Movie Reviews

హారర్ చిత్రాలు, హారర్ కామెడీ చిత్రాలకు తెలుగులో కొదవలేదు. అదే తరహాలో కొంతకాలంగా తాంత్రిక పూజల నేపథ్యంలోనూ కొన్ని సినిమాలు వచ్చాయి. ఆ కోవలో నరబలిని బేస్ చేసుకుని వచ్చిన చిత్రాలూ ఉన్నాయి. ఈ కర్మాఖ్య కూడా అదే తరహా సినిమా. చనిపోయిన వ్యక్తులు తాంత్రిక పూజలతో తిరిగి బ్రతుకుతారనే పిచ్చి నమ్మకంతో కొందరు శవాన్ని దహనం చేయకుండా రోజుల తరబడి ఇంటిలోనే దాచిన సంఘటనలు మనం చూస్తూనే ఉన్నాం. అలాంటి ఓ ప్రయత్నం చేయాలనుకున్న కుటుంబానికి ఎలాంటి శాస్తి జరిగిందన్నది 'కర్మాఖ్య'లో చూపించారు.

అయితే సినిమాలో చాలా సన్నివేశాలూ ఏమంత ఆసక్తిని కలిగించవు. సినిమా కథంతా ఒక ఇంటి దగ్గర అక్కడక్కడే తిరగడంతో ప్రేక్షకులలో చిన్నపాటి అసహనం మొదలవుతుంది. కానీ చివరిలోని నరబలి ట్విస్ట్ ఎవ్వరూ ఊహించనిది. ఆ సన్నివేశంతో సినిమా గ్రాఫ్ అమాంతంగా పెరిగిపోతుంది. ఈ సినిమాకు 'కర్మాఖ్య' అనే టైటిల్ పెట్టడాన్ని ఆ సన్నివేశంతో జస్టిఫై చేసినట్టు అయ్యింది. చనిపోయిన వారు తిరిగి రారనే విషయాన్ని జీర్ణం చేసుకోవడం తప్ప మరో ఆప్షన్ లేదని దర్శకుడు చూపించినా... చివరలో సినిమాటిక్‌ ట్విస్ట్ తో శుభం కార్డు వేశారు. అయితే ఇలాంటి కాన్సెప్ట్ ఓరియంటెడ్‌ మూవీస్‌ ను థియేటర్లలో కంటే ఓటీటీలో చూసినప్పుడు బెటర్‌గా అనిపిస్తాయి

కామాఖ్య దేవి నేపథ్యం, మూఢనమ్మకాలు, సస్పెన్స్, క్రైమ్, ఎమోషన్స్‌ను మిళితం చేస్తూ ఈ మూవీ తెరకెక్కింది. ఈ సినిమాకు జబర్దస్త్ షో తో పాపులర్ అయిన అదిరే అభి దర్శకత్వం వహించారు.

ఓవరాల్ గా కర్మాఖ్య మూవీ ఒక మంచి కాన్సెప్ట్‌ తో వచ్చిన మిస్టరీ థ్రిల్లర్ అని చెప్పొచ్చు. మూఢనమ్మకాలపై దర్శకుడు చెప్పాలనుకున్న సందేశం ప్రశంసనీయమే.. కానీ కథనం మరింత ఆసక్తికరంగా, భావోద్వేగాలు మరింత బలంగా ఉండి ఉంటే సినిమా మరో స్థాయికి వెళ్లేదని టాక్ వినిపిస్తోంది.

అదిరే అభి(అభినయ కృష్ణ) జబర్దస్త్ వదిలేసిన తర్వాత దర్శకుడిగా నిరూపించుకునే ప్రయత్నం చేస్తున్నాడు. అంతకు ముందు `చిరంజీవ` చిత్రంతో ఆకట్టుకున్నాడు. ఇప్పుడు `కర్మాఖ్య` అనే చిత్రాన్ని రూపొందించాడు. దీని అసలు పేరు `కామాఖ్య`. కానీ సెన్సార్‌, లీగల్ ఇబ్బందుల కారణంగా `కర్మాఖ్య`గా పేరు మార్చారు. దర్శకుడు అదిరే అభి ఈ మూవీని మిస్టీరియస్‌, సూపర్‌ నేచురల్‌ థ్రిల్లర్‌గా రూపొందించారు. కామాఖ్య దేవత శక్తిని ఆధారంగా చేసుకుని, సస్పెన్స్ థ్రిల్లర్‌గా మలిచారు. అయితే బయటకు ఇది హర్రర్‌ థ్రిల్లర్‌గా కనిపించినా, హర్రర్‌ అంశాలు లేవు. అదే సమయంలో సూపర్‌ నేచురల్‌ అంశాలు కూడా లేవు. 

ట్విస్ట్ లు కూడా పెద్దగా ఇంపాక్ట్ చూపించలేదు. కాకపోతే ఇటీవల వస్తోన్న థ్రిల్లర్‌ చిత్రాలతో పోల్చితే బెటర్‌ గానే ఉంది. కొత్తరకమైన థ్రిల్లింగ్‌ ఎక్స్ పీరియెన్స్ ని ఇచ్చే ప్రయత్నం చేశారని చెప్పొచ్చు. ఓవరాల్ గా చెప్పాలంటే సరికొత్త థ్రిల్లింగ్‌ ఎక్స్ పీరియెన్స్ ని అందించే మిస్టీరియల్‌ సస్పెన్స్ థ్రిల్లర్‌ `కర్మాఖ్య`. అంచనాలు లేకుండా చూస్తే ఆకట్టుకుంటుంది. థ్రిల్‌ నిస్తుంది.

జబర్దస్త్ నటుడు (అదిరే అభి) అభినయ కృష్ణ దర్శకుడిగా తెరకెక్కించిన లేటెస్ట్ మూవీ "కర్మాఖ్య". ఈ సినిమా గురించి చెప్పుకుంటే మంచి అంచనాలతో తెరకెక్కిన ఈ మూవీ మూఢ నమ్మకాల కారణంగా జీవితాలు ఎలా నాశనం అవుతున్నాయనే పాయింట్‌ ను ఈ సినిమాలో ప్రధానంగా చెప్పడం జరిగింది. కానీ ఆడియెన్స్‌ పై ముద్ర వేసే విధంగా ముగింపు లేకపోవడం ఈ సినిమాకి మైనస్ పాయింట్. 

నటీనటులు అభిరామి, ఆనంద్, సముద్రఖని అలాగే సమైరా కొత్త అమ్మాయి అయినప్పటికీ.. కథను తన భుజాల మీద మోసింది. శరణ్య ప్రదీప్ సపోర్టింగ్‌గా నిలిచింది. నిర్మాణ విలువలు బాగున్నాయి. అయితే కథ, సన్నివేశాలపై ఇంకా బెటర్‌గా ఆలోచించి ఉంటే మంచి డివోషనల్ మిస్టరీ థ్రిల్లర్ అయి ఉండేది. జబర్దస్త్ అభి తనదైన శైలిలో వినోధభరితంగా ఈ ఎమోషనల్ సబ్జెక్ట్‌ ను చెప్పి ఉంటే.. ఆడియెన్స్‌ కు బాగా కనెక్ట్ అయి ఉండేదనిపిస్తుంది. ఎంచుకొన్న పాయింట్ బాగుంది. కానీ పూర్తి స్థాయిలో చెప్పలేకపోయారని అనడానికి పార్ట్ 2 ఉండటమే కారణంగా భావించాలి.

జబర్దస్త్ నటుడు (అదిరే అభి) అభినయ కృష్ణ దర్శకుడిగా తెరకెక్కించిన లేటెస్ట్ మూవీ "కర్మాఖ్య", థియేటర్లలో మిశ్రమ స్పందన తెచ్చుకుంది. థ్రిల్లర్ జోనర్ లో తెరకెక్కిన ఈ మూవీ డీసెంట్ అన్న రేంజ్ లోనే ఉంది. ఓవరాల్ గా చూసుకున్నట్టైతే ఈ ‘కర్మాఖ్య’ సినిమాలో అక్కడక్కడా ఎంగేజ్ చేసే థ్రిల్ ఎలిమెంట్స్ బాగా ఆకట్టుకుంటాయి.

నటీనటుల పెర్ఫామెన్స్ లను దర్శకుడు అభినయ కృష్ణ బాగా రాబట్టారు. అలానే సెకండాఫ్ ని కూడా బాగా హ్యాండిల్ చేశారు. కానీ ఫస్టాఫ్ లో కూడా ఈ మూమెంటం పూర్తి స్థాయిలో ఉంటే బాగుండేది. ఇవి పక్కన పెడితే ఈ మిస్టిక్ థ్రిల్లర్ ఈ జానర్ సినిమాలని ఇష్టపడేవారికి నచ్చుతుంది.

విష్ణు విశాల్, ఐశ్వర్య లక్ష్మీ జంటగా నటించిన 'గట్టా కుస్తీ 2' తమిళంలో థియేటర్లలో విడుదలై డీసెంట్ సక్సెస్ అవగా, తెలుగులో మాత్రం డైరెక్ట్ గా ఓటిటి లో స్ట్రీమింగ్ కి వచ్చింది. నెట్ ఫ్లిక్స్ లో విడుదలైన ఈ మూవీ మిక్స్డ్ రెస్పాన్స్ అందుకుంది. సినిమా గురించి ఓవరాల్ గా చెప్పాలంటే.. రొటీన్ ఫ్యామిలీ డ్రామాగా వచ్చిన ‘గట్టా కుస్తీ 2’ మూవీ పూర్తిస్థాయిలో మెప్పించలేకపోయింది. స్పోర్ట్స్ నేపథ్యం ఉన్నా, వీక్ రైటింగ్‌తో కథను ట్రాక్ తప్పించారు. విష్ణు విశాల్-ఐశ్వర్య లక్ష్మిల పర్ఫార్మెన్స్, కొన్ని కామెడీ సీన్స్ వర్కవుట్ అయ్యాయి. అయితే, రొటీన్ కథ, సాగదీసిన రన్‌టైమ్ ఈ చిత్రానికి మైనస్. టైమ్ పాస్ కోసం ఫ్యామిలీ ఎంటర్‌టైనర్ చూడాలనుకునే వారు ఈ చిత్రాన్ని ఓసారి ట్రై చేయవచ్చు. మిగతా వారు ఈ సినిమాను స్కిప్ చేయడం బెటర్.

కెరీర్ ని ఎప్పుడో 2015 టైంలో మొదలు పెట్టినా కూడా ఆశించిన మేర కమర్షియల్ సక్సెస్ ను అందుకోలేక పోయిన అఖిల్ అక్కినేని(Akhil Akkineni) ఎన్ని ప్రయత్నాలు చేసినా సరైనా కమర్షియల్ హిట్ ను అందుకోలేకపోయాడు…కొంత గ్యాప్ తర్వాత ఇప్పుడు కొత్త సినిమా లెనిన్(Lenin Movie)తో ఆడియన్స్ ముందుకు వచ్చాడు. ఇక సినిమా గురించి చెప్పాలంటే.. ముందుగా ఇది ఎదో రెగ్యులర్ గా సాగే కమర్షియల్ డ్రామా మూవీ కాదు. ఒక సీరియస్ రూలర్ మాస్ డ్రామా గా తెరకెక్కిన సినిమా. ఇందులో హీరో హీరోయిన్ లవ్ స్టోరీ మెయిన్ గా చెప్పినా ఊరిలో అనేక పాత్రలు, ఆ పాత్రలకు ఊహించని కొన్ని ట్విస్ట్ లు ఉంటాయి. 

వాటిని డైరెక్టర్ చాలా వరకు బాలెన్స్ చేస్తూ ఒక డీసెంట్ ఔట్ పుట్ ఇచ్చాడు. పెర్ఫార్మెన్స్ పరంగా అఖిల్ కెరీర్ లోనే ది బెస్ట్ అనిపించే రేంజ్ లో పెర్ఫార్మెన్స్ తో ఆకట్టుకున్నాడు. యాక్షన్ సీన్స్ లో కుమ్మేశాడు. హీరోయిన్ భాగ్య శ్రీ బాగానే నటించి మెప్పించింది. మిగిలిన రోల్స్ అందరూ బాగానే నటించారు. అయితే క్లైమాక్స్ ముగింపు విషాదాంతంగా ఉండడం వల్ల ఈ క్లైమాక్స్ ను ఆడియన్స్ ఎలా రిసీవ్ చేసుకుంటారు అన్నది ఇప్పుడు ఆసక్తికరం అని చెప్పాలి. ఓవరాల్ గా సినిమాలో అప్ అండ్ డౌన్స్ ఉన్నా కూడా అఖిల్ నుండి ఇది వరకు వచ్చిన మూవీస్ తో పోల్చితే మాత్రం, కచ్చితంగా లెనిన్ పెర్ఫార్మెన్స్ పరంగా టాప్ లో ఉంటుంది అని చెప్పాలి. అదే టైంలో ఆడియన్స్ మరీ ఎక్స్ పెర్టేషన్స్ ఎక్కువగా పెట్టుకోకుండా థియేటర్ కి వెళితే అఖిల్ పెద్దగా నిరాశ పరచకుండా ఆకట్టుకునే ఔట్ పుట్ తో మెప్పించే అవకాశం ఉంటుంది. 

నాగార్జున నట వారసుడిగా ఎంట్రీ ఇచ్చాడు అఖిల్‌. ఇప్పటి వరకు ఐదు సినిమాలు చేశాడు. కానీ చెప్పుకోదగ్గ హిట్‌ ఒక్కటి కూడా లేదు. దీంతో ఇప్పుడు ఎలాగైనా హిట్‌ కొట్టాలని `లెనిన్‌` మూవీ చేశాడు. ఈ చిత్రానికి మురళీ కిశోర్ అబ్బూరు దర్శకత్వం వహించారు. ఇందులో అఖిల్‌కి జోడీగా భాగ్యశ్రీ బోర్సే హీరోయిన్‌గా నటించింది. ఈ చిత్రం నేడు శుక్రవారం(జులై 10) విడుదలైంది. 

ఇక సినిమా విషయానికి వస్తే... లెనిన్‌ ఒక ఫక్తూ కమర్షియల్‌ మూవీ. మంచి డ్రామా, యాక్షన్‌, లవ్‌ స్టోరీ, ఊరి జాతర అనే సెంటిమెంట్‌, స్నేహం ఇలా అన్ని అంశాలను మేళవించి రూపొందించారు. అఖిల్‌ అక్కినేనికి ఎలాగైనా హిట్‌ ఇవ్వాలని లక్ష్యంతో నాగార్జున చేసిన ప్రయత్నం `లెనిన్‌` మూవీ అని చెప్పొచ్చు. 

సినిమాలో డ్రామా బాగా వర్కౌట్‌ అయ్యింది. ట్విస్ట్ లు బాగున్నాయి. యాక్షన్‌ ఎపిసోడ్లు అదిరిపోయాయి. బీజీఎం బాగుంది. మరోవైపు హీరోహీరోయిన్ల మధ్య వచ్చే సీన్లు కొంత వరకు ఆకట్టుకుంటాయి. కానీ చాలా వరకు స్టోరీ రొటీన్‌ గా ఉంటుంది. కథనం రెగ్యూలర్‌గానే ఉంటుంది. చాలా లాజిక్ లు మిస్‌ అయ్యారు. ట్విస్ట్ లు చాలా పెట్టినా అవి చాలా వరకు తేలిపోయాయి. అంతగా కిక్‌ ఇవ్వలేదు. దీనికితోడు ఆ ట్విస్ట్ లకు సంబంధించి ముందే హింట్‌ ఇవ్వడం కొంత మైనస్‌గా చెప్పొచ్చు. కాకపోతే కమర్షియల్‌ యాంగిల్‌లో సినిమాని నడిపించిన తీరు మాత్రం మాస్‌ లవర్స్ కి బాగా నచ్చుతుందని చెప్పొచ్చు.

అఖిల్‌ని కమర్షియల్‌ గా నిలబెట్టే మూవీ అవుతుంది. నటుడిగానూ తనని కొత్తగా ఆవిష్కరించే చిత్రమవుతుంది. మాస్‌ కమర్షియల్‌ సినిమాలను ఇష్టపడే వారికి నచ్చే చిత్రమవుతుంది. కమర్షియల్‌ గా ఎలా మెప్పిస్తుందనేది ప్రశ్న.

అఖిల్ అక్కినేని కథానాయకుడిగా నటించిన సినిమా 'లెనిన్'. భాగ్యశ్రీ బోర్సే హీరోయిన్. మురళీకిషోర్ అబ్బూరు దర్శకత్వంలో అక్కినేని నాగార్జున, సూర్యదేవర నాగవంశీ నిర్మించారు. తమన్ సంగీతం అందించారు. ఈ రోజు (జూలై 10న) థియేటర్లలో విడుదలైన ఈ సినిమా మిక్స్డ్ రెస్పాన్స్ అందుకుంది. తెలుగు తెరపై రూరల్ డ్రామాలు చూసిన ప్రేక్షకులకు 'లెనిన్' కథ కొత్తగా ఏమీ అనిపించదు. కానీ, స్క్రీన్ ప్లే మాత్రం సర్‌ప్రైజ్ చేస్తుంది. 

కంటెంట్ రెగ్యులర్ రూరల్ డ్రామా, రివేంజ్ యాక్షన్ కథగా 'లెనిన్' కనిపిస్తుంది. ఊరు, ఆ ఊరిలో మనుషులు, హీరో హీరోయిన్ల మధ్య ప్రేమ కథ, స్నేహితుల అనుబంధం... సినిమా ప్రారంభం సాదాసీదాగా ఉంటుంది. అయితే... కథ ముందుకు వెళుతున్న కొలదీ వచ్చే ఒక్కో మలుపు ఆసక్తి పెంచుతాయి. రెగ్యులర్ రూరల్ రివేంజ్ డ్రామాల నుంచి 'లెనిన్'ను వేరు చేసింది స్క్రీన్ ప్లే. ఒక్కో పాత్రలో గ్రే / నెగిటివ్ షేడ్ బయట పడుతున్న కొలదీ ఆసక్తి పెరుగుతుంది. ప్రీ ఇంటర్వెల్ నుంచి ఇంటర్వెల్ వరకు, ప్రీ క్లైమాక్స్ నుంచి క్లైమాక్స్ వరకు... అరగంట సేపు ప్రేక్షకులను చూపు తిప్పుకోనివ్వకుండా ఎంగేజ్ చేశారు.  

ఇక సినిమాలో అఖిల్ అక్కినేనిని కొత్తగా చూపించడంలో 'లెనిన్' హండ్రెడ్ పర్సెంట్ సక్సెస్ అయ్యింది. నటుడిగా ఆయన పడిన కష్టం తెరపై కనిపిస్తుంది. అఖిల్ నటన ప్రేక్షకులను మెప్పిస్తుంది. కమర్షియల్ కథను తీసుకుని స్క్రీన్ ప్లేతో ఎంగేజ్ చేశారు మురళీకిషోర్ అబ్బూరు. పాటల్లో, సన్నివేశాల్లో అఖిల్ - భాగ్యశ్రీ బోర్సే జంట ఆకట్టుకుంటుంది. యాక్షన్ సన్నివేశాల్లో తమన్ బ్యాగ్రౌండ్ స్కోర్ కూడా! అయితే... సినిమా చూసి బయటకు వచ్చిన తర్వాత అఖిల్ అక్కినేని మాత్రమే గుర్తుంటారు. క్లైమాక్స్‌లో, ఆ క్యారెక్టర్‌లో అంతలా నటించారు. ఆయన కోసం సినిమాకు వెళ్ళొచ్చు.

Akhil Akkineni is back once again with Lenin, directed by Murali Kishor Abburu of Vinaro Bhagyamu Vishnu Katha fame. The film carries significant expectations, especially as it marks the coming together of Nagarjuna’s Manam Entertainment LLP and Sithara Entertainments. Nagarjuna himself had stated that he was creatively involved with the project more than any of his films since Manam, adding further anticipation around the release.

Positives:

Akhil’s Performance in Crucial Blocks

Thaman’s BGM

Some Portions of the Second Half

Negatives:

Boring First Half

Poorly written Characters

Lack of Proper Drama & Emotions

Placement of Songs

Ultimately, Lenin works more as a testament to Akhil Akkineni’s growth as a performer than as a consistently engaging film. While the second half offers enough moments to improve the overall experience, inconsistent writing and underdeveloped drama prevent it from realizing the full potential of its premise.

Bottomline: Akhil Passes, Director Fails!

Rating: 2.5/5

పదేళ్లకు పైగా ప్రయత్నిస్తున్నా హీరోగా నిలదొక్కుకోలేక ఇబ్బంది పడుతున్న అక్కినేని అఖిల్ ఇప్పుడు క్లీన్ 'లెనిన్' అవతారం ఎత్తాడు. 'వినరో భాగ్యము విష్ణు కథ' దర్శకుడు మురళి కిషోర్ అబ్బూరు రూపొందించిన ఈ చిత్రం ఈ రోజే ప్రేక్షకుల ముందుకు వచ్చింది.

ఏ హీరో కూడా నేరుగా స్టార్ అయిపోడు. సినిమాలు క్లిక్ అయితే స్టార్ ఇమేజ్ ఆటోమేటిగ్గా వస్తుంది. పెద్ద ఫ్యామిలీ బ్యాగ్రౌండ్ వల్ల ఒక హీరోకు హైప్ వచ్చినా.. దాన్ని నిలబెట్టే సినిమా పడితేనే కెరీర్లో పైకి ఎదిగే అవకాశముంటుంది. ఇప్పుడు వచ్చిన లెనిన్ అఖిల్ కి అలాంటి సినిమా అయ్యే ఛాన్స్ ఉంది. 

సినిమా రొటీన్ స్టోరీ అయినా, స్క్రీన్ ప్లే చాలా బాగా రాసుకున్నారు. ఇక అఖిల్ కెరీర్ బెస్ట్ పెర్ఫార్మన్స్ ఇవ్వగా, భాగ్యశ్రీ రోల్ కూడా చాలా బాగుంది. అండ్ సినిమాలో ట్విస్టులు బాగున్నాయి. కాకపోతే ఆ ట్విస్ట్ లు ముందు గెస్ చేయగలిగితే అంత కిక్కుండదు. ఫైనల్ గా అఖిల్ కెరీర్ ను గొప్ప మలుపు తిప్పే సినిమా కాదు కానీ.. అతడి గత చిత్రాలతో పోలిస్తే ‘లెనిన్’ ఎంతో బెటర్. ఎక్కువ అంచనాలు పెట్టుకోకుండా చూస్తే వాచబుల్ అనిపించే ఫిలిం ఇది. బహుశా హీరో హీరోయిన్ల మధ్య బలమైన బాండింగ్ ను చూపించి ఉంటే ‘లెనిన్’ మంచి అనుభూతిని కలిగించేది. రైటింగ్-టేకింగ్ లో తన ఎఫర్ట్ కనిపించినా.. ఇంకొంచెం కసరత్తు చేయాల్సింది అనిపిస్తుంది. చివరగా: లెనిన్.. పర్వాలేదనిపించే పల్లెటూరి భారతం

ఏజంట్ సినిమా ఆశించిన స్థాయిలో ఆడకపోవడంతో ఈసారి ఎలాగైనా సక్సెస్ కొట్టాలనే కసితో కాస్తంత గ్యాప్ తీసుకుని అఖిల్ 'లెనిన్' మూవీ చేశాడు. తాజాగా థియేటర్లలో విడుదలైన ఈ మూవీ మిక్స్డ్ రెస్పాన్స్ అందుకుంది. మహా భారతంలో అధికారం కోసం అన్నదమ్ములు సాగించిన కురుక్షేత్ర యుద్థాన్ని తలపించే సన్నివేశాలు ఈ సినిమాలో ఎన్నో ఉన్నాయి. ప్రతి పాత్ర వెనుక డార్క్ షేడ్స్ ఉంటాయి. నిజం చెప్పాలంటే ఇందులో పాజిటివ్‌ క్యారెక్టర్స్ కంటే నెగెటివ్ క్యారెక్టర్స్ ఎక్కువ. ప్రతి పాత్రకు ఓ బలమైన నేపథ్యాన్ని రాసుకోవడంలో దర్శకుడు మురళీ కిశోర్ అబ్బూరు సక్సెస్ అయ్యాడు. 

అయితే హీరో శత్రువులంతా ఒకచోటకు చేరిన తర్వాత అతను వారిపై పగ తీర్చుకోవడమే ఇక మిగిలింది అనుకుంటూ ఉండగా, మళ్ళీ కథలోని పాత్రలు, వాటి నిజస్వరూపాలను తెలియచేస్తూ ద్వితీయార్థాన్ని ప్రారంభించాడు. అలా ఊహించని మలుపులతో కథను క్లయిమాక్స్ వరకూ తీసుకెళ్ళిన దర్శకుడు హీరోకి ఉన్న ఓ బలహీనతను రివీల్‌ చేసి ప్రేక్షకులను షాక్ కు గురిచేస్తాడు. అయితే... రెగ్యులర్ తెలుగు సినిమాల్లోని హ్యాపీ ఎండింగ్‌ ఇందులో పూర్తి స్థాయిలో లేకపోవడంతో ప్రేక్షకులు భారంగానే థియేటర్ నుంచి బయటకు వస్తారు. ఇక అఖిల్ సినిమాలో బెస్ట్ పెర్ఫార్మన్స్ ఇచ్చాడు. అలాగే భాగ్యశ్రీ కూడా. 

టెక్నికల్ గా తమన్ సాంగ్స్ అంతగా లేవు. బీజీఎమ్ ఓకే. ప్రొడక్షన్ వాల్యూస్ బాగున్నాయి. లియోన్ బ్రిట్టో సినిమాటోగ్రఫీ, నవీన్ నూలి ఎడిటింగ్‌ బాగున్నాయి. ఈ సినిమాకు 'లెనిన్' అనే పేరు ఎందుకు పెట్టారో అర్థం కాదు. మొత్తంగా చూసుకుంటే... ఇది అఖిల్ వన్ మ్యాన్ షో! అతను పడిన కష్టమంతా తెర మీద కనిపిస్తోంది. కాకపోతే ఈ విషాదాంతాన్ని ప్రేక్షకులు ఏ మేరకు జీర్ణించుకుంటారో చూడాలి. 

ట్యాగ్ లైన్: అఖిల్ వన్ మ్యాన్ షో!