Movie Reviews

సంతాన ప్రాప్తిరస్తు అంటూ ఆడియన్స్ ముందుకు వచ్చిన విక్రాంత్, చాందిని చౌదరి ఈ మూవీతో మంచి సక్సెస్ కొట్టాలని ఆడియన్స్ ముందుకు వచ్చారు. డైరెక్టర్ సంజీవ్ రెడ్డి రేర్ అండ్ డిఫరెంట్ కాన్సెప్ట్ ని తీసుకున్నాడు. దానికి ముందు అతడ్ని అభినందించాలి. సినిమాలో కూడా పెద్దగా కమర్షియల్ ఎలిమెంట్స్ ఓవర్ గా లేకుండా చెప్పాల్సిందాన్ని నీట్ గా చెప్పడంలో సక్సెస్ అయ్యాడు. బట్ అందులోనే ఆడియన్స్ కి ఇంట్రెస్టింగ్ గా స్క్రిప్ట్ ని అందించడం లో తడబడ్డాడు. క్లైమాక్స్ ఇంకా ఆసక్తిగా ఉంటె కనెక్ట్ అయ్యేవారు. కానీ సెకండ్ హాఫ్ లో బాగా ల్యాగ్ ఫీల్ వచ్చింది. అయితే నటీనటుల పెర్ఫార్మన్స్ కోసం, ఇలాంటి డిఫరెంట్ కాన్సెప్ట్ చూసే ఒక వర్గం ఆడియన్స్ కి సంతాన ప్రాప్తిరస్తు సినిమా నచ్చే అవకాశం ఉంది. బట్ రెగ్యులర్ ఆడియన్స్ అంతగా ఇంప్రెస్ అవకపోవచ్చు.

ప్రస్తుత కాలంలో తీసుకునే ఆహారం, పని ఒత్తిడి లాంటి సమస్యలే సంతాన లేమికి కారణం అవుతున్నాయి. దాన్ని ప్రధానాంశంగా తీసుకుని లవ్‌, కామెడీ ఎంటర్‌టైనర్‌గా 'సంతాన ప్రాప్తిరస్తు' సినిమాని తెరకెక్కించాడు దర్శకుడు సంజీవ్ రెడ్డి. ఇది కాస్త సీరియస్‌ సబ్జెక్టే అయినా ఎక్కడా లిమిట్స్‌ క్రాస్‌ చేయకుండా, ఎవరినీ నొప్పించకుండా లైటర్‌ వేలో దర్శకుడు ఈ చిత్రాన్ని తెరకెక్కించారు. అయితే లవ్‌స్టోరీ పరంగా రొటీన్‌గానే అనిపిస్తుంది. పిల్లల్ని కోరుకోవడం, ఆ తరుణంలో సాగే భావోద్వేగ సన్నివేశాలు, పతాక సన్నివేశం కదిలించేలా ఉన్నాయి. కథ పరంగా మంచిదే అయినా కాస్త ఎస్టాబ్లిష్డ్ ఆర్టిస్ట్‌లతో తీసుంటే ఈ సినిమా జనాల్లోకి బాగా వెళ్లేది. సినిమాలో నటీనటులు బాగానే పెర్ఫార్మ్ చేసినా, బలమైన పెద్ద ఆర్టిస్టులతో సినిమాని తీసుంటే, అప్పుడు ప్రమోషన్‌ బలంగా చేస్తే జనాలకు చేరువయ్యే అవకాశం ఉంది. ఓవరాల్ గా ఒకసారి చూసేలా అయితే ఉంది.

సంతాన వైఫల్యం, అంగస్థంభన లాంటి అంశాలను పాయింట్లుగా చేసుకొని రూపొందించిన యూత్‌ఫుల్, కామెడీ ఎమోషనల్ ఎంటర్‌టైనర్ సంతాన ప్రాప్తిరస్తు. తండ్రి కూతురు మధ్య డ్రామా, క్యూట్ లవ్ స్టోరి, ఆర్గానిక్ కామెడీ అంశాలు ఈ సినిమాకు ప్లస్‌గా మారాయి. విక్రాంత్, చాందిని చౌదరి తమ పాత్రల్లో ఆకట్టుకున్నారు. ఇక కథలో మురళీధర్ గౌడ్ ట్రాక్ చాలా రొటీన్ గా, రెగ్యులర్‌గా ఉంటుంది. ఇక వెన్నెల కిషోర్, అభినవ్, తరుణ్ భాస్కర్‌ కామెడీ హాయిగా నవ్వుకొనేలా ఉంటుంది. ఓవరాల్ గా కాన్సెప్ట్ పరంగా మెప్పిస్తుంది కానీ, రెగ్యులర్ మూవీ లవర్స్ ని కమర్షియల్ గా ఆకట్టుకోదు. కొత్త కాన్సెప్ట్ ఆశించే ఆడియన్స్ కి ఓ మోస్తరు కనెక్ట్ అవుతుంది. ఓవరాల్ గా పెద్దగా అంచనాలు లేకుండా వెళ్తే రెండు గంటలపాటు హాయిగా నవ్వుకొని వచ్చేలా డీసెంట్ గా సంతాన ప్రాప్తిరస్తు ఉంటుంది.

చిన్న చిన్న కాన్సెప్టుల‌తో సినిమాలు చేయ‌డం అంత ఈజీ ఏం కాదు. క‌థ‌నంలో ద‌మ్ముండాలి. క్యారెక్ట‌రైజేష‌న్లు కొత్త‌గా ఉండాలి. అప్పుడే కాన్సెప్టులు క‌థ‌ల‌వుతాయి. క‌థ‌లు సినిమాలుగా మార‌తాయి. ‘సంతాప ప్రాప్తిర‌స్తు’ కూడా కాన్సెప్టుని న‌మ్ముకొన్న క‌థే. దర్శకుడు ఎంచుకున్న పాయింట్ చాలా సున్నిత‌మైన‌ది. దాన్ని ఎక్క‌డా అస‌భ్య‌త లేకుండా చూపించ‌గలిగాడు ద‌ర్శ‌కుడు. ఈ విష‌యంలో మాత్రం మెచ్చుకోవాల్సిందే. రైటింగ్ ప‌రంగా ఇంకాస్త స్ట్రాంగ్ గా ఉండాల్సింది. ముఖ్యంగా ఎంట‌ర్‌టైన్‌మెంట్ సీన్లపై బాగా క‌స‌ర‌త్తు చేయాల్సింది. విక్కీ డోన‌ర్ సినిమా వ‌చ్చి పుష్క‌రం దాటింది. ఇలాంట‌ప్పుడు మ‌ళ్లీ అలాంటి క‌థ‌తో ఓ సినిమా చేస్తున్నామంటే.. క‌థ‌నంలో, పాత్ర‌ల చిత్ర‌ణ‌లో వైవిధ్యం చూపించాల్సిందే. ఈ విష‌యంలో ‘సంతాన ప్రాప్తిర‌స్తు’ కాస్త వెన‌క‌బ‌డింది. అయితే విక్రాంత్, చాందిని సహా ఇతర నటీనటులు తమ వంతు న్యాయం చేసారు. ఓవరాల్ గా అక్క‌డ‌క్క‌డ కొన్ని నవ్వుల కోసం, సాఫ్ట్ వేర్ ఉద్యోగులు త‌మ‌పై తాము వేసుకొనే సెటైర్ల కోసమైతే ఈ సినిమా చూడొచ్చు.

సంతానలేమి అనేది సెన్సిబుల్‌ సబ్జెక్ట్. ఇదే కాన్సెప్ట్ కి కొంత ఫన్‌, ఎమోషన్స్ ని జోడించి సంతాన ప్రాప్తిరస్తు మూవీని రూపొందించారు దర్శకుడు సంజీవ్‌ రెడ్డి. కాంటెంపరరీ అంశాలను ఇందులో బాగా చూపించారు. అయితే డైరెక్టర్ ఈ టాపిక్ ని నీట్ గా ప్రెజెంట్ చేసాడు గాని, ఆడియన్స్ కి కాన్సెప్ట్ బోర్ కొట్టేసింది. ఇంట్రెస్టింగ్ గా సెకండ్ హాఫ్ లేకపోవడం, బోరింగ్ క్లైమాక్స్ వల్ల కొంతవరకు ఆడియన్స్ డిస్సపాయింట్ అవుతారు. టెక్నికల్ గా సినిమాకి సునీల్‌ కశ్యప్‌ మ్యూజిక్‌ ప్లస్‌గా చెప్పొచ్చు. మహిరెడ్డి పండుగుల కెమెరా వర్క్ కలర్‌ఫుల్‌ గా ఉంది. ఆర్ట్ వర్క్ సైతం ఆకట్టుకుంది. సాయికృష్ణ గనల ఎడిటింగ్‌ కొంత ట్రిమ్‌ చేయోచ్చు. ప్రొడక్షన్‌ వ్యాల్యూస్‌ రిచ్‌గా ఉన్నాయి. దర్శకుడు సంజీవ్‌ రెడ్డి ఎంచుకున్న కథ బాగుంది. కానీ ఆశించిన స్థాయిలో సినిమాలో ఫన్‌ వర్కౌట్‌ కాలేదు. ఎమోషన్స్ వరకు వర్కౌట్‌ అయ్యాయి, కానీ ఇంకా బాగా చెప్పాల్సింది. కాకపోతే లవ్‌ స్టోరీలో ఎమోషన్‌ ని, తండ్రికూతుళ్ల మధ్య అనుబంధాన్ని మరింత బలంగా చూపిస్తే బాగుండేది.

పెళ్లి చేసుకున్నామా? పిల్లల్ని కన్నామా? అన్నదే కాకుండా.. సంతానం విషయంలో జాగ్రత్తగా ఉండకపోతే ఎలాంటి సమస్యలు వస్తాయి అనే విషయాన్ని కళ్లకి కట్టారు. చూడ్డానికి ఫన్‌గానే అనిపించినా కూడా.. తేడా కొడితే స్పెర్మ్ కౌంట్ కొట్టేస్తాది జాగ్రత్త అని అలర్ట్ చేసిన సినిమా ‘సంతాన ప్రాప్తిరస్తు’. సాఫ్ట్ వేర్ ఎంప్లాయ్‌గా విక్రాంత్ బాగానే సెట్ అయ్యాడు. తెలుగు హీరోయిన్ చాందిని చౌదరి.. తనకి ఏ పాత్ర ఇచ్చినా కూడా బాగా ఓన్ చేసుకుంటుంది. అటు తండ్రికి ఇటు భర్తకి మధ్య నలిగిపోయే పాత్రలో మెప్పించింది చాందినీ చౌదరి. అయితే స్క్రీన్ ప్లే పరంగా బాగా స్లో అయింది. సాంకేతికంగా.. భారీ ఆర్భాటాలు లేకుండా కథకి తగ్గట్టుగానే మ్యూజిక్, కెమెరావర్క్, మిగిలిన సెటప్‌ అంటా బాగా కుదిరింది. మహిరెడ్డి పండుగల కెమెరా వర్క్, మధుర శ్రీధర్ రెడ్డి నిర్మాణ విలువలు బాగున్నాయి. ఓవరాల్‌గా.. సంతాన సమస్యతో బాధపడే యువ జంటలు ఈ కథకి కనెక్ట్ అవ్వొచ్చు.

విక్రాంత్, చాందిని చౌదరి జంటగా నటించిన డిఫరెంట్ బోల్డ్ సబ్జెక్ట్ "సంతాన ప్రాప్తిరస్తు". సంజీవ్ రెడ్డి దర్శకత్వం వహించిన ఈ సినిమాకు సునీల్ కశ్యప్ మ్యూజిక్ ఇచ్చాడు. అయితే ఓవరాల్ గా సినిమా కంటెంట్ బాగున్నా, దాన్ని ఆడియన్స్ కి పూర్తి స్థాయిలో ఇంట్రెస్టింగ్ గా చెప్పడంలో తడబడ్డారు. సింపుల్ గా ‘సంతాన ప్రాప్తిరస్తు’ ఒక సున్నితమైన సబ్జెక్టుతో సాగే డీసెంట్ కామెడీ డ్రామా అని చెప్పవచ్చు. అలాగే సినిమాలో పాత్రలు వాటి చుట్టూ అల్లుకున్న కామెడీ కథనం ఈ చిత్రంలో ఎంగేజ్ చేస్తాయి. అలాగే విక్రాంత్, చాందిని ఇంకా మురళీధర్ గౌడ్ లు తమ పెర్ఫామెన్స్ లతో ఆకట్టుకున్నారు. అయితే ఎమోషనల్ పార్ట్ పై ఇంకొంచెం దృష్టి పెట్టుంటే ఈ సినిమా ఇంకా బెటర్ ఫీల్ కలిగించేది. దీంతో పాటు కొన్ని చోట్ల స్లో మూమెంట్స్ పక్కన పెడితే ఈ చిత్రం డిఫరెంట్ కాన్సెప్ట్ కోరుకునే ఆడియన్స్ కి మెప్పిస్తుంది.

రీమేక్ సినిమాలు ఈ మధ్య తెలుగు ఆడియన్స్ రిజెక్ట్ చేస్తున్న విషయం తెలిసిందే. అయినా సరే తెలుగు నేటివిటీ ఫ్లేవర్ తో ఆడియన్స్ ముందుకు వచ్చిన రీమేక్ సినిమా ఓం శాంతి శాంతి శాంతిః. తరుణ్ భాస్కర్, ఈషా రెబ్బ ఈ సినిమాలో భార్యాభర్తలుగా వాళ్ళ రోల్స్ లో ఇంప్రెస్ చేసారు. అలాగే ఫన్ ఎలిమెంట్స్ బాగున్నాయి. కాకపోతే స్టోరీలో కొత్తదనం లేదు కాబట్టి, ఒరిజినల్ చూసిన ఆడియన్స్ కి మళ్ళీ ఇది కనెక్ట్ అవడం కష్టమనే చెప్పొచ్చు. బట్ ఒరిజినల్ చూడని ఆడియన్స్ కి ఓ మోస్తరు నచ్చుతుంది. టెక్నికల్ వాల్యూస్ బాగానే ఉన్నాయి. సినిమాలో గోదావరి యాసని నేటివిటీని చక్కగా చూపించడం బిగ్గెస్ట్ ప్లస్ పాయింట్ గా చెప్పొచ్చు. బట్ ఆడియన్స్ సినిమాని థియేటర్లలో ఎంత వరకు ఆదరిస్తారనేది అసలు ప్రశ్న. ఓవరాల్ గా రెగ్యులర్ మూవీ లవర్స్ కూడా సినిమాని ఒకసారి చూడొచ్చు.

ఓం శాంతి శాంతి శాంతిః అంటూ ఆడియన్స్ ముందుకు వచ్చిన తరుణ్ భాస్కర్, ఈషా రెబ్బ ఆడియన్స్ ని ఆకట్టుకోవడంలో వాళ్ళ ప్రయత్నం బాగానే ఉందని తెలుస్తుంది, కానీ దర్శకుడు ఏఆర్‌ సజీవ్‌ కథనం పరంగా హ్యాండిల్ చేయలేదని చెప్పాలి. అలాగే కామెడీని వర్కౌట్‌ చేయడంలో సక్సెస్‌ కాలేకపోయారు. సినిమా మొత్తాన్ని లైటర్‌ వేలో తీసుకెళ్లారు. ఎమోషన్స్ వర్కౌట్‌ కాలేదు. దీంతో పాటు సినిమాలో హీరోయిన్‌ పెయిన్‌ తెరపై హైలైట్‌ కాలేదు. ఫన్‌ చాలా చోట్ల తేలిపోయింది. కొన్ని చోట్ల మాత్రమే వర్కౌట్‌ అయ్యింది. అయితే అమ్మాయిల విషయంలో తాను చెప్పాలనుకున్న సందేశం బాగుంది. దాన్ని మరింత ఎఫెక్టీవ్‌గా, ఎమోషనల్‌గా చెబితే బాగా కనెక్ట్ అయ్యేది. నిర్మాణ విలువలకు కొదవ లేదు. ఓవరాల్ గా మహిళల స్వేచ్ఛ, స్వాతంత్య్రం, సమానత్వానికి సంబంధించిన సందేశం విషయంలో సక్సెస్‌ అయిన ఈ మూవీ ఆడియెన్స్ ని ఎంగేజ్‌ చేయడంలో, నవ్వించడంలో మాత్రం సక్సెస్‌ కాలేకపోయింది.

ఈ మధ్య తెలుగులో రీమేక్ సినిమాలు తగ్గిపోయిన నేపథ్యంలో ఏడాది కింద అనౌన్స్ అయి తాజాగా రిలీజ్ అయిన సినిమా ఓం శాంతి శాంతి శాంతిః. అయితే ఈ సినిమా కొంచెం మిక్స్డ్ రివ్యూస్ తెచ్చుకుంది. అయితే తెలిసిన కథను మరింత ఆసక్తికరంగా వినోదాన్ని జోడించి తెరకెక్కిస్తే అలాంటి సినిమాలను తెలుగు ప్రేక్షకులు బాగానే ఆదరించారు. కానీ ఈ సినిమాలో రీమేక్‌ ను రీమేక్‌ గా ఆ చిత్రంలోని సహజత్వాన్ని ఆత్మను మిస్‌ అవ్వకుండా తీసినా ఆడియన్స్ కు ఆసక్తిగా అనిపించేంది. కానీ ' 'ఓం శాంతి శాంతి శాంతిః' విషయంలో ఆ ప్రయత్న లోపం కనిపించింది. అయితే ఒరిజినల్‌ వెర్షన్‌ చూడని వాళ్లకు మాత్రం ఈ సినిమా కొంత మేరకు సంతృప్తి పరుస్తుంది. కానీ పూర్తి స్థాయి సంతృప్తి, శాంతి మాత్రం కలగదు.

కామెడీ అండ్ ఎమోషనల్ ఎంటర్టైనర్ గా తెరకెక్కిన ఓం శాంతి శాంతి శాంతిః సినిమాలో చేపల వ్యాపారిగా, భార్య చేతిలో తన్నులు తినే అహంకారి అయిన భర్తగా తరుణ్ భాస్క‌ర్‌ అద్భుతమైన నటన కనబరిచారు. ఆయన కామెడీ టైమింగ్ సినిమాకు పెద్ద అసెట్ అని చెప్ప‌వ‌చ్చు. శాంతి పాత్రలో ఈషా ఒదిగిపోయారు. ముఖ్యంగా యాక్షన్ సీక్వెన్స్‌లలో ఆమె పర్ఫార్మెన్స్ సర్ ప్రైజ్ చేస్తుంది. ఇక బ్రహ్మాజీ, బ్రహ్మానందం తమ మార్కు మేనరిజమ్స్‌తో ప్రేక్షకులను కడుపుబ్బ నవ్వించారు. సాంకేతికంగా, జె క్రిష్ సంగీతం, బీజీఎమ్ కంటెంట్ కి తగ్గట్టుగా ఉంది. గోదావరి అందాలను కెమెరాలో బంధించిన తీరు బాగుంది. నిర్మాణ విలువలు బాగానే ఉన్నాయి. అయితే ఒరిజినల్ చూడని వారికే ఇది బాగా నచ్చుతుంది. ఒరిజినల్ చూసి ఉన్నా కూడా మన నేటివిటీ కోసం ఒకసారి చూడొచ్చు.

ఓం శాంతి శాంతి శాంతిః అంటూ ఆడియన్స్ ముందుకు వచ్చిన ఈ సినిమాలో గోదావరి యువకుడిగా తరుణ్ భాస్కర్ ఒదిగిపోయారు. నటనలో ఈషా రెబ్బాను తప్పు పట్టలేం. కానీ, శాంతి పాత్రకు ఆవిడ మిస్ మ్యాచ్. సెకండాఫ్ నుంచి తన ఇమేజ్ మ్యాచ్ చేసే రోల్ కావడంతో ఆయా సన్నివేశాల్లో బాగా చేశారు. బ్రహ్మజీ, బ్రహ్మానందం పాత్రలు నవ్వించాయి. సురభి ప్రభావతి, శివన్నారాయణ, బిందు చంద్రమౌళి తదితరులు ఓకే. పెళ్ళైన తర్వాత భర్త నుంచి భార్యలు ఏం కోరుకుంటున్నారు? సంసార జీవితం ఎలా ఉండాలని ఆశిస్తున్నారు? అనేది చెప్పే సినిమా 'ఓం శాంతి శాంతి శాంతిః'. సందేశానికి సున్నితమైన హాస్యం మేళవించి చెప్పాలని ప్రయత్నించారు. అటు సందేశం, ఇటు వినోదం... రెండింటిలోనూ ప్రేక్షకులకు చేరాల్సినంత మోతాదు లేదు. చేపల పులుసు చప్పగా సాగింది. ఒరిజినల్ చూడని ప్రేక్షకులు అసలు అంచనాలు పెట్టుకోకుండా వెళితే కాస్త ఎంజాయ్ చేసే అవకాశం ఉంటుంది.