Movie Reviews

గ్లోబల్‌స్టార్‌ రామ్‌చరణ్‌ (Ram charan) హీరోగా నటించిన 'పెద్ది’ సినిమా ఫైనల్ గా థియేటర్లలో విడుదలకాగా, సినిమా మంచి రెస్పాన్స్ ని అందుకుంటుంది. మరీ యానానిమస్ రేంజ్ లో కాకపోయినా, రీసెంట్ బిగ్గిస్ లో వన్ అఫ్ ది బెస్ట్ గా టాక్ తెచ్చుకుంది. సినిమాలో రామ్ చరణ్ తన బెస్ట్ పెర్ఫార్మన్స్ తో ఆకట్టుకోగా, బుచ్చిబాబు టేకింగ్ తోనూ ఆకట్టుకున్నాడు. ఇక ఫస్టాఫ్ స్క్రీన్ ప్లే రొటీన్, రెగ్యులర్‌ గా, కమర్షియల్ అంశాలు లెక్కలేసుకొని సినిమాను ముందుకు తీసుకెళ్లే ప్రయత్నం చేసినట్టు కనిపిస్తుంది. అయితే అప్పలసూరికి సంబంధించి ఓ ఎమోషనల్ సీన్‌తో ఇంటర్వెల్ ఎపిసోడ్ ప్రేక్షకుడిని భావోద్వేగాల ఊగిసలాటకు గురి చేస్తుంది. 

ఇంటర్వెల్ బ్యాంగ్‌ తో కథను మలుపు తిప్పిన దర్శకుడు బుచ్చిబాబు, పెద్ది పాత్రను చెక్కిన విధానం, ఆ పాత్రలో రాంచరణ్ చూపించిన కెరీర్ బెస్ట్ పెర్ఫార్మెన్స్ ప్రేక్షకులను కొత్త అనుభూతికి గురి చేస్తాయి. సెకండాఫ్‌లో పెద్ది, గౌర్నాయుడు పాత్రల మధ్య కెమిస్ట్రీ బాగా పండింది. అయితే సినిమాలో కనెక్టవిటీ ఏదో మిస్ అయినట్టు అనిపిస్తాయి. ఇక ఎడిటింగ్, సాదా సీదా VFX ఇలాంటి స్వల్ప లోపాలు పక్కన పెట్టేయొచ్చు. ఓవరాల్ గా రాంచరణ్ మాత్రం నభూతో నభవిష్యత్ అనే విధంగా పెద్దిగా నటించాడు. కలెక్షన్లు మాత్రమే కాకుండా అవార్డులు కూడా తెచ్చిపెట్టే సినిమా పెద్ది. థియేటర్‌లోనే చూడండి.. డోంట్ మిస్.. మస్ట్ వాచ్ మూవీ.

గ్లోబల్‌స్టార్‌ రామ్‌చరణ్‌ (Ram charan) హీరోగా నటించిన చిత్రం 'పెద్ది’. 'ఉప్పెన' లాంటి బ్లాక్‌బస్టర్‌ తర్వాత ఐదేళ్లు సమయం తీసుకుని బుచ్చిబాబు సాన తెరకెక్కించిన చిత్రమిది. తాజాగా థియేటర్లలో విడుదలైన ఈ సినిమా మిక్స్డ్ రెస్పాన్స్ అందుకుంది. విజయనగరంలో ఏ గుర్తింపు లేని, అంటే కనీసం ఆ ప్రాంతంలో 1800 మంది ఉన్నారన్న విషయం తెలియని ప్రభుత్వానికి ఆ ఊరి యువకుడు ఎలా గుర్తింపు తెచ్చాడు? అదొక ఊరని దేశానికి ఎలా తెలియజేశాడు? ఈ జర్నీలో ఎదురైన సవాళ్లేంటి అన్నది ఇతివృత్తంగా తీసిన సినిమా ఇది. 

ఇక సినిమా మొత్తం బ్యాక్ బోన్ గా ఉండి నడిపించిన రామ్ చరణ్ ప్రతి ఫ్రేమ్ ఆకట్టుకుంటాడు. బలమైన భావోద్వేగాలతో ఆడియన్స్ ని మెస్మరైజ్ చేస్తాడు. అయితే బలమైన కథ, కథనం లేకపోవడంతో కొత్తదనం కోరుకునే ఆడియన్స్ కొంత డిస్సపాయింట్ అవుతారు. కానీ బుచ్చిబాబు తన టేకింగ్ తో కొంతవరకు మెప్పించాడు. దర్శకుడిగా రామ్ చరణ్ లోని నటుడ్ని మరోసారి ఆవిష్కరించి గురువుకి తగ్గ శిష్యుడనిపించుకున్నాడు. కానీ తెరపై పేరున్న ఆర్టిస్ట్‌లు ఎంతో మందిని సరిగా ఉపయోగించుకోలేకపోయాడు. కొన్ని చోట్ల లాజిక్స్‌ను వదిలేస్తే, కొన్ని సన్నివేశాలు సినిమాటిక్ గా ఉంటాయి. కానీ బుచ్చి రచనలో నిజాయతీ ఉంది. కొన్ని సీన్స్‌ను, డైలాగ్‌లను బాగా రాసుకున్నాడు. ఓవరాల్ గా కొన్ని సీన్స్ ని ఎడిట్ చేయాల్సింది. అయితే అభిమానులకు అయితే పెద్ది విందు భోజనం లాంటి సినిమా. ప్రస్తుతం ఏ సినిమా పోటీ లేకపోవడం ఈ సినిమాకు ప్లస్‌ అవుతుంది. మొత్తం మీద పెద్ది రామ్‌చరణ్‌ వన్‌మెన్‌ షోగా చెప్పుకోవచ్చు

సంక్రాంతి తర్వాత వెలవెలబోయిన టాలీవుడ్ బాక్సాఫీస్ ను గట్టెక్కించే సినిమా అవుతుందని ఇండస్ట్రీ అంతా ఆశలు పెట్టుకున్న చిత్రం.. పెద్ది. తన అరంగేట్ర చిత్రం ‘ఉప్పెన’తోనే సెన్సేషన్ క్రియేట్ చేసిన బుచ్చిబాబు దర్శకత్వంలో మెగా పవర్ స్టార్ రామ్ చరణ్ నటించిన చిత్రమిది. భారీ అంచనాల మధ్య ప్రేక్షకుల ముందుకు వచ్చి అనుకున్నట్టుగానే మంచి రెస్పాన్స్ ని అందుకుంటుంది. సినిమాలో రామ్ చరణ్ నటనతో పాటు బుచ్చిబాబు టేకింగ్, ఎఆర్ రహ్మన్ అదిరిపోయే మ్యూజిక్ తో సినిమాని నిలబెట్టారు. 

కథ పరంగా రొటీన్ స్టోరీయే అయినా, తన స్క్రీన్ ప్లే మ్యాజిక్ తో బుచ్చిబాబు మ్యానేజ్ చేసాడు. ఇక ‘పెద్ది’ కోసం బుచ్చిబాబు ఏరి కోరి ఏఆర్ రెహమాన్ ను ఎంచుకున్నందుకు ఆయన మంచి ఔట్ పుటే ఇచ్చాడు. స్పెషల్లీ బీజీఎం అదిరిపోయింది. రత్నవేలు విజువల్స్ సాంకేతికంగా సినిమాలో మరో హైలైట్. నిర్మాణ విలువలు బాగున్నాయి. ఇక చరణ్ తో పాటు జగపతిబాబు, శివరాజ్ కుమార్ రోల్స్ బిగ్గెస్ట్ ప్లస్ అయ్యాయి. ఓవరాల్ గా ఒక చిన్న సినిమా అనుభవంతో ఇంత పెద్ద ప్రాజెక్టును డీల్ చేసిన విధానానికి.. రామ్ చరణ్ నుంచి అద్భుతమైన పెర్ఫామెన్స్ రాబట్టుకున్న తీరుకు బుచ్చిబాబు అభినందనీయుడే.

సినిమా ఆడటం అనేది ఆ సినిమా హీరోకి.. లేదంటే ఆ డైరెక్టర్‌కో, నిర్మాతకో, హీరోయిన్‌కో అవసరం. కానీ ఇప్పుడు పెద్ది సినిమా హిట్ అవ్వడం ఇండస్ట్రీకి అత్యవసరం. సంక్రాంతి తర్వాత గత ఆర్నెళ్లుగా ఒక్కటంటే ఒక్క సూపర్ హిట్ సినిమా లేదు. ఇలాంటి సమయంలో టాలీవుడ్ లో భారీ ఎక్స్పెక్టేషన్స్ తో విడుదలైన పెద్ది సినిమా ఆడియన్స్ నుండి యానానిమస్ గా అదిరిపోయే రెస్పాన్స్ దక్కించుకుంది. రామ్ చరణ్ మైండ్ బ్లోయింగ్ ట్రాన్స్‌ఫర్మేషన్‌ అండ్ పెర్ఫార్మన్స్ తో ఫ్యాన్స్ చేత విజిల్స్ వేయించాడు. అయితే ఎప్పుడో అరిగిపోయిన టెంప్లెట్, ఫార్మాట్‌ ను వాడారు బుచ్చిబాబు. అదొక్కటి సినిమాకి మైనస్ గా నిలిచింది. 

ఇక స్పెషల్ సాంగ్ కూడా ఇంప్రెసివ్ గా లేదు. ఆపై హీరోయిన్ క్యారెక్టర్ సాంగ్స్ కోసమే ఉన్నట్టు అయిపొయింది. ఫస్ట్ హాఫ్ లో చాలావరకు మరీ ప్రెడిక్టబుల్‌ గా సాగుతుంది. ఇంటర్వెల్‌ కి కాస్త కథ బరువు ఎక్కినట్టుగా అనిపిస్తుంది. ఇంటర్వెల్ బ్లాక్‌ లో కుస్తీ సీన్ అదిరిపోతుంది. ఫ్యాన్స్ ని మెప్పించడంలో మాత్రం బుచ్చిబాబు సక్సెస్ అయ్యాడు. ఇక ఎఆర్ రెహమాన్ మ్యూజిక్ కూడా సినిమాకి బిగ్గెస్ట్ ఎస్సెట్ గా నిలిచింది. ఓవరాల్ గా సినిమా రామ్ చరణ్ కి అదిరిపోయే కం బ్యాక్ ఇచ్చిందని చెప్పొచ్చు. 

టాలీవుడ్ లో ఎంతో కాలంగా ఎదురు చూస్తున్న మోస్ట్ అవైటెడ్ సినిమా "పెద్ది" ఫైనల్ గా థియేటర్లలో విడుదలైంది. మెగాపవర్ స్టార్ రామ్ చరణ్ హీరోగా నటించిన ఈ మూవీని బుచ్చిబాబు డైరెక్ట్ చేసాడు. ఇక సినిమా విషయానికి వస్తే... 90స్ బ్యాక్ డ్రాప్ లో రూరల్ కథగా తెరకెక్కిన పెద్ది సినిమా ఫ్యాన్స్ ని అమితంగా మెప్పిస్తుంది. ఊరి గుర్తింపు కోసం ఆటగాడైన పెద్ది చేసిన పోరాటమే ఈ సినిమా కథ. 

ఓవరాల్ గా చూసుకున్నట్టైతే ఈ ‘పెద్ది’... ఆడియన్స్ మనసుల్ని కదిలించే ఒక ఎమోషనల్ స్పోర్ట్స్ డ్రామా అని చెప్పొచ్చు. రామ్ చరణ్ పెర్ఫామెన్స్, మూడు వేరియేషన్స్ లలో తను పడ్డ కష్టం వర్ణనాతీతం. జగపతి బాబు, శివరాజ్ కుమార్ మరో హైలైట్ గా నిలిచారు. రెహమాన్ సంగీతం ఈ సినిమాకి బిగ్గెస్ట్ ప్లస్ గా నిలిచింది. అన్నిటికి మించి రొటీన్ కథే అయినా బుచ్చిబాబు తన టేకింగ్ తో మెప్పించాడు. అలాగే రత్నవేలు సినిమాటోగ్రఫీ, నవీన్ నూలి ఎడిటింగ్ కూడా బాగున్నాయి. ఓవరాల్ గా మంచి ఎమోషనల్ బ్లాక్ లు, సాలిడ్ స్పోర్ట్స్ ఎపిసోడ్స్ ఫ్యాన్స్ కి థియేటర్ లో ట్రీట్ ఇస్తాయి. 

మరీచిక సినిమా ఎలా ఉందో చెప్పే ముందు... ఈ టైటిల్ 'మరీచిక' గురించి ప్రస్తావిస్తే... అసలు మరీచిక అంటే అర్థం ఏమిటి? అని ప్రేక్షకులు కొద్దిమందైనా ఆలోచిస్తారు. అయితే మరీచిక అంటే ఎండమావి అని సినిమాలో చెప్పారు. వేసవిలో ఎండమావి కనిపిస్తుంది, కానీ నీళ్లు ఉండవు. అయితే ఈ సినిమాలోనూ అంతే... నెక్స్ట్ సీన్ నుంచి బావుంటుందని ప్రేక్షకులు ఎదురు చూడటం తప్ప బావుందన్న సంతృప్తి కలగదు. సతీష్ కాసెట్టి దర్శకత్వం వహించిన ఈ 'మరీచిక'లో థ్రిల్లర్ ఒక సినిమాకు కావాల్సిన ట్విస్టులు, టర్నులు ఉన్నాయి. కాని ప్రేక్షకులకు థ్రిల్ ఇచ్చేలా చెప్పే కథనం, దర్శకత్వం కరువైంది.

ఓవరాల్ గా నటీనటుల పెర్ఫార్మన్స్ బాగుంది. కానీ సరైన కథనం లేకపోవడంతో ఆడియన్స్ ని చాలా నిరాశపరిచింది. సింపుల్ గా చెప్పాలంటే ఈ మరీచిక... పేరుకు తగ్గట్లుందీ ఈ సినిమా. ఎండమావిలో నీళ్లు లేనట్టు... సినిమాలోనూ స్టార్టింగ్ నుంచి ఎండింగ్ వరకు ఎగ్జైట్ చేసే, థ్రిల్ ఇచ్చే కథ, స్క్రీన్ ప్లే, దర్శకత్వం లేవు. కథలో క్రైమ్ ఎలిమెంట్స్, ట్విస్టులు ఉన్నాయి. కానీ ప్రేక్షకుడు ఆహా అనేలా ఒక్కటీ లేదు. కొత్తదనం కోరుకునే ప్రేక్షకులు స్కిప్ చేయడం బెటర్. లేదంటే ఓటిటిలో చూసేయొచ్చు. 

మరీచిక.. అంటూ ఈ వారం విడుదలైన సైకలాజికల్ మర్డర్ మిస్టరీ థ్రిల్లర్ ఆడియన్స్ నుండి డివైడ్ టాక్ అందుకుంది. ఎంతలా అంటే సినిమాలో మర్డర్ ని చూసి హీరోయిన్ తల పట్టుకుని ఏడుస్తుంది. అలాగే థియేటర్లోని ప్రేక్షకులు సైతం తల పట్టుకునేలా చేశారు సినిమా దర్శకులు. ఆ రకంగా ఈ సినిమా టైటిల్‌ ను జస్టిఫై చేశారు మేకర్స్. 

సింపుల్ గా కథ నేపథ్యం చెప్పాలంటే... ఇందులోని పాత్రలన్నీ డ్రామా ఆడేవే. డబ్బుల కోసం కొందరు, ప్రేమ కోసం మరికొందరు, స్నేహం కోసం ఇంకొందరు, ఆస్తుల కోసం మరికొందరు! ఈ డ్రామాలో ఏది నిజమో ఏది అబద్ధమో తెసుకోవడమే పెద్ద పజిల్‌. ప్రేక్షకులకు ఇలాంటి ప్రహేళికను ఇచ్చిన సినిమా ఈ మధ్యకాలంలో మరొకటి లేదంటే అతిశయోక్తి కాదు. కానీ బోరింగ్ సీన్లతో, పస లేని కథతో ఆడియన్స్ కి విసుగుపుట్టించారు. ఇళయరాజా సంగీతం అందించారనో, కాస్త పేరున్న ఆర్టిస్టులు ఉన్నారనో ఆశతో థియేటర్ కు వెళితే... ఎడారిలో ఎండమావిలా అవుతుంది ప్రేక్షకుల పరిస్థితి. కొద్ది రోజులు ఆగితే ఈ సినిమా ఎలానూ ఓటీటీలో వస్తుంది. అప్పుడు కూడా తీరుబడి ఉంటే... మీ కిష్టమైన అనుపమా పరమేశ్వరన్‌ నటన కోసం ఓసారి చూడండి. అంతే..

సైకలాజికల్ థ్రిల్లర్, మర్డర్ మిస్టరీ, లవ్, రివేంజ్ లాంటి అంశాలతో తెరకెక్కిన మూవీ మరీచిక. తాజాగా థియేటర్లలో విడుదలైన ఈ మూవీ బీలో యావరేజ్ రెస్పాన్స్ తెచ్చుకుంది. అయితే దర్శకుడు సతీష్ కాసెట్టి కథను ఊహించుకోవడం బాగానే ఉన్నా, దానికి తగినట్టుగా నటీనటులను ఎంపిక చేసుకొన్నా, కథను సాఫీగా, సూటిగా, సుత్తి లేకుండా చెప్పడంలో పూర్తిగా తడబాటుకు గురయ్యాడు. సంజూ (విరాజ్ అశ్విన్) ని చంపే సీన్‌ తో కథను అత్యంత ఆసక్తిగా ప్రారంభించాడు. కానీ అదే క్యూరియాసిటీని ఆడియెన్స్‌ లో కొనసాగించలేకపోయాడనే చెప్పాలి. 

స్క్రీన్ ప్లే విషయంలో గందరగోళం కారణంగా ఒక మంచి పాయింట్‌తో వచ్చిన కథ ఆడియెన్‌ ను ఇంప్రెస్ చేయడంలో ఫెయిల్ అయిందనే చెప్పాలి. ఇక ఈ సినిమాకు మ్యూజిక్ మేస్ట్రో ఇళయరాజా సంగీతం ఇచ్చారు. కానీ కథలో కంటెంట్ బలంగా లేకపోవడం, సన్నివేశాలు పేలవంగా ఉండటం, స్టోరీలో క్లారిటీ లేకపోవడం వల్ల ఇళయరాజా కూడా తన మార్కు చూపించలేకపోయారనిపిస్తుంది. లక్ష్మీభూపాల డైలాగ్స్ ఫర్వాలేదనిపిస్తాయి. అరవింద్ కన్నాభిరాన్ సినిమాటోగ్రఫి బాగుంది. రాజీవ్ చిలక, మేఘా చిలక అనుసరించిన నిర్మాణ విలువలు బాగున్నాయి. కథ, కథనాలపై మరింత దృష్టి పెడితే డీసెంట్ థ్రిల్లర్ అయి ఉండేది. ఆ ఛాన్స్ మిస్ అయిందనే చెప్పాలి.

ఈ వారం థియేటర్లలో విడుదలైన "మరీచిక" మూవీ ప్రేక్షకుల నుండి బీలో యావరేజ్ రెస్పాన్స్ అందుకుంది. సరైన కథా కథనాలు లేకపోవడంతో మూవీ ఆర్టిస్ట్ లు కూడా బాగానే చేసినా, ప్రొడక్షన్ వాల్యూస్ బాగానే ఉన్నా, ఫలితం లేకపోయింది. దర్శకుడు సతీష్ కాసెట్టి సరైన స్క్రీన్ ప్లే రాసుకోవడంలో విఫలమయ్యారు.

ఇక ఓవరాల్ గా చూసుకున్నట్టయితే ఈ ‘మరీచిక’ చిత్రం మంచి పొటెన్షియల్ ఉన్న కథను తెరపై ఆవిష్కరించడంలో విఫలమై డిజప్పాయింట్ చేసే సైకలాజికల్ థ్రిల్లర్‌గా మిగిలిపోయింది. ఎంగేజింగ్ గా మార్చే స్కోప్ ఉన్నప్పటికీ స్లోగా సాగే డిజైన్ చేసుకున్న కథనం నిరాశ పరుస్తుంది. ఫైనల్ గా కథనంలో బలహీనత కారణంగా మరీచిక చిత్రం ప్రభావం చూపలేని బోరింగ్ థ్రిల్లర్ గా నిలిచిపోయింది.

దృశ్యం సినిమాలకు ఇండియా వైడ్ గా మంచి క్రేజ్‌ ఉంది. దీనికి సంబంధించి ఇప్పటికే విడుదలైన రెండు సినిమాలు అన్ని భాషల్లో పెద్ద హిట్‌ అయ్యాయి. దీనికి మూలం మలయాళం. అక్కడ మోహన్‌లాల్‌, మీనానటించగా, ఇందులో భాగంగా ఇప్పుడు మలయాళంలో మూడో సీక్వెల్‌ వచ్చింది. అయితే గత రెండు చిత్రాల మంచి ఆదరణ పొందాయి. ఇప్పుడు మూడో పార్ట్ కూడా అదే తరహాలో ఎంగేజ్‌ చేసిందా? ట్విస్ట్ లు, టర్న్ లతో సాగిందా? అవి ఆడియెన్స్ ని ఆకట్టుకున్నాయా? అంటే ఆ స్థాయిలో లేదనే చెప్పాలి.

సినిమా ప్రారంభం నుంచి చాలా స్లోగా సాగుతుంది. కథ ముందే తెలియడంతో ఇందులో కథనం ఊహించినట్టుగానే ఉంటుంది. దీనికితోడు కథలో ఇంటెన్సిటీ మూడ్‌ ని క్రియేట్‌ చేయడానికి దర్శకుడు చాలా టైమ్‌ తీసుకున్నారు. దీంతో బోరింగ్‌ గా ఉంటుంది. మధ్య మధ్యలో థ్రిల్‌ ఎలిమెంట్లు ఒకటి రెండు యాడ్‌ చేశారు. కానీ అవి పెద్దగా కిక్‌ ఇవ్వవు. నటీనటుల పెర్ఫార్మన్స్ వరకు మోహన్ లాల్ సహా అందరూ బానే చేసారు. కానీ ఆ పాత్రలకు కనెక్ట్ అవ్వాలంటే కొంచెం కష్టమే. ఓవరాల్ గా స్లోగా, బోరింగ్‌ గా సాగే ఈ దృశ్యం 3 మూవీ, మధ్య మధ్యలో చిన్న మెరుపులు, క్లైమాక్స్ తో కాస్త ఆకట్టుకుంటుంది. అయితే గత రెండు సినిమాలతో పోల్చితే డిజప్పాయింట్‌ చేస్తుంది.

మోహన్ లాల్ నటించిన తాజా చిత్రం "దృశ్యం 3". జీతూ జోసెఫ్ దర్శకత్వంలో తెరకెక్కిన ఈ మూవీ 'దృశ్యం' మూవీ ఫ్రాంచైజీలో మూడో పార్ట్ గా వచ్చింది. ఈ ఫ్రాంచైజీకి ఉన్న పాపులారిటీ వల్ల ఈసారి తెలుగు రీమేక్ హక్కులు అమ్మకుండా మలయాళంతో పాటు తమిళం, తెలుగు, హిందీ భాషల్లో ఒకేసారి విడుదల చేసారు. అయితే ఈ మూడో పార్ట్ మాత్రం అంతగా రెస్పాన్స్ అందుకోలేకపోయింది. అసలు దృశ్యం అంటేనే అద్భుతమైన స్క్రీన్‌ ప్లే, ఊహించని ట్విస్టులు గుర్తుకొస్తాయి. కానీ దృశ్యం 3 మాత్రం ఆ స్థాయి మాయాజాలాన్ని పూర్తిగా అందుకోలేకపోయింది.

జీతు జోసెఫ్ పేరు వినగానే ప్రేక్షకులు పెద్ద ట్విస్టులు, తెలివైన కథనాన్ని ఆశిస్తారు. కానీ ఈసారి ఆయన కథను చాలా సాధారణంగా చెప్పిన భావన కలుగుతుంది. గత రెండు భాగాలతో పోలిస్తే ఈ సినిమాలో కొత్తదనం తక్కువగా కనిపిస్తుంది. ఇక గ్రామీణ వాతావరణాన్నయితే సహజంగా చూపించారు. అయితే ఎడిటింగ్ విషయంలో ఇంకాస్త కట్టుదిట్టంగా ఉండాల్సింది. మొదటి భాగంలో అనవసరంగా సాగదీసిన సన్నివేశాలు తగ్గించి ఉంటే సినిమా మరింత ప్రభావవంతంగా ఉండేది. ఓవరాల్ గా దృశ్యం 3 మూవీని తక్కువ అంచనాలతో చూస్తే బెటర్. 

దృశ్యం’ అనే పేరు వినగానే ఆడియన్స్‌కు ముందుగా గుర్తొచ్చేది mind game screenplay. ఫ్యామిలీ ఎమోషన్స్‌తో crime thriller‌ని mix చేసి ప్రేక్షకులని సీట్ల ఎడ్జ్ మీద కూర్చోబెట్టిన ఫ్రాంచైజ్ ఇది. ఇందులో భాగంగా తాజాగా ‘దృశ్యం-3’ విడుదల కాగా, మలయాళ డబ్ నే తెలుగులోనూ రిలీజ్ చేసారు. కథా, కథనాల గురించి మాట్లాడితే ముందు భాగాల్లో ఉన్న ఆత్రుత, ఇంట్రెస్ట్ ఈ మూడో భాగంలో ఉండదు. మోహన్ లాల్ సహా మిగతా నటీనటులందరూ బాగానే చేసినా, కథలో మాత్రం ఒక wow factor కనిపించదు. 

ఫస్టాఫ్ అంతా స్లో గా సాగదీసినట్టు ఉండడమే కాకుండా, ట్విస్టులు కూడా పెద్దగా షాక్ ఇవ్వవు. పైగా తెలుగు డబ్బింగ్ మేజర్ మైనస్ అయింది. డబ్బింగ్ సినిమాటిక్ గా, సహజంగా ఉండదు. ఓవరాల్ గా సినిమాలో క్లైమాక్స్ 20 నిముషాలు మినహా మొత్తం సినిమా డల్ గా ఉంటుంది. బీజీఎమ్ కూడా పెద్దగా హెల్ప్ అవలేదు. ఓవరాల్ గా దృశ్యం 3 గురించి సింపుల్ గా చెప్పాలంటే... లౌ ఎక్స్పెక్టేషన్స్ తో ఒకసారి చూసేయొచ్చు. కానీ ఇప్పటికైనా దృశ్యం సిరీస్ గౌరవాన్ని కాపాడుతూ.. ఈ సిరీస్ ఇక్కడితో ఆపేస్తే బెటర్. మొదటి రెండు భాగాలతో పోలిస్తే దృశ్యం 3 మసకబారింది.