Movie Reviews

అఖిల్ నటించిన లెనిన్ తాజాగా థియేటర్లలో విడుదల కాగా, మిక్స్డ్ రెస్పాన్స్ అందుకుంది. కథ పరంగా సింపుల్ గా ఉన్నా, స్క్రీన్ ప్లే తో మ్యాజిక్ చేశారు. ఇక మూవీలో చిత్తూరు జిల్లాలో జరిగే జాతర ఎపిసోడ్‌తో కథ ఎమోషనల్‌ గా మొదలుపెట్టడం ద్వారా సినిమాపై క్యూరియాసిటిని పెంచడంలో దర్శకుడు మురళీ కిషోర్ సరైన ట్రాక్‌లో ఉన్నాడనిపించింది. కాకపోతే సినిమా ఫస్ట్ హాఫ్ అలా స్లోగా సాగుతుంది. లెనిన్‌ తో ఓ ట్విస్ట్ రివీల్ చేసిన పాయింట్ సినిమా రేంజ్‌ ను పెంచేలా చేసింది. 

అయితే సెకండ్ హాఫ్ లో చివరి 20 నిమిషాలు లెనిన్ క్యారెక్టర్ బిహేవ్ చేసిన విధానం.. ఆ పాత్ర కోసం అఖిల్ చేసిన పెర్ఫార్మెన్స్ హైలెట్‌ గా మారిందనే చెప్పాలి. రెగ్యులర్ సినిమా కథల ముగింపులా కాకుండా డిఫరెంట్‌ గా సినిమాను ముగించడం కొత్తదనాన్ని ఆశించే ప్రేక్షకులకు ఫీల్ గుడ్ ఫ్యాక్టర్‌గా అనిపిస్తుంది. ఇక కథ, కథనాల డిమాండ్ మేరకు సితారా, అన్నపూర్ణ బ్యానర్లు అనుసరించిన నిర్మాణ విలువలు బాగున్నాయి. కథ, కథనాలను పక్కన పెడితే.. అఖిల్ పెర్ఫార్మెన్స్, భాగ్యశ్రీ భోర్సే గ్లామర్ కోసం ఈ సినిమాను థియేటర్‌ లో చూడాలనిపించేంతలా ఉంది. ఈ వారం డిఫరెంట్ కాన్సెప్ట్ ఉన్న సినిమాను చూడాలనుకొంటే లెనిన్ చక్కటి ఆప్షన్.

అఖిల్ అక్కినేని తన కెరీర్ ఆరంభం నుంచీ ఓ సరైన సక్సెస్ కోసం ప్రయత్నిస్తూనే ఉన్నాడు. నాగార్జున సైతం తన కొడుకు హిట్టు కోసం చాలానే కష్టపడుతూ వచ్చాడు. ఇక చివరగా ఏజెంట్ అంటూ డిజాస్టర్‌ను ఇచ్చాడు. దీంతో చాలా గ్యాప్ తీసుకుని, ఆచితూచి అడుగులు వేసి ‘లెనిన్’ అంటూ ఈ రోజు (జూలై 10న) ఆడియెన్స్ ముందుకు వచ్చాడు. 

లెనిన్ కథ కొత్తగా అనిపించకపోవచ్చు. ఎక్కడో చూశామే అన్న ఫీలింగ్ చాలా వరకు కనిపించొచ్చు. చాలా చోట్ల దసరా, రాజా ది గ్రేట్, రంగస్థలం ఛాయలు కూడా కనిపించొచ్చు. కొన్ని ట్విస్టుల్ని ముందే గెస్ చేస్తాం. కొన్ని ట్విస్టుల్ని మాత్రం అస్సలు గెస్ చేయలేం. అక్కడే దర్శకుడు సక్సెస్ అయ్యాడు. మూవీ చాలా వరకు మనకు తెలిసినట్టుగా, ఊహించినట్టుగా సాగుతూనే ఉంటుంది. అయినా కూడా డైరెక్టర్ మురళీ మాత్రం చివరకు తన మేకింగ్, టేకింగ్, కథతో, అందులో పెట్టుకున్న ట్విస్టులతో అందరినీ ఆకట్టుకుంటాడు.

అఖిల్ చాలా వరకు అదరగొట్టేశాడు. ఎంతో ఇంప్రూవ్ అయ్యాడని చెప్పుకోవచ్చు. మరీ ముఖ్యంగా ఎమోషనల్ సీన్స్‌లో పరిణితిని కనబర్చాడు. భాగ్యశ్రీ మాత్రం ఈ సినిమాకి నిజంగానే సోల్. తన అందం, అభినయంతో అందరినీ ఆకట్టుకుంటుంది. ఇందులో ప్రమోద్ పంజు పాత్రకి ఎక్కువ ఇంపార్టెన్స్ ఇచ్చినట్టుగా చాలా చోట్ల అనిపిస్తుంది. ఓవరాల్‌గా లెనిన్ రెగ్యులర్, రొటీన్, మాస్ కమర్షియల్ టెంప్లెట్ మూవీగా అనిపించొచ్చు. కానీ అఖిల్ కెరీర్‌లో మాత్రం లెనిన్ చెప్పుకోవదగ్గ, నిలిచిపోయే చిత్రంగా మారే అవకాశం ఉంది. మాస్ ఆడియెన్స్‌కి మాత్రం ‘లెనిన్’ బాగానే ఎక్కేసేలా ఉంది. కావాల్సిన పాటలు, ఫైట్స్, ఎమోషన్స్, ట్విస్టులు ఇలా అన్ని ఉండటంతో ఈ వీకెండ్‌ కి మంచి ఆప్షన్‌ గా ‘లెనిన్’ను పెట్టుకోవచ్చు.

ఈ వారం థియేటర్స్ లోకి వచ్చిన చిత్రాల్లో అవైటెడ్ గా ఆడియెన్స్ ఎక్కువ ఎదురు చూసిన సినిమా మాత్రం అఖిల్ అక్కినేని హీరోగా నటించిన సినిమా లెనిన్ అనే చెప్పొచ్చు. దర్శకుడు మురళీ కిషోర్ అబ్బూరు తెరకెక్కించిన ఈ సినిమా థియేటర్లో డీసెంట్ రెస్పాన్స్ తెచ్చుకుంది. అండ్ సినిమా స్టోరీ యావరేజ్ గా ఉన్నా, స్క్రీన్ ప్లే బాగా డిజైన్ చేసుకున్నాడు డైరెక్టర్. అఖిల్ కెరీర్ బెస్ట్ పెర్ఫార్మన్స్ ఇచ్చాడు. హీరోయిన్ సహా మిగతా అందరూ వాళ్ళ రోల్స్ లో బాగానే నటించారు. 

ప్రొడక్షన్ వాల్యూస్ చాలా బాగున్నాయి. థమన్ మ్యూజిక్ అదరగొట్టాడు. కాకపోతే సాంగ్స్ సరైన ప్లేస్ లో పెట్టలేదు. ఎడిటింగ్ వర్క్ పర్లేదు. ఇక మొత్తంగా చూసుకున్నట్టైతే ‘లెనిన్’ తో మనోడు వచ్చి కొట్టేసాడు అని చెప్పడంలో డౌట్ లేదు. అఖిల్ కెరీర్ బెస్ట్ పెర్ఫామెన్స్, దర్శకుడు విజన్ తెరకెక్కించిన తీరు, ఎమోషన్స్ ఇందులో హైలైట్ గా నిలిచాయి. ఇతర నటీనటులు సహకారం కూడా లెనిన్ లో బాగుంది. కాకపోతే కొన్ని సింపుల్ గా అనిపించే ఎలిమెంట్స్ పక్కన పెడితే ఈ లెనిన్ థియేటర్స్ లో మెప్పిస్తాడు.

అనుమానం పాత రోగం, అనుమానం పెనుభూతం అంటుంటారు. సరిగ్గా ఇదే పాయింట్‌ పై నడిచే మూవీ ఈ రావు బహదూర్. కథగా ఇది చాలా చిన్నపాయింట్‌. ఒక పెద్ద సినిమా చేసేంత బలమైన పాయింట్‌ అయితే కాదు, కానీ దాన్ని సినిమాగా తెరకెక్కించడంలో దర్శకుడు వెంకటేష్‌ మహా చేసిన ప్రయత్నం, ఆయన్ని నిర్మాతలు, హీరోహీరోయిన్లు నమ్మడం ఇక్కడ గొప్ప విషయం. ఒక కొత్తరకమైన పాయింట్ తో ఈ మూవీ తీయడాన్ని అభినందించాలి. కానీ తీసిన విధానం, చెప్పిన తీరుని మాత్రం ఏమాత్రం ఆకట్టుకోలేకపోయింది.

రామప్ప రావు బహదూర్‌గా సత్యదేవ్‌ ఇరగదీశాడు. విభిన్నమైన షేడ్స్ లో ఆయన అదరగొట్టారు. యంగ్‌ కుర్రాడిగా, మిడిల్‌ ఏజ్‌ వ్యక్తిగా, వృద్ధుడిగా పాత్రలో పరకాయ ప్రవేశం చేశారు. దర్శకుడు వెంకటేష్‌ మహా మంచి కథలను తెరపై ఆవిష్కరిస్తూ ఆకట్టుకుంటారు. కానీ ఈ సారి మాత్రం ఆయన మెప్పించలేపోయాయి. ప్రయోగం మాత్రం చేశారని చెప్పొచ్చు. ప్రయోగం బాగుంది, కానీ ఆడియెన్స్ కి ఆకట్టుకునేలా చేయడంలో విఫలమయ్యారు. అనుమానం పెనుభూతం అన్నట్టు, ఇది ఆడియెన్స్ సహనాన్ని పరీక్షించే మూవీ అవుతుందని చెప్పడంలో ఎలాంటి అనుమానం లేదు. 

"అనుమానం పెనుభూతం" అనే సామెతను దర్శకుడు వెంకటేష్ మహా రెండు గంటలకు పైగా నిడివి ఉన్న రావు బహదూర్ సినిమాగా మలిచారు. సాధారణంగా మనిషిని బతికించేది గాలి, నీరు, ఆహారం అని అంటారు. కానీ ఈ సినిమాలో మాత్రం ఒక అనుమానం కూడా మనిషిని ఎలా బతికిస్తుందో, అదే సమయంలో లోపల నుంచి ఎలా నెమ్మదిగా చంపేస్తుందో దర్శకుడు చాలా లోతుగా చూపించాడు.

ప్లస్ పాయింట్స్.. సత్యదేవ్ అద్భుతమైన నటన వెంకటేష్ మహా రచన, దర్శకత్వం క్లైమాక్స్ ట్విస్ట్ బలమైన భావోద్వేగాలు కులం, వంశం, అనుమానం వంటి అంశాలపై లోతైన చర్చ సినిమాటోగ్రఫీ నేపథ్య సంగీతం నిర్మాణ విలువలు

మైనస్ పాయింట్స్.. నెమ్మదిగా సాగే ఫస్ట్ హాఫ్ కమర్షియల్ ఎలిమెంట్స్ లేకపోవడం DNA పరీక్షలకు సంబంధించిన కొన్ని సన్నివేశాలు సినిమాటిక్‌గా అనిపించడం సాధారణ ప్రేక్షకులకు పూర్తిగా కనెక్ట్ కాకపోవచ్చు కొంత నిడివి ఎక్కువగా అనిపిస్తుంది. ఓవరాల్ గా ఒకసారి ట్రై చేయొచ్చు. 

సూపర్ స్టార్ మహేష్ బాబు రావు బహదూర్ సినిమాకు వెన్నుదన్నుగా నిలవడంతో ఉన్నట్టుండి క్రేజ్ పెరిగింది. మూవీ రిలీజ్‌ కు ముందు ఆయన వేసిన ట్వీట్‌ తో అంచనాలు పెరిగాయి. అయితే తెలుగు సినిమా చూడని కథ అంటూ చెప్పడంతో రావు బహదూర్ సినిమాపై క్యూరియాసిటీ పెరిగింది. తీరా చూస్తే చివరి 10 నిమిషాల క్లైమాక్స్ కోసం రెండున్నర గంటలపాటు సినిమాను సాగదీయడం అత్యంత నిరాశను, అసంతృప్తిని కలిగించే అంశంగా కనిపిస్తుంది. పేలవమైన సన్నివేశాలు ఉన్నప్పటికీ.. సత్యదేవ్ తన పెర్ఫార్మెన్స్‌తో సినిమా కంటెంట్‌ను కొంత మెరుగుపరిచాడు. 

రావు బహదూర్ సినిమా గురించి ఫైనల్‌ గా చెప్పాలంటే.. డైరెక్టర్ ఆలోచించిన పాయింట్ బాగుంది. సమాజాన్ని ఆలోచింపజేసేలా ఉంది. కానీ ఆ పాయింట్‌ ను పూర్తిస్థాయి కథగా మార్చడంలో తడబాటు కనిపిస్తుంది. సినిమా కథ చెప్పడంలో తెలివి ఉండాలి. కానీ ఎక్కువ మేధావితనం ప్రదర్శించకూడదనే విషయం ఈ సినిమా చెబుతుంది. ఈ సినిమా ఫిలాసఫికల్‌ గా ఎమోషనల్ డ్రామా, ఈ డాక్టర్, పేషెంట్ డ్రామాను చూడాలంటే ఎక్కువ పెషన్స్ తప్పనిసరి. కేవలం సత్యదేవ్ పెర్ఫార్మెన్స్ కోసం ఈ సినిమాను చూడొచ్చు.

Director Venkatesh Maha earned widespread critical acclaim with films like C/o Kancharapalem and Uma Maheswara Ugra Roopasya. His reunion with Satyadev for Rao Bahadur, presented by Mahesh Babu, naturally generated considerable curiosity. Mahesh Babu even claimed that Telugu cinema had never seen a film made in this manner before.

Highlights

Satyadev’s terrific performance

The final twists and payoff

The portions after the police officer’s entry

Drawbacks

Uneven and slow-moving first half

Lengthy runtime

Self-indulgent narration in several stretches

Overall, Rao Bahadur is a sincere attempt to tell a story in a distinctive manner. The idea is admirable, and the climax justifies much of the film’s thematic ambition, with Satyadev delivering a performance worthy of applause. However, the painfully slow narration, overstretched screenplay and self-indulgent storytelling make it a tiresome watch. Those willing to invest patience may appreciate its intent, but for many viewers, the film’s pacing will prove to be a major hurdle.

రావు బహదూర్ సినిమా గురించి చెప్పాలంటే... కథ పాయింట్ బాగుంటుంది. మెరిసేదంతా బంగారం కాదు.. నలుపు, తెలుపు అన్న తేడాతో వ్యక్తుల్ని భిన్నంగా చూడకూడదు.. అనే పాయింట్లను చెప్పే ప్రయత్నాన్ని వెంకటేష్ మహా చేసినట్టుగా అనిపిసిస్తుంది. కాకపోతే ఆ పాయింట్‌ ని కథగా మలిచి, సినిమా కోసం రాసుకున్న బ్యాక్ డ్రాప్, తీసిన విధానం మాత్రం మినిమం డిగ్రీ చదివిన వాళ్లకి కూడా అర్థం కాదేమో. అలా ఉంది సినిమా. అయితే తెలుగులో ఇలాంటి టేకింగ్, స్క్రీన్ ప్లే మాత్రం కొత్త అని చెప్పుకోవచ్చు.

భువనాలయం అనే రాజ కోట.. అందులో రామప్ప ఒకే గదిలో 8 ఏళ్ల పాటుగా ఉండటం.. ఇదంతా కూడా ప్రారంభంలో ఓ రకంగా అనిపించొచ్చు. అసలేం చేస్తున్నాడు.. ఏమై ఉంటుంది.. ఇలా ఎందుకు ప్రవర్తిస్తున్నాడు.. అనే ప్రశ్నలు కలుగుతాయి. ఇక కుసుమప్ప, రామప్ప, రేణుక, ఆచారి, లవణప్ప, అచ్చమ్మ పాత్రలతో ఫస్ట్ హాఫ్ అంతా కాస్త గందరగోళంగానే సాగుతుంది. ద్వితీయార్దం పర్వాలేదనిపిస్తుంది. అయితే క్లైమాక్స్‌ లో మాత్రం ఎవ్వరూ ఊహించని ట్విస్ట్ వస్తుంది. ఓవరాల్ గా ఇది సత్య దేవ్ వన్ మెన్ షో అని చెప్పుకోవచ్చు. ఇందులో వెంకటేష్ మహా చెప్పాలని అనుకున్నది, చూపించింది ఏంటో.. సామాన్య ప్రేక్షకులకు అర్థం కాక.. ఫస్ట్ హాఫ్‌లోనే బయటకు వెళ్లే ప్రమాదం ఉంది. ఇక సహనంగా, ఓపికతో భరిద్దాం అని చివరి వరకు చూసిన ప్రేక్షకుడికి కాస్త రిలీఫ్‌గా ఓ రెండు ట్విస్టులు ఉంటాయి. ఆ చివరి ఐదు నిమిషాలు మాత్రమే కాస్త ఇంట్రెస్టింగ్‌గా అనిపిస్తుంది. ఇదొక వినూత్న ప్రయోగం, ప్రయత్నం అని మాత్రం చెప్పుకోవచ్చు.

పేరుకు అప్ కమింగ్ యాక్టర్స్ తో తెరకేక్కినా కూడా బడ్జెట్ పరంగా మీడియం టు హై బడ్జెట్ మూవీస్ కి ఏమాత్రం తీసిపోని విధంగా నాగ బంధం(Naga Bandham Movie) మూవీ 100 కోట్లకు పైగా బడ్జెట్ తో రూపొందగా సాలిడ్ ప్రమోషన్స్ ను జరుపుకుని ఇప్పుడు రిలీజ్ అయింది. కాన్సెప్ట్ పరంగా అనేక లేయర్స్ తో తెరకెక్కిన కథ నాగ బంధం….సినిమా మొదలు అవ్వడం ఆసక్తిగానే స్టార్ట్ అయ్యి తర్వాత ట్రెజర్ హంట్ గా మారి అక్కడ నుండి అడ్వెంచర్ మోడ్ లోకి వెళ్లి తర్వాత హిస్టారికల్ గా మారి అక్కడ నుండి సనాతన ధర్మం కోసం సాదువులు ఏం చేశారు.? అక్కడ నుండి తిరిగి ప్రజెంట్ టైంకి వచ్చి క్లైమాక్స్ తో సినిమా ఎండ్ అవుతుంది. 

ఇక చాలా స్ట్రెంగ్త్ ఉన్న కథ ని చాలా బేసిక్ స్క్రీన్ ప్లే తో చెప్పడంతో సినిమా చాల స్లోగా సాగిపోయినట్లు అనిపించింది. ఎడిటింగ్ అండ్ స్క్రీన్ ప్లే చాలా వీక్ గా ఉంది. ప్రొడక్షన్ వాల్యూస్ ఎక్స్ లెంట్ గా ఉండగా ప్రతీ చోట బడ్జెట్ బాగానే కనిపించింది. ఇక డైరెక్టర్ మంచి కథనే తీసుకున్నా కూడా చెప్పే క్రమంలో ఎక్స్ పీరియన్స్ లేకపోవడంతో స్క్రీన్ ప్లే విషయంలో అంచనాలను అందుకోలేదు. కానీ కొన్ని సీన్స్ బాగా ప్రజెంట్ చేశారు. ఓవరాల్ సినిమాలో కొన్ని ప్లస్ లు మైనస్ లు ఉండగా ఆడియన్స్ మరీ ఎక్స్ పెర్టేషన్స్ ఎక్కువగా పెట్టుకుంటే నిరాశ కలుగుతుంది..తక్కువ ఎక్స్ పెర్టేషన్స్ తో వెళితే కొంచం ఓపిక తెచ్చుకుని చూస్తె ఒకసారి సినిమా చూడొచ్చు అనిపించవచ్చు. 

మరణాన్ని జయించే కాన్సెప్ట్‌తో తెరకెక్కిన 'నాగబంధం' ఫస్ట్ హాఫ్‌లో మిస్టరీ, అడ్వెంచర్, యాక్షన్‌తో ఆకట్టుకుంటుంది. అయితే సెకండాఫ్‌లో కథ అనూహ్యంగా మారడంతో ఆసక్తి తగ్గుతుంది. క్లైమాక్స్‌లో అసలు కథను పార్ట్-2 కోసం దాచేయడం నిరాశపరుస్తుంది. నిడివి కూడా సినిమాకు పెద్ద మైనస్. మొత్తంగా, భారీ ఆలోచనతో వచ్చిన 'నాగబంధం' కథ కంటే సెటప్‌పైనే ఎక్కువ దృష్టి పెట్టిన సినిమాగా అనిపిస్తుంది.

సింపుల్ గా చెప్పాలంటే సినిమాలో హింసాత్మకమైన సీన్లు, యాక్షన్ సీక్వెన్స్, భారీ హిందుత్వ డైలాగులు, అన్నిటికి మించి సాలిడ్ విజువల్స్ పై మేకర్స్ ఫోకస్ పెట్టారు గాని, అంతకంటే వాల్యుబుల్ అయిన కథ, కథనాలపై దృష్టి పెట్టలేదు. ప్రేక్షకుడ్ని సీట్లో కూర్చోబెట్టేవి ఇవే. కానీ మేకర్స్ అవే గాలికొదిలేశారు. 

హిందూ దేవాలయాలపై దాడులు చేసి ఇస్లాం చక్రవర్తులు దోచుకు వెళ్ళినట్టు చరిత్ర పుస్తకాల్లో చదివాం. అయితే ముస్లిం రాజుల అరాచకాలను తట్టుకుని మరీ అనంత పద్మనాభస్వామి వంటి ఆలయాల్లో నేలమాళిగలో బంగారు ఖజానాలు భద్రంగా ఉన్నట్టు వార్తల్లో చదివాం. అటువంటి నేపథ్యంలో నాగబంధం మహిమ, నాగ సాధువుల వీరోచిత పోరాటాన్ని చూపించిన సినిమా 'నాగబంధం'. అయితే దర్శకుడు అభిషేక్ నామా సరైన కథా, కథనాలు ఎంచుకోవడంలో విఫలమయ్యాడు. 

ఇక సినిమా ప్రారంభం ఆసక్తి రేకెత్తిస్తుంది. హిమాలయాలు, రంగనాథ ఆలయం, బ్రహ్మ కమలం వరకు ఎటువంటి ఆటంకాలు లేకుండా సాఫీగా వెళుతుంది. ఎప్పుడైతే రుద్ర కుటుంబ కలహాలు కథలో ఫ్రంట్ సీట్ తీసుకున్నాయో... అప్పట్నుంచి అసలు కథ పక్కదారి పట్టింది. ఆసక్తి మాత్రం కించిత్ ఉండదు. 'నాగబంధం' సినిమాకు బిగ్గెస్ట్ ప్లస్ పాయింట్ ప్రొడక్షన్ డిజైన్. ప్రతి ఫ్రేమ్‌లో గ్రాండియర్ లుక్ కనిపించడం వెనుక ప్రొడక్షన్ డిజైనర్ అశోక్ కోరాలాత్ పడిన కష్టం, ఆయన కృషి కనిపిస్తాయి. అభిషేక్ నామా కథలో విషయం ఉంది. మంచి సినిమా తీయాలనే ఆలోచన కనిపిస్తుంది. కానీ, ఆ కథ తెరపైకి వచ్చే క్రమంలో చాలా తప్పులు జరిగాయి. సన్నివేశాల నుంచి వీఎఫ్ఎక్స్ వరకు అడుగడుగునా కొన్ని లోపాలు కనిపిస్తాయి. ప్రేక్షకులలో ఆసక్తి పెంచేలా సినిమా ముందు సాగలేదు. డిజప్పాయింట్ చేసిందీ 'నాగబంధం'.

విరాట్‌ కర్ణ హీరోగా, నభా నటేష్‌, ఐశ్వర్య మీనన్ హీరోయిన్లుగా నటించిన చిత్రం `నాగబంధం`. ఈ మూవీకి ప్రముఖ నిర్మాత అభిషేక్‌ నామా దర్శకత్వం వహించారు. నేడు శుక్రవారం(జులై 3న) సినిమా విడుదలైంది. ఇక సినిమా విషయానికి వస్తే... మరణాన్ని జయించే శక్తి కోసం మనిషి తపించే కథలతో ఇప్పటికే చాలా సినిమాలు వచ్చాయి. అదే సమయంలో ఈ సృష్టిని శాసించాలనే కథలతోనూ సినిమాలు వస్తున్నాయి. ఈ సృష్టించిన శాసించే శక్తి కోసం, ఆ శక్తి ఉన్న బ్రహ్మకమలం కోసం చేసే పోరాటమే ఈ సినిమా. 

అయితే ప్రజల్లో దేవుడిపై ఉన్న నమ్మకాన్ని,సెంటిమెంట్‌ ని క్యాష్‌ చేసుకోవాలని మేకర్స్ సినిమాలు చేస్తున్నారు. బోల్తా పడుతున్నారు. అదే తేడా కొడుతుంది. సినిమాలు అట్టర్‌ ఫ్లాప్‌గా మారుతున్నాయి. ఇప్పుడు వచ్చిన `నాగబంధం` పరిస్థితి కూడా ఇదే అని చెప్పొచ్చు. నాగబంధం ఇడిపించడం అనే పాయింట్‌ మీద ఈ మూవీ కథ సాగుతుంది. ఓవరాల్ గా దర్శకుడు అభిషేక్‌ నామా ఎంచుకున్న కథలో క్లారిటీ మిస్‌ అయ్యింది. ఏం చెప్పాలనుకున్నారనేది క్లారిటీ లేదు. స్క్రీన్‌ ప్లే పరంగానూ మిస్టేక్స్ ఉన్నాయి. ఒక సీన్‌ కి, మరో సీన్‌ కి సంబంధం లేదు, సింక్‌ అయ్యేలా లేవు. విజువల్స్ పరంగా గ్రాండియర్‌గా తెరకెక్కించారు. బడ్జెట్‌ పరంగా రాజీ లేదు. కానీ మిగిలిన విషయంలో విఫలమయ్యారు. విజువల్స్ పరంగా ఆకట్టుకున్నా, కథగా, సినిమా పరంగా ఏమాత్రం ఆకట్టుకోలేని సినిమా. ఒక రకంగా ఇది ఆడియెన్స్ పై నాగబంధం ప్రయోగమని చెప్పొచ్చు.