Movie Reviews

రామ్ చరణ్ నటించిన పెద్ది స్పోర్ట్స్ నేపథ్యంలో సాగే ఎమోషనల్‌ డ్రామాగా తెరకెక్కగా, ఊరు గుర్తింపు కోసం, తన గుర్తింపు కోసం ఒక క్రీడాకారుడు తన ఆటతో చేసే పోరాటమే ఈ పెద్ది సినిమాగా చెప్పొచ్చు. అయితే సినిమాలో మెయిన్‌గా కథని ఎస్టాబ్లిష్‌ చేయడానికి, ఎమోషన్స్ ని క్యారీ చేయడానికి ఎక్కువగా టైమ్‌ తీసుకున్నారు. క్రికెట్‌ బ్యాట్‌ పట్టుకొని క్రికెట్‌ గ్రౌండ్‌ లోకి పెద్ది దిగిన సన్నివేశంతో రామ్‌ చరణ్‌ ఎంట్రీ ఉంటుంది. దాన్ని సాలిడ్‌గా ప్లాన్‌ చేశారు బుచ్చిబాబు. ముఖ్యంగా క్లైమాక్స్ మాత్రం ఎమోషనల్‌ గా ఉంది. ఎంగేజ్‌ చేస్తుంది. చివరి అరగంట ఉత్కంఠభరితంగా సాగుతుంది. చివరగా రెగ్యూలర్‌ గానే ముగింపు తీసుకుంటుంది.

అయితే సినిమాకి మ్యూజిక్‌ యావరేజ్‌ గా నిలిచింది. కానీ బీజీఎం బాగా ఇచ్చాడు ఏఆర్ రెహమాన్. రత్నవేలు కెమెరా వర్క్ బాగుంది. రామ్‌ చరణ్‌లోని ఎమోషన్స్ ని బాగా క్యారీ చేశారు. ఎడిటింగ్‌ పరంగా లోపాలున్నాయి. దర్శకుడు బుచ్చిబాబు సానా మంచి కథని రాసుకున్నాడు, కానీ ట్రెండ్‌కి తగ్గట్టుగా ప్రజెంట్‌ చేయడంలో కొంత తడబాటు కనిపిస్తుంది. కాకపోతే ఆయన సక్సెస్‌ అయిన అంశం ఏంటంటే రామ్‌ చరణ్‌తో బాగా చేయించగలిగాడు. నటీనటుల నుంచి తన బెస్ట్ తీసుకున్నాడు. ఓవరాల్ గా కథగా ఊహించేలా ఉన్నా, ఎమోషనల్‌ డ్రామా కట్టిపడేస్తుంది. రామ్‌ చరణ్‌ పర్ఫార్మెన్స్ కోసం అయినా చూడగలిగే మూవీ.

మెగా పవర్ స్టార్ Ram Charan హీరోగా, దర్శకుడు Buchi Babu Sana తెరకెక్కించిన ‘పెద్ది’ ఒక ఎమోషనల్ స్పోర్ట్స్ డ్రామా. ఊరి గుర్తింపు కోసం పోరాడే పెద్ది అనే యువకుడి కథ చుట్టూ సినిమా సాగుతుంది. కూలీ కుటుంబం నుంచి వచ్చిన పెద్ది తన అసాధారణ క్రీడా ప్రతిభతో ఎలా ఎదిగాడు? తన గ్రామం కోసం ఎంత దూరం వెళ్లాడు? అనేదే కథాంశం. ఇక సినిమాకు ప్రధాన బలం రామ్ చరణ్ నటన. రంగస్థలం తర్వాత మరోసారి బలమైన పాత్రలో కనిపించిన ఆయన, యాక్షన్‌తో పాటు ఎమోషనల్ సన్నివేశాల్లోనూ ఆకట్టుకుంటాడు. జగపతి బాబు, శివరాజ్ కుమార్ పాత్రలు కూడా సినిమాకి ప్లస్ అయ్యాయి. కానీ హీరోయిన్ జాన్వీ కపూర్ పాత్ర మాత్రం నిరాశపరిచింది. పైగా సినిమాలో పాటలకు, ఎక్స్పోజింగ్ కి మాత్రమే అనట్టుంటుంది. 

కథ పరంగా చూస్తే ఇది పూర్తిగా కొత్త కథ కాదు. చాలా సన్నివేశాలు ముందే ఊహించగలిగేలా ఉంటాయి. కొన్ని చోట్ల విజువల్ ఎఫెక్ట్స్, లిప్ సింక్ సమస్యలు కనిపిస్తాయి. అయితే దర్శకుడు భావోద్వేగాలను బాగా హ్యాండిల్ చేయడం సినిమాకు ప్లస్ అయ్యింది. టెక్నికల్ గా A. R. Rahman అందించిన బ్యాక్‌గ్రౌండ్ స్కోర్ సినిమాను మరో స్థాయికి తీసుకెళ్లింది. స్పోర్ట్స్ ఎపిసోడ్స్, ఎమోషనల్ బ్లాక్స్ థియేటర్లలో మంచి అనుభూతిని ఇస్తాయి. ఓవరాల్‌గా ‘పెద్ది’ రామ్ చరణ్ కెరీర్‌లో మరో గుర్తుండిపోయే సినిమా. కథ పరంగా వంక పెట్టేలా ఉన్నా, ఓసారి పక్కాగా చూసేయొచ్చు. 

రామ్ చరణ్ హీరోగా నటించిన పాన్ ఇండియా స్పోర్ట్స్ డ్రామా 'పెద్ది'. బుచ్చిబాబు సానా దర్శకత్వం వహించిన ఈ సినిమా థియేటర్లలో మంచి రెస్పాన్స్ తెచ్చుకుంది. అయితే బలమైన కథా కథనాలు రాసుకోవడంలో దర్శకుడు బుచ్చిబాబు విఫలమయ్యాడు. కాని తన టేకింగ్ తో ఆకట్టుకున్నాడు బుచ్చి. తనలోని నటుడిని బయటికు తీసుకువచ్చే క్యారెక్టర్ చేయడానికి ఎప్పుడూ రెడీ ఉండే రామ్ చరణ్ మరోసారి తన యాక్టింగ్ పొటెన్షియాలిటీ ఏంటో చూపించారు. అలాగే జగపతిబాబు, శివరాజ్ కుమార్ తమ పెర్ఫార్మన్స్ తో మరో హైలెట్ గా నిలిచారు.

అయితే దర్శకుడు బుచ్చిబాబు సానా కథ కన్నా, కొన్ని భావోద్వేగ సన్నివేశాలు, క్లైమాక్స్ ఎపిసోడ్స్ మీద ఎక్కువ నమ్మకం పెట్టుకున్నారు. అక్కడ ఎమోషన్స్ మీద ఎక్కువ ఫోకస్ పెట్టారు. అయితే అది బాగానే ఉంది కానీ, బలమైన కొత్త తరహా కథ తీసుకోలేకపోయారు బుచ్చిబాబు. దివ్యేందు శర్మ, రవి కిషన్, బోమన్ ఇరానీ వంటి ఆర్టిస్టులకు సరైన రోల్స్ పడలేదు. ఓవరాల్ గా కమర్షియల్ అంశాలతో కూడిన కంటెంట్ బేస్డ్ సినిమా పెద్ది. అయితే... కమర్షియాలిటీ కంటే కంటెంట్ హైలైట్ అవుతుంది. కథలో ఎమోషనల్ సీన్స్ హై ఇస్తాయి. ప్రీ ఇంటర్వెల్ నుంచి ఇంటర్వెల్ వరకు, అలాగే లాస్ట్ 30 మినిట్స్ సినిమాకు మేజర్ ప్లస్ పాయింట్స్. బుచ్చిబాబు రచనలో నిజాయతీని అభినందించాలి. రామ్ చరణ్ తన నటనతో సినిమాను నిలబెట్టారు. పెద్ది... నటుడిగా రామ్ చరణ్ వన్ మ్యాన్ షో. ఆయన కోసం సినిమా చూడాలంతే 

గ్లోబల్‌స్టార్‌ రామ్‌చరణ్‌ (Ram charan) హీరోగా నటించిన 'పెద్ది’ సినిమా ఫైనల్ గా థియేటర్లలో విడుదలకాగా, సినిమా మంచి రెస్పాన్స్ ని అందుకుంటుంది. మరీ యానానిమస్ రేంజ్ లో కాకపోయినా, రీసెంట్ బిగ్గిస్ లో వన్ అఫ్ ది బెస్ట్ గా టాక్ తెచ్చుకుంది. సినిమాలో రామ్ చరణ్ తన బెస్ట్ పెర్ఫార్మన్స్ తో ఆకట్టుకోగా, బుచ్చిబాబు టేకింగ్ తోనూ ఆకట్టుకున్నాడు. ఇక ఫస్టాఫ్ స్క్రీన్ ప్లే రొటీన్, రెగ్యులర్‌ గా, కమర్షియల్ అంశాలు లెక్కలేసుకొని సినిమాను ముందుకు తీసుకెళ్లే ప్రయత్నం చేసినట్టు కనిపిస్తుంది. అయితే అప్పలసూరికి సంబంధించి ఓ ఎమోషనల్ సీన్‌తో ఇంటర్వెల్ ఎపిసోడ్ ప్రేక్షకుడిని భావోద్వేగాల ఊగిసలాటకు గురి చేస్తుంది. 

ఇంటర్వెల్ బ్యాంగ్‌ తో కథను మలుపు తిప్పిన దర్శకుడు బుచ్చిబాబు, పెద్ది పాత్రను చెక్కిన విధానం, ఆ పాత్రలో రాంచరణ్ చూపించిన కెరీర్ బెస్ట్ పెర్ఫార్మెన్స్ ప్రేక్షకులను కొత్త అనుభూతికి గురి చేస్తాయి. సెకండాఫ్‌లో పెద్ది, గౌర్నాయుడు పాత్రల మధ్య కెమిస్ట్రీ బాగా పండింది. అయితే సినిమాలో కనెక్టవిటీ ఏదో మిస్ అయినట్టు అనిపిస్తాయి. ఇక ఎడిటింగ్, సాదా సీదా VFX ఇలాంటి స్వల్ప లోపాలు పక్కన పెట్టేయొచ్చు. ఓవరాల్ గా రాంచరణ్ మాత్రం నభూతో నభవిష్యత్ అనే విధంగా పెద్దిగా నటించాడు. కలెక్షన్లు మాత్రమే కాకుండా అవార్డులు కూడా తెచ్చిపెట్టే సినిమా పెద్ది. థియేటర్‌లోనే చూడండి.. డోంట్ మిస్.. మస్ట్ వాచ్ మూవీ.

గ్లోబల్‌స్టార్‌ రామ్‌చరణ్‌ (Ram charan) హీరోగా నటించిన చిత్రం 'పెద్ది’. 'ఉప్పెన' లాంటి బ్లాక్‌బస్టర్‌ తర్వాత ఐదేళ్లు సమయం తీసుకుని బుచ్చిబాబు సాన తెరకెక్కించిన చిత్రమిది. తాజాగా థియేటర్లలో విడుదలైన ఈ సినిమా మిక్స్డ్ రెస్పాన్స్ అందుకుంది. విజయనగరంలో ఏ గుర్తింపు లేని, అంటే కనీసం ఆ ప్రాంతంలో 1800 మంది ఉన్నారన్న విషయం తెలియని ప్రభుత్వానికి ఆ ఊరి యువకుడు ఎలా గుర్తింపు తెచ్చాడు? అదొక ఊరని దేశానికి ఎలా తెలియజేశాడు? ఈ జర్నీలో ఎదురైన సవాళ్లేంటి అన్నది ఇతివృత్తంగా తీసిన సినిమా ఇది. 

ఇక సినిమా మొత్తం బ్యాక్ బోన్ గా ఉండి నడిపించిన రామ్ చరణ్ ప్రతి ఫ్రేమ్ ఆకట్టుకుంటాడు. బలమైన భావోద్వేగాలతో ఆడియన్స్ ని మెస్మరైజ్ చేస్తాడు. అయితే బలమైన కథ, కథనం లేకపోవడంతో కొత్తదనం కోరుకునే ఆడియన్స్ కొంత డిస్సపాయింట్ అవుతారు. కానీ బుచ్చిబాబు తన టేకింగ్ తో కొంతవరకు మెప్పించాడు. దర్శకుడిగా రామ్ చరణ్ లోని నటుడ్ని మరోసారి ఆవిష్కరించి గురువుకి తగ్గ శిష్యుడనిపించుకున్నాడు. కానీ తెరపై పేరున్న ఆర్టిస్ట్‌లు ఎంతో మందిని సరిగా ఉపయోగించుకోలేకపోయాడు. కొన్ని చోట్ల లాజిక్స్‌ను వదిలేస్తే, కొన్ని సన్నివేశాలు సినిమాటిక్ గా ఉంటాయి. కానీ బుచ్చి రచనలో నిజాయతీ ఉంది. కొన్ని సీన్స్‌ను, డైలాగ్‌లను బాగా రాసుకున్నాడు. ఓవరాల్ గా కొన్ని సీన్స్ ని ఎడిట్ చేయాల్సింది. అయితే అభిమానులకు అయితే పెద్ది విందు భోజనం లాంటి సినిమా. ప్రస్తుతం ఏ సినిమా పోటీ లేకపోవడం ఈ సినిమాకు ప్లస్‌ అవుతుంది. మొత్తం మీద పెద్ది రామ్‌చరణ్‌ వన్‌మెన్‌ షోగా చెప్పుకోవచ్చు

సంక్రాంతి తర్వాత వెలవెలబోయిన టాలీవుడ్ బాక్సాఫీస్ ను గట్టెక్కించే సినిమా అవుతుందని ఇండస్ట్రీ అంతా ఆశలు పెట్టుకున్న చిత్రం.. పెద్ది. తన అరంగేట్ర చిత్రం ‘ఉప్పెన’తోనే సెన్సేషన్ క్రియేట్ చేసిన బుచ్చిబాబు దర్శకత్వంలో మెగా పవర్ స్టార్ రామ్ చరణ్ నటించిన చిత్రమిది. భారీ అంచనాల మధ్య ప్రేక్షకుల ముందుకు వచ్చి అనుకున్నట్టుగానే మంచి రెస్పాన్స్ ని అందుకుంటుంది. సినిమాలో రామ్ చరణ్ నటనతో పాటు బుచ్చిబాబు టేకింగ్, ఎఆర్ రహ్మన్ అదిరిపోయే మ్యూజిక్ తో సినిమాని నిలబెట్టారు. 

కథ పరంగా రొటీన్ స్టోరీయే అయినా, తన స్క్రీన్ ప్లే మ్యాజిక్ తో బుచ్చిబాబు మ్యానేజ్ చేసాడు. ఇక ‘పెద్ది’ కోసం బుచ్చిబాబు ఏరి కోరి ఏఆర్ రెహమాన్ ను ఎంచుకున్నందుకు ఆయన మంచి ఔట్ పుటే ఇచ్చాడు. స్పెషల్లీ బీజీఎం అదిరిపోయింది. రత్నవేలు విజువల్స్ సాంకేతికంగా సినిమాలో మరో హైలైట్. నిర్మాణ విలువలు బాగున్నాయి. ఇక చరణ్ తో పాటు జగపతిబాబు, శివరాజ్ కుమార్ రోల్స్ బిగ్గెస్ట్ ప్లస్ అయ్యాయి. ఓవరాల్ గా ఒక చిన్న సినిమా అనుభవంతో ఇంత పెద్ద ప్రాజెక్టును డీల్ చేసిన విధానానికి.. రామ్ చరణ్ నుంచి అద్భుతమైన పెర్ఫామెన్స్ రాబట్టుకున్న తీరుకు బుచ్చిబాబు అభినందనీయుడే.

సినిమా ఆడటం అనేది ఆ సినిమా హీరోకి.. లేదంటే ఆ డైరెక్టర్‌కో, నిర్మాతకో, హీరోయిన్‌కో అవసరం. కానీ ఇప్పుడు పెద్ది సినిమా హిట్ అవ్వడం ఇండస్ట్రీకి అత్యవసరం. సంక్రాంతి తర్వాత గత ఆర్నెళ్లుగా ఒక్కటంటే ఒక్క సూపర్ హిట్ సినిమా లేదు. ఇలాంటి సమయంలో టాలీవుడ్ లో భారీ ఎక్స్పెక్టేషన్స్ తో విడుదలైన పెద్ది సినిమా ఆడియన్స్ నుండి యానానిమస్ గా అదిరిపోయే రెస్పాన్స్ దక్కించుకుంది. రామ్ చరణ్ మైండ్ బ్లోయింగ్ ట్రాన్స్‌ఫర్మేషన్‌ అండ్ పెర్ఫార్మన్స్ తో ఫ్యాన్స్ చేత విజిల్స్ వేయించాడు. అయితే ఎప్పుడో అరిగిపోయిన టెంప్లెట్, ఫార్మాట్‌ ను వాడారు బుచ్చిబాబు. అదొక్కటి సినిమాకి మైనస్ గా నిలిచింది. 

ఇక స్పెషల్ సాంగ్ కూడా ఇంప్రెసివ్ గా లేదు. ఆపై హీరోయిన్ క్యారెక్టర్ సాంగ్స్ కోసమే ఉన్నట్టు అయిపొయింది. ఫస్ట్ హాఫ్ లో చాలావరకు మరీ ప్రెడిక్టబుల్‌ గా సాగుతుంది. ఇంటర్వెల్‌ కి కాస్త కథ బరువు ఎక్కినట్టుగా అనిపిస్తుంది. ఇంటర్వెల్ బ్లాక్‌ లో కుస్తీ సీన్ అదిరిపోతుంది. ఫ్యాన్స్ ని మెప్పించడంలో మాత్రం బుచ్చిబాబు సక్సెస్ అయ్యాడు. ఇక ఎఆర్ రెహమాన్ మ్యూజిక్ కూడా సినిమాకి బిగ్గెస్ట్ ఎస్సెట్ గా నిలిచింది. ఓవరాల్ గా సినిమా రామ్ చరణ్ కి అదిరిపోయే కం బ్యాక్ ఇచ్చిందని చెప్పొచ్చు. 

టాలీవుడ్ లో ఎంతో కాలంగా ఎదురు చూస్తున్న మోస్ట్ అవైటెడ్ సినిమా "పెద్ది" ఫైనల్ గా థియేటర్లలో విడుదలైంది. మెగాపవర్ స్టార్ రామ్ చరణ్ హీరోగా నటించిన ఈ మూవీని బుచ్చిబాబు డైరెక్ట్ చేసాడు. ఇక సినిమా విషయానికి వస్తే... 90స్ బ్యాక్ డ్రాప్ లో రూరల్ కథగా తెరకెక్కిన పెద్ది సినిమా ఫ్యాన్స్ ని అమితంగా మెప్పిస్తుంది. ఊరి గుర్తింపు కోసం ఆటగాడైన పెద్ది చేసిన పోరాటమే ఈ సినిమా కథ. 

ఓవరాల్ గా చూసుకున్నట్టైతే ఈ ‘పెద్ది’... ఆడియన్స్ మనసుల్ని కదిలించే ఒక ఎమోషనల్ స్పోర్ట్స్ డ్రామా అని చెప్పొచ్చు. రామ్ చరణ్ పెర్ఫామెన్స్, మూడు వేరియేషన్స్ లలో తను పడ్డ కష్టం వర్ణనాతీతం. జగపతి బాబు, శివరాజ్ కుమార్ మరో హైలైట్ గా నిలిచారు. రెహమాన్ సంగీతం ఈ సినిమాకి బిగ్గెస్ట్ ప్లస్ గా నిలిచింది. అన్నిటికి మించి రొటీన్ కథే అయినా బుచ్చిబాబు తన టేకింగ్ తో మెప్పించాడు. అలాగే రత్నవేలు సినిమాటోగ్రఫీ, నవీన్ నూలి ఎడిటింగ్ కూడా బాగున్నాయి. ఓవరాల్ గా మంచి ఎమోషనల్ బ్లాక్ లు, సాలిడ్ స్పోర్ట్స్ ఎపిసోడ్స్ ఫ్యాన్స్ కి థియేటర్ లో ట్రీట్ ఇస్తాయి. 

మరీచిక సినిమా ఎలా ఉందో చెప్పే ముందు... ఈ టైటిల్ 'మరీచిక' గురించి ప్రస్తావిస్తే... అసలు మరీచిక అంటే అర్థం ఏమిటి? అని ప్రేక్షకులు కొద్దిమందైనా ఆలోచిస్తారు. అయితే మరీచిక అంటే ఎండమావి అని సినిమాలో చెప్పారు. వేసవిలో ఎండమావి కనిపిస్తుంది, కానీ నీళ్లు ఉండవు. అయితే ఈ సినిమాలోనూ అంతే... నెక్స్ట్ సీన్ నుంచి బావుంటుందని ప్రేక్షకులు ఎదురు చూడటం తప్ప బావుందన్న సంతృప్తి కలగదు. సతీష్ కాసెట్టి దర్శకత్వం వహించిన ఈ 'మరీచిక'లో థ్రిల్లర్ ఒక సినిమాకు కావాల్సిన ట్విస్టులు, టర్నులు ఉన్నాయి. కాని ప్రేక్షకులకు థ్రిల్ ఇచ్చేలా చెప్పే కథనం, దర్శకత్వం కరువైంది.

ఓవరాల్ గా నటీనటుల పెర్ఫార్మన్స్ బాగుంది. కానీ సరైన కథనం లేకపోవడంతో ఆడియన్స్ ని చాలా నిరాశపరిచింది. సింపుల్ గా చెప్పాలంటే ఈ మరీచిక... పేరుకు తగ్గట్లుందీ ఈ సినిమా. ఎండమావిలో నీళ్లు లేనట్టు... సినిమాలోనూ స్టార్టింగ్ నుంచి ఎండింగ్ వరకు ఎగ్జైట్ చేసే, థ్రిల్ ఇచ్చే కథ, స్క్రీన్ ప్లే, దర్శకత్వం లేవు. కథలో క్రైమ్ ఎలిమెంట్స్, ట్విస్టులు ఉన్నాయి. కానీ ప్రేక్షకుడు ఆహా అనేలా ఒక్కటీ లేదు. కొత్తదనం కోరుకునే ప్రేక్షకులు స్కిప్ చేయడం బెటర్. లేదంటే ఓటిటిలో చూసేయొచ్చు. 

మరీచిక.. అంటూ ఈ వారం విడుదలైన సైకలాజికల్ మర్డర్ మిస్టరీ థ్రిల్లర్ ఆడియన్స్ నుండి డివైడ్ టాక్ అందుకుంది. ఎంతలా అంటే సినిమాలో మర్డర్ ని చూసి హీరోయిన్ తల పట్టుకుని ఏడుస్తుంది. అలాగే థియేటర్లోని ప్రేక్షకులు సైతం తల పట్టుకునేలా చేశారు సినిమా దర్శకులు. ఆ రకంగా ఈ సినిమా టైటిల్‌ ను జస్టిఫై చేశారు మేకర్స్. 

సింపుల్ గా కథ నేపథ్యం చెప్పాలంటే... ఇందులోని పాత్రలన్నీ డ్రామా ఆడేవే. డబ్బుల కోసం కొందరు, ప్రేమ కోసం మరికొందరు, స్నేహం కోసం ఇంకొందరు, ఆస్తుల కోసం మరికొందరు! ఈ డ్రామాలో ఏది నిజమో ఏది అబద్ధమో తెసుకోవడమే పెద్ద పజిల్‌. ప్రేక్షకులకు ఇలాంటి ప్రహేళికను ఇచ్చిన సినిమా ఈ మధ్యకాలంలో మరొకటి లేదంటే అతిశయోక్తి కాదు. కానీ బోరింగ్ సీన్లతో, పస లేని కథతో ఆడియన్స్ కి విసుగుపుట్టించారు. ఇళయరాజా సంగీతం అందించారనో, కాస్త పేరున్న ఆర్టిస్టులు ఉన్నారనో ఆశతో థియేటర్ కు వెళితే... ఎడారిలో ఎండమావిలా అవుతుంది ప్రేక్షకుల పరిస్థితి. కొద్ది రోజులు ఆగితే ఈ సినిమా ఎలానూ ఓటీటీలో వస్తుంది. అప్పుడు కూడా తీరుబడి ఉంటే... మీ కిష్టమైన అనుపమా పరమేశ్వరన్‌ నటన కోసం ఓసారి చూడండి. అంతే..

సైకలాజికల్ థ్రిల్లర్, మర్డర్ మిస్టరీ, లవ్, రివేంజ్ లాంటి అంశాలతో తెరకెక్కిన మూవీ మరీచిక. తాజాగా థియేటర్లలో విడుదలైన ఈ మూవీ బీలో యావరేజ్ రెస్పాన్స్ తెచ్చుకుంది. అయితే దర్శకుడు సతీష్ కాసెట్టి కథను ఊహించుకోవడం బాగానే ఉన్నా, దానికి తగినట్టుగా నటీనటులను ఎంపిక చేసుకొన్నా, కథను సాఫీగా, సూటిగా, సుత్తి లేకుండా చెప్పడంలో పూర్తిగా తడబాటుకు గురయ్యాడు. సంజూ (విరాజ్ అశ్విన్) ని చంపే సీన్‌ తో కథను అత్యంత ఆసక్తిగా ప్రారంభించాడు. కానీ అదే క్యూరియాసిటీని ఆడియెన్స్‌ లో కొనసాగించలేకపోయాడనే చెప్పాలి. 

స్క్రీన్ ప్లే విషయంలో గందరగోళం కారణంగా ఒక మంచి పాయింట్‌తో వచ్చిన కథ ఆడియెన్‌ ను ఇంప్రెస్ చేయడంలో ఫెయిల్ అయిందనే చెప్పాలి. ఇక ఈ సినిమాకు మ్యూజిక్ మేస్ట్రో ఇళయరాజా సంగీతం ఇచ్చారు. కానీ కథలో కంటెంట్ బలంగా లేకపోవడం, సన్నివేశాలు పేలవంగా ఉండటం, స్టోరీలో క్లారిటీ లేకపోవడం వల్ల ఇళయరాజా కూడా తన మార్కు చూపించలేకపోయారనిపిస్తుంది. లక్ష్మీభూపాల డైలాగ్స్ ఫర్వాలేదనిపిస్తాయి. అరవింద్ కన్నాభిరాన్ సినిమాటోగ్రఫి బాగుంది. రాజీవ్ చిలక, మేఘా చిలక అనుసరించిన నిర్మాణ విలువలు బాగున్నాయి. కథ, కథనాలపై మరింత దృష్టి పెడితే డీసెంట్ థ్రిల్లర్ అయి ఉండేది. ఆ ఛాన్స్ మిస్ అయిందనే చెప్పాలి.

ఈ వారం థియేటర్లలో విడుదలైన "మరీచిక" మూవీ ప్రేక్షకుల నుండి బీలో యావరేజ్ రెస్పాన్స్ అందుకుంది. సరైన కథా కథనాలు లేకపోవడంతో మూవీ ఆర్టిస్ట్ లు కూడా బాగానే చేసినా, ప్రొడక్షన్ వాల్యూస్ బాగానే ఉన్నా, ఫలితం లేకపోయింది. దర్శకుడు సతీష్ కాసెట్టి సరైన స్క్రీన్ ప్లే రాసుకోవడంలో విఫలమయ్యారు.

ఇక ఓవరాల్ గా చూసుకున్నట్టయితే ఈ ‘మరీచిక’ చిత్రం మంచి పొటెన్షియల్ ఉన్న కథను తెరపై ఆవిష్కరించడంలో విఫలమై డిజప్పాయింట్ చేసే సైకలాజికల్ థ్రిల్లర్‌గా మిగిలిపోయింది. ఎంగేజింగ్ గా మార్చే స్కోప్ ఉన్నప్పటికీ స్లోగా సాగే డిజైన్ చేసుకున్న కథనం నిరాశ పరుస్తుంది. ఫైనల్ గా కథనంలో బలహీనత కారణంగా మరీచిక చిత్రం ప్రభావం చూపలేని బోరింగ్ థ్రిల్లర్ గా నిలిచిపోయింది.