Movie Reviews

బ్రష్ కొనివ్వలేదు అని కొడుకుపై కేసు వేసాడంటూ పళ్ళ బురుసు సినిమా టీజర్ చూడగానే తెలంగాణ విలేజ్ బ్యాక్ డ్రాప్, పేరెంట్స్ ఎమోషన్ కథ అని ముందే అర్ధమయింది. ఫస్ట్ హాఫ్ అంతా శంభు పళ్ళ బురుసు కోసం చేసే ప్రయత్నాలు, తిరుపతి కూతురు పెళ్లి, ఊళ్ళో శంభుతో ఉండే ఇంకో నలుగురు ముసలి తాతలతో సరదాగా కామెడీగా సాగుతుంది. ఇక సెకండ్ హాఫ్ మొదట కాస్త కామెడీగా సాగినా తర్వాత అంతా ఎమోషనల్ గా సాగుతుంది. క్లైమాక్స్ లో ఓ కొత్త పాయింట్ ని తీసుకొని దర్శకుడు మరింత ఎమోషనల్ చేసాడు.

ఒంటరితనం ఎంత భయంకరమైనది, ముసలితనంలో అది ఇంకా ఎంత కష్టంగా ఉంటుంది అనే మెసేజ్ ని బాగా చూపించారు. అయితే క్లైమాక్స్ హ్యాపీ ఎండింగ్ ఇచ్చారు కానీ ఎమోషనల్ గా ముగిస్తే ప్రేక్షకుడు రియాలిటీకి కనెక్ట్ అయి బరువైన హృదయంతో బయటకు వెళ్ళేవాడు. మొత్తంగా ‘పళ్ళ బురుసు’ సినిమా కొడుకు పట్టించుకోవట్లేదని ఓ ముసలి తండ్రి పడే ఆవేదనను నవ్వించి ఏడిపిస్తూ చూపించిన కథ. ఈ సినిమాకు 2.75 రేటింగ్ ఇవ్వొచ్చు.

విశాల్, దుషారా విజయన్, అంజలి ప్రధాన పాత్రల్లో తెరకెక్కిన ‘మకుటం’ సినిమా నేడు ప్రేక్షకుల ముందుకు వచ్చింది. మాస్ యాక్షన్, ఎమోషనల్ డ్రామాగా రూపొందిన ఈ చిత్రానికి మిశ్రమ స్పందన లభిస్తోంది. కథలో కొత్తదనం లేకపోవడం, రొటీన్ స్క్రీన్‌ప్లే సినిమాకు ప్రధాన మైనస్‌గా మారాయి. ముఖ్యంగా ఆసక్తికరమైన నేరేషన్ లేకపోవడంతో కొన్ని సన్నివేశాలు బోర్ కొట్టిస్తాయి. యాక్షన్ సన్నివేశాలు, భావోద్వేగ అంశాలు ఉన్నప్పటికీ అవి కథకు పూర్తిగా బలం చేకూర్చలేకపోయాయి. 

విశాల్ తన నటనతో మెప్పించే ప్రయత్నం చేశారు. అయితే బలమైన కథ, ఆకట్టుకునే కథనం లేకపోవడంతో సినిమా స్థాయి ఆశించినంతగా కనిపించలేదు. ఓవరాల్‌గా ‘మకుటం’ సాధారణ కథ, బోరింగ్ స్క్రీన్‌ప్లేతో ప్రేక్షకులను పూర్తిగా మెప్పించలేకపోయింది. విశాల్ అభిమానులు ఆయన పెర్ఫార్మన్స్ కోసం ఒకసారి ప్రయత్నించవచ్చు. ఒక్కముక్కలో సినిమా గురించి చెప్పాలంటే ఇదొక పాత చింతకాయ పచ్చడి కథ. 

సూర్య–మామిత విశ్వనాధ్ అండ్ సన్స్ టీజర్‌ లో ఇద్దరూ లవర్స్‌ గా కనిపించడంతో అసలు కథ ఇదేనా అంటూ ప్రేక్షకులు సర్‌ప్రైజ్ అయ్యారు. స్టార్ హీరోతో ఇలాంటి ఏజ్-గ్యాప్ లవ్ స్టోరీని ఎంచుకోవడం వెంకీ అట్లూరి చేసిన డిఫరెంట్ అటెంప్ట్. అయితే కొత్త పాయింట్ ఉన్నప్పటికీ సినిమా పూర్తిగా కొత్త అనుభూతిని ఇవ్వదు. రెగ్యులర్ లవ్, ఫ్యామిలీ ఎమోషన్స్‌ను ఫీల్ గుడ్ టచ్‌తో చెప్పాడు వెంకీ. ఎమోషనల్ డైలాగ్స్, ఫన్నీ మూమెంట్స్, సూర్య–మామిత కెమిస్ట్రీ సినిమాకు హైలైట్‌గా నిలుస్తాయి.

ఫస్ట్ హాఫ్‌తో పోలిస్తే సెకండాఫ్ కాస్త వీక్‌గా అనిపించినా.. 2.5 గంటలకు పైగా ఉన్న రన్‌టైమ్‌లోనూ కథనాన్ని ఎంగేజింగ్‌గా నడిపించడం ప్లస్ పాయింట్. మొత్తంగా కొత్త కాన్సెప్ట్ కంటే వెంకీ అట్లూరి ట్రీట్‌మెంట్, ఫీల్ గుడ్ ఎమోషన్స్ ఈ సినిమాకు అసలు బలం. అయితే సెకండ్ హాఫ్ లో కొన్ని సీన్లను క్రిస్పీగా కట్ చేయాల్సింది. ప్రొడక్షన్ వాల్యూస్ బాగున్నాయి. ఓవరాల్ గా విశ్వనాధ్ అండ్ సన్స్ క్లీన్ ఫామిలీ ఎంటర్టైనర్. 

సూర్య–మామిత కాంబినేషన్ అనగానే ఫాదర్–డాటర్ తరహా కథ అనుకున్న వారికి టీజర్ షాకిచ్చింది. ఇద్దరి మధ్య వయసు తేడాతో కూడిన ప్రేమకథగా సినిమా ఆసక్తిని పెంచింది. అయితే వెంకీ అట్లూరి కొత్త పాయింట్‌ను ఎంచుకున్నా.. కథనం మాత్రం సగటు లవ్ స్టోరీ, ఫ్యామిలీ డ్రామాగానే సాగుతుంది.

ఫీల్ గుడ్ మూమెంట్స్, ఎమోషనల్ సీన్స్, యూత్‌ను ఆకట్టుకునే ఫన్నీ డైలాగ్స్‌తో వెంకీ అట్లూరి రచయితగా, దర్శకుడిగా మెప్పించాడు. ముఖ్యంగా “మనుషులు విడిపోయేది గొడవల వల్ల కాదు.. ఆ గొడవల తర్వాత ఎలా మాట్లాడాలో తెలియక” వంటి డైలాగ్స్ ఆకట్టుకుంటాయి.

సెకండాఫ్‌లో స్క్రీన్‌ప్లే ఇంకాస్త బలంగా ఉంటే సినిమా మరింత ఇంప్రెస్ చేసేది. అయినప్పటికీ రెండున్నర గంటలకు పైగా ఉన్నా పెద్దగా బోర్ కొట్టకుండా సాగడం సినిమాకు ప్లస్. ఓవరాల్ గా విశ్వనాథ్ అండ్ సన్స్..క్లీన్ ఫ్యామిలీ ఎంటర్టైనర్ విత్ ప్లెజెంట్ మూమెంట్స్. 

డీసీ మూవీకి దర్శకుడు ఎంచుకున్న మార్గం చాలా షార్ట్ అండ్ షార్ప్‌గా ఉంది. పైకి కేవలం క్రైమ్ డ్రామాలాగా కనిపించినా, లోపల బలమైన సామాజిక అంశాన్ని, పేదల విద్యా హక్కును చర్చించారు. హీరో పాత్రను తీర్చిదిద్దిన విధానం చాలా కొత్తగా అనిపిస్తుంది. విశ్రాంతి సమయానికి ముందు వచ్చే పోరాట సన్నివేశాలు అద్భుతంగా పండాయి. ఎన్నాళ్ళయిందో ఒక అదిరిపోయే ఇంటెన్స్ యాక్షన్ డ్రామా చూసి.. DC తో ఆ లోటు తీరిపోయిందని ఆడియన్స్ ఖచ్చితంగా అనుకుంటారు. 

పీక్ సినిమాటిక్ ఎక్స్పీరియన్స్ అంటారు కదా అలాంటిదే ఈ సినిమా.. వెరీ ఫస్ట్ సీన్ నుంచి క్లైమాక్స్ వరకు ఎడ్జ్ ఆఫ్ ది సీట్ అన్నట్టు తీశాడు దర్శకుడు అరుణ్ మాదేశ్వరన్. ఇదేమీ తెలియని కథ కాదు.. ఎన్నో సినిమాల్లో చూసిన కథే.. సమాజానికి ఎదురెళ్లే ఒక గ్యాంగ్ స్టర్.. సమాజం చేతిలో మోసపోయిన ఒక అమ్మాయి.. కలిసి చేసే ప్రయాణమే డిసి సినిమా. ఇక సినిమాని మెజారిటీ నిలబెట్టింది అనిరుధ్ బీజీఎమ్. ఇటు దర్శకుడు అరుణ్ మాదేశ్వరన్ తన మేకింగ్ స్టైల్ చూపించాడు.. మరోసారి పోలీసుల చేతిలో అణిచివేయబడుతున్న సామాన్యుల కథనే తీసుకున్నాడు. ఓవరాల్‌ గా డిసి.. గన్స్ అండ్ రోజెస్.. మంచి సినిమాటిక్ ఎక్స్‌పీరియన్స్..!

తీసింది కొన్ని సినిమాలైనా మంచి స్టార్ డైరెక్టర్ గా తమిళనాట ఓ వెలుగువెలుగుతున్న కోలీవుడ్ స్టార్ డైరెక్టర్ లోకేష్ కనకరాజ్ హీరోగా నటించిన తొలి చిత్రం ‘డిసి’ ఈ వారం థియేటర్లలో విడుదలైంది. అరుణ్ మాదేశ్వరన్ తెరకెక్కించిన ఈ యాక్షన్ డ్రామాకు మిశ్రమ స్పందన లభిస్తున్నప్పటికీ, స్క్రీన్‌ప్లే సినిమాకు ప్రధాన బలంగా నిలిచింది.

చిన్న కథను ఆసక్తికరమైన ట్రీట్‌మెంట్‌తో, సాలిడ్ యాక్షన్ మూమెంట్స్‌తో దర్శకుడు ఆకట్టుకునేలా తెరకెక్కించాడు. హీరోగా లోకేష్ కనకరాజ్ తన పాత్రలో మెప్పించడంతో పాటు యాక్షన్ సన్నివేశాల్లో మంచి ఇంపాక్ట్ చూపించాడు. అనిరుధ్ సంగీతం, బ్యాక్‌గ్రౌండ్ స్కోర్ సినిమాకు మరో ప్లస్‌గా నిలిచాయి.

కథలో కొన్ని చిన్న లోపాలు ఉన్నప్పటికీ, దర్శకుడి స్క్రీన్‌ప్లే ప్రేక్షకులను ఎంగేజ్ చేస్తుంది. మొత్తంగా ‘డిసి’ మంచి మాస్ యాక్షన్ డ్రామాగా నిలిచింది. లోకేష్ కనకరాజ్‌కు ఇది ఇంప్రెసివ్ డెబ్యూ అని చెప్పొచ్చు. ఫైనల్ గా డిసి ఎంగేజింగ్ మూవ్మెంట్స్ ఉన్న ఒక రెగ్యులర్ గ్యాంగ్ స్టర్ డ్రామా అని చెప్పొచ్చు. 

ఈ వారం థియేటర్లలో ప్రేక్షకుల ముందుకు వచ్చిన సినిమాల్లో కోలీవుడ్ స్టార్ డైరెక్టర్ లోకేష్ కనకరాజ్ హీరోగా నటించిన ‘డిసి’ కూడా ఒకటి. దర్శకుడు అరుణ్ మాదేశ్వరన్ తెరకెక్కించిన ఈ యాక్షన్ డ్రామా ప్రేక్షకుల నుంచి మిశ్రమ స్పందనను అందుకుంటోంది. అయితే సినిమాను తెరకెక్కించిన విధానం, స్క్రీన్‌ప్లే విషయంలో దర్శకుడు తన మార్క్ చూపించాడు.

చిన్న కథాంశాన్నే తీసుకుని దానికి ఆసక్తికరమైన మలుపులు, యాక్షన్ ఎలిమెంట్స్ జోడించి ప్రేక్షకులను ఎంగేజ్ చేసేలా సినిమాను రూపొందించాడు. ముఖ్యంగా సినిమా సాగుతున్న కొద్దీ వచ్చే కొన్ని సాలిడ్ మూమెంట్స్ మాస్ ఆడియన్స్‌ను ఆకట్టుకుంటాయి. కథలో పెద్దగా కొత్తదనం కనిపించకపోయినా, దర్శకుడు ఎంచుకున్న ట్రీట్‌మెంట్ సినిమాకు ప్రధాన బలంగా నిలిచింది.

ఇక ఈ సినిమాతో హీరోగా డెబ్యూ చేసిన లోకేష్ కనకరాజ్ తన పాత్రకు న్యాయం చేశాడు. యాక్షన్ సన్నివేశాలతో పాటు కీలకమైన ఎమోషనల్ సీన్స్‌లోనూ తనదైన పెర్ఫార్మెన్స్‌తో మెప్పించాడు. మరోవైపు అనిరుధ్ అందించిన సంగీతం సినిమాకు అదనపు బలంగా నిలిచింది. బ్యాక్‌గ్రౌండ్ స్కోర్ పలు సన్నివేశాల ఇంపాక్ట్‌ను మరింత పెంచింది.

ఓవరాల్‌గా ‘డిసి’ సినిమా సాలిడ్ యాక్షన్ మూమెంట్స్, ఆసక్తికరమైన స్క్రీన్‌ప్లేతో ఆకట్టుకునే మాస్ డ్రామాగా నిలుస్తుంది. అక్కడక్కడా కనిపించే చిన్న లోపాలను పక్కన పెడితే, థియేటర్లలో ఒకసారి చూడదగ్గ సినిమాగా అనిపిస్తుంది.

వరుస ఫ్లాప్స్ లో ఉన్న వరుణ్ తేజ్ కి కొరియన్ కనకరాజు టీజర్, ట్రైలర్స్ తో సినిమాపై భారీ అంచనాలు నెలకొనడంతో హిట్ కొడతాడు అనే ఆశలు చిగురించాయి. సత్య కామెడీ కూడా ఉండటంతో ఈసారి వరుణ్ హిట్ కొడతాడని అంత ఫిక్స్ అయ్యారు. ఒక ఆత్మ ఎక్కడ్నుంచో వచ్చి ఒకరి శరీరంలోకి దూరడం, తన ప్లేస్ కి వెళ్లడం.. లాంటి కథ చాలా పాతదే. కానీ దానికి పెనుగొండ, కొరియా బ్యాక్ డ్రాప్ తీసుకొని కొత్తగా రాసుకున్నారు. 

సత్య కామెడీ ట్రాక్స్ కి మాత్రం ఫుల్ గా నవ్వుకుంటాం. కొరియాకు సంబంధించిన సీన్స్, హీరోయిన్ పాత్ర సెటప్ అన్ని బాగా ఎస్టాబ్లిష్ చేసుకున్నారు. ఈ సినిమాకు పార్ట్ 2 కి లీడ్ ఇవ్వడం గమనార్హం. ఫ్యామిలీతో కలిసి చూడొచ్చు. ఫుల్ గా నవ్వుకోడానికి థియేటర్ కి వెళ్లి చూడొచ్చు ఈ సినిమాని. మొత్తంగా ‘కొరియన్ కనకరాజు’ ఓ కొరియన్ గ్యాంగ్ స్టర్ ఆత్మ పెనుగొండలో ఉండే కనకరాజు అనే వ్యక్తి శరీరంలోకి వస్తే ఏం జరిగింది అని కామెడీ యాక్షన్ తో తెరకెక్కిన సినిమా.

దెయ్యాలు, ఆత్మలు తదితర అంశాల నేపథ్యంలో భయపెడుతూనే నవ్వించే చిత్రాలు తెలుగు తెరకు కొత్త కాదు. ఒకరి దేహంలోకి మరొకరి ఆత్మ ప్రవేశించడం కూడా మనం చాలాసార్లు చూసిందే. కానీ ఇక్కడ దర్శకుడు ఎంచుకున్న విదేశీ ఆత్మ అనే పాయింట్ కొత్తగా అనిపిస్తుంది. సినిమా మొదలైన చాలాసేపటి వరకు కథనం చాలా సాదాసీదాగా సాగుతుంది. అయితే ప్రేక్షకుడు కాస్త బోర్ ఫీలయ్యే సమయంలో ఇంటర్వెల్ దగ్గర వచ్చే ట్విస్ట్ సినిమా స్వరూపాన్నే మార్చేస్తుంది. ఎప్పుడైతే హీరో శరీరంలోకి ఆత్మ వస్తుందో అక్కడి నుంచి కథ ఊపు అందుకుంటుంది.

లాజిక్ లను పూర్తిగా పక్కనపెట్టి కేవలం నవ్వించడమే లక్ష్యంగా దర్శకుడు అడుగులు వేశాడు. ముఖ్యంగా స్నేహితుడి పాత్రలో సత్య చేసే హడావిడి, ఇచ్చే ఎక్స్ ప్రెషన్స్ అంతా ఇంతా కాదు. అయితే వినోదానికి ఇచ్చిన ప్రాధాన్యత కథా గమనానికి ఇవ్వకపోవడం కొంత లోపం. కథలో బలమైన ఫ్లో ఉండదు. ఇక క్లైమాక్స్ సన్నివేశాలు మరీ కార్టూన్ నెట్వర్క్ తరహాలో సాగడం కొంచెం నిరాశపరుస్తుంది. ఫస్టాఫ్ లో ఉన్న సాగతీతను తగ్గించి ఉంటే సినిమా స్థాయి మరింత పెరిగేది. లాజిక్స్ వెతక్కుండా కేవలం నవ్వుకోవడానికి వెళ్లే వారికి ఈ సినిమా వినోదాన్ని పంచుతుంది. ఓవరాల్ గా కొరియన్ కనకరాజు.. లాజిక్స్ తో పనిలేకుండా కాసేపు హాయిగా నవ్వుకునేలా ఉంది. 

వరుణ్ తేజ్ నటించిన కొరియన్ కనకరాజు మూవీ తాజాగా థియేటర్లలో విడుదలై మిశ్రమ స్పందన తెచ్చుకుంది. వరుణ్ తేజ్ తన డీసెంట్ పెర్ఫార్మన్స్ తో మెప్పిస్తాడు. సత్య కామెడీ సినిమాకే హైలెట్. డైరెక్టర్ మేర్లపాక గాంధీ ఎంటర్టైనింగ్ స్క్రీన్ ప్లే తో మెప్పించాడు. కానీ కథ ఇంకా బలంగా రాసుకోవాల్సింది. థమన్ మ్యూజిక్ చాలా బలమైంది. 

ఇక ఫస్ట్ హాఫ్ రొటీన్ గానే ఉన్నా, సెకండ్ హాఫ్ హిలేరియస్ గా నవ్విస్తుంది. కాకపోతే క్లైమాక్స్ నిరాశపరుస్తుంది. ఓవరాల్ గా కొరియన్ కనకరాజు ఆడియన్స్ ని మెప్పిస్తుంది. కొత్తదనం కోరుకునే వాళ్లకు, లాజిక్ లు వెతికేవాళ్లకు ఈ సినిమా కొంతవరకు నిరాశపరచవచ్చు. 

మెగా హీరో వరుణ్ తేజ్ చాలా కాలంగా ఓ కమర్షియల్ హిట్ కోసం ఎదురుచూస్తుండగా latest గా 'కొరియన్ కనకరాజు' ప్రేక్షకుల ముందుకు వచ్చింది. విడుదలకు ముందు క్రేజీ ప్రమోషన్లతో ఆసక్తి పెంచిన ఈ చిత్రం థియేటర్లలో మిశ్రమ స్పందనను అందుకుంటోంది.

తెలుగు ప్రేక్షకులకు ఇప్పటికే పరిచయమైన హారర్ కామెడీ జానర్‌ను ఆధారంగా తీసుకున్న ఈ సినిమా, దయ్యం ప్రధాన పాత్రలోకి ప్రవేశించి జరిగే పరిణామాల చుట్టూ తిరుగుతుంది. కథనం, స్క్రీన్‌ప్లేలో కొన్ని లోపాలు కనిపించినప్పటికీ, సినిమా మొత్తంగా ప్రేక్షకులకు బోర్ కొట్టించకుండా సాగుతుంది.

మేర్లపాక గాంధీ తన తొలి రెండు చిత్రాల స్థాయిని అందుకోకపోయినా, ఈసారి ఓ మంచి ఎంటర్‌టైనర్‌ను అందించాడనే అభిప్రాయం వ్యక్తమవుతోంది. ఎడిటింగ్ క్రిస్పీగా ఉంది. నిర్మాణ విలువలు బాగున్నాయి. ఓవరాల్ గా కొరియన్ కనకరాజు అవుట్ అండ్ అవుట్ కామెడీ ఎంటర్టైనర్ విత్ సమ్ హర్రర్ ఎలిమెంట్స్.

జబర్దస్త్ ఫేమ్ అదిరే అభి ఇటీవల దర్శకుడిగా మారి సినిమాలు చేస్తున్నాడు. అస్సాంలోని ఫేమస్ టెంపుల్, శక్తి పీఠాల్లో ఒకటైన కామాఖ్య ఆలయంను లీడ్ గా తీసుకొని అదే టైటిల్ తో సినిమా ప్రకటించడంతో ఈ సినిమాపై అంచనాలు నెలకొన్నాయి. కానీ సెన్సార్ ఇబ్బందులతో సినిమా టైటిల్ రిలీజ్ కి ముందు కర్మాఖ్య అని మార్చారు. సినిమా సగం వరకు ఒకే ఇంట్లో తీశారు. ఒకే ఇంట్లో అన్ని సీన్స్ బాగా డిజైన్ చేసుకున్నారు. ఈ సినిమాని థియేటర్లో చూడొచ్చు.

కాకపోతే ఎడిటింగ్ లో మాత్రం కొన్ని సాగదీసిన సీన్స్ కట్ చేస్తే బెటర్. నిర్మాణ పరంగా ఈ సినిమాకు బాగానే ఖర్చుపెట్టారు. మొత్తంగా ‘కర్మాఖ్య’ చేతబడుల నేపథ్యంలో ఓ అమ్మాయి బలి నుంచి ఎలా తప్పించుకుంది అని ఆసక్తికరంగా తెరకెక్కించిన సినిమా.