితే మొదటి రెండు సీజన్లను సూపర్ హిట్ చేసిన కామెడీ ఫార్ములాను ఆయన ఏమాత్రం మిస్ అవ్వలేదు. ఈసారి కథకు కొద్దిగా ఫాంటసీ (దేవుళ్లు భూమి మీదకు రావడం) టచ్ ఇవ్వడం వల్ల సిరీస్‌కి మంచి కొత్తదనం వచ్చింది. అది ప్రేక్షకులకు బాగా కనెక్ట్ అయి నవ్వులు పంచుతుంది.

అయితే కథనంలో కొన్ని మైనస్ పాయింట్స్ కూడా ఉన్నాయి. ముఖ్యంగా మధ్యలో వచ్చే ఒకటి రెండు ఎపిసోడ్లు బాగా సాగదీసినట్లు అనిపిస్తాయి. సీన్స్ కాస్త నెమ్మదిగా బోర్ కొట్టేలా సాగుతాయి. స్క్రీన్‌ప్లే ఇంకాస్త క్రిస్పీగా, వేగంగా ఉంటే బాగుండేది. అలాగే ఫ్యామిలీ ఆడియన్స్‌ను ఇబ్బంది పెట్టేలా ఇందులో బూతు పదాలు మితిమీరి వాడారు. మధ్యలో కొన్ని సాగదీత సీన్లను కట్ చేసి ఉంటే సిరీస్ మరింత స్పీడ్‌ గా ఉండేది. కొత్త దర్శకుడు శ్రీరామ్ కొన్ని చిన్న చిన్న ల్యాగ్ సమస్యలను పక్కన పెడితే ఫ్రాంచైజీకి ఉన్న పేరును నిలబెట్టి ప్రేక్షకులకు ఫుల్ మీల్స్ లాంటి ఎంటర్టైన్మెంట్ అందించాడు. ఓవరాల్ గా సేవ్ ద టైగర్స్ 3.. కొంచెం ఫాంటసీ, కొంచెం ఫ్రస్ట్రేషన్, బోలెడంత ఫన్..!

భార్యాభర్తల రిలేషన్‌షిప్ కామెడీకి ఈసారి ఫాంటసీ ఎలిమెంట్ జోడించి 'సేవ్ ద టైగర్స్ 3'ను కొత్తగా తీర్చిదిద్దారు. ప్యారలల్ వరల్డ్ కాన్సెప్ట్, డ్యూయల్ రోల్స్‌తో కథ ఆసక్తికరంగా సాగుతుంది. ప్రియదర్శి, అభినవ్ గోమఠం, చైతన్య కృష్ణతో పాటు వారి జోడీలు రెండు భిన్నమైన షేడ్స్‌లో ఆకట్టుకున్నారు. మొదటి కొన్ని ఎపిసోడ్లలో కామెడీ కాస్త తగ్గినట్టు అనిపించినా, కథ ముందుకు సాగేకొద్దీ ట్విస్టులు, సరదా సన్నివేశాలు ప్రేక్షకులను ఎంగేజ్ చేస్తాయి. క్లైమాక్స్‌లో మంచి నవ్వులు పంచుతూ సీజన్‌ను ముగించారు. 

టెక్నికల్ విషయానికి వస్తే... క్రియేటివ్ మహి.వి.రాఘవ్ మరోసారి అదరగొట్టారు. ప్రదీప్ అద్వైతం తో కలిసి మళ్ళీ హిట్ కొట్టారు. శ్రీరామ్ ఎరగం దర్శకత్వం కూడా బాగుంది. డైలాగ్స్ కూడా బాగున్నాయి. తొలి రెండు సీజన్లు నచ్చిన వారికి ఈ సీజన్ కూడా నిరాశ కలిగించదు. ఫ్యామిలీతో కలిసి చూడాల్సిన ఎంటర్‌టైనర్ ఇది. 

భార్యాభర్తల రిలేషన్‌షిప్ కామెడీకి ఈసారి ఫాంటసీ టచ్ జోడించి 'సేవ్ ద టైగర్స్ 3'ను కొత్తగా ప్రజెంట్ చేశారు. డ్యూయల్ రోల్స్, ప్యారలల్ వరల్డ్ కాన్సెప్ట్‌ తో కథ ఆసక్తికరంగా సాగుతుంది. మొదట కామెడీ కాస్త తగ్గినట్టు అనిపించినా... క్లైమాక్స్‌ కి వచ్చే సరికి ఫుల్ ఎంటర్‌టైన్‌మెంట్ అందిస్తుంది. మొదటి రెండు సీజన్లు నచ్చిన వారికి ఇది కూడా పక్కా బింజ్-వాచ్. భార్య భర్తల రిలేషన్షిప్ గురించి చిన్న మెసేజ్ కూడా ఈ సిరీస్ లో ఇచ్చారు. ఫైనల్లీ ఈ వీకెండ్ లో హ్యాపీగా నవ్వుకోవడానికి సేవ్ ది టైగర్స్ బెస్ట్ ఆప్షన్. 

పలు వెబ్ సిరీస్ లు, శుభం, కల్కి సినిమాలతో ఫేమ్ తెచ్చుకున్నాడు హర్షిత్ రెడ్డి. మొదటిసారి సినిమా హీరోగా సోలో మెయిన్ లీడ్ చేసాడు. దీవానా ట్రైలర్ రిలీజ్ అయినప్పుడు ఇదేదో అర్జున్ రెడ్డి, బేబీ.. లాంటి ప్రేమ కథ అని అంతా అనుకున్నారు కానీ కాదు అని సినిమా చూసాక అర్ధమవుతుంది. ప్రమోషన్స్ మాత్రం బాగానే చేసారు. డైరెక్టర్ ఈ సినిమా మీద ఫుల్ కాన్ఫిడెంట్ తో హైప్ ఇచ్చాడు.

ఫస్ట్ హాఫ్ హీరో, ఫ్రెండ్స్ తో తిరగడాలు.. రొటీన్ అన్ని సినిమాల్లాగే ఉంటుంది. హీరోయిన్ ని చూడటం, ఆమె వెంట పడటం కొంచెం క్యూట్ గా, కామెడీగా చూపించారు. అక్కడక్కడా పేరెంట్స్ తో హీరో ఎలా ఉంటాడు, హీరో గొడవలతో సాగదీశారు. ఇంటర్వెల్ ముందు హీరోని పోలీసులు తీసుకెళ్లే సీన్, ఆ తర్వాత జరిగే సీన్ రొటీన్ సీన్స్ అయినా నెక్స్ట్ ఏం జరుగుతుంది అని ఉత్కంఠగా సాగుతాయి. ఇంటర్వెల్ కి ఆడియన్స్ కి హీరోయిన్ నుంచి అదిరిపోయే ట్విస్ట్ వస్తుంది. 

ఇలాంటి కథలు చాలా వచ్చినా ఒక ఇంటర్వెల్ ట్విస్ట్ తో ఎంగేజింగ్ గా మంచి లవ్ స్టోరీని రాసుకొని ఎమోషనల్ గా తెరకెక్కించాడు దర్శకుడు. నిర్మాణ పరంగా కూడా చిన్న సినిమా అయినా బాగానే ఖర్చుపెట్టినట్టు తెరపై క్వాలిటీ అవుట్ పుట్ కనిపిస్తుంది. మొత్తంగా ‘దీవానా’ సినిమా ఆసక్తికర ఇంటర్వెల్ బ్యాంగ్ తో తెరకెక్కిన ఓ మంచి ఎమోషనల్ లవ్ స్టోరీ. ఈ సినిమాకు 3 రేటింగ్ ఇవ్వొచ్చు.