Movie Reviews

సినిమా కొత్త కాన్సెప్ట్ బాగుంటుందనుకుని... ఎదో చించేద్దాం అనుకునెల్లా... బట్ వెళ్ళిన తర్వాత... లెక్క మారిపోయింది. సినిమా రొటీన్ టెంప్లేట్ లో ఉన్నా, పర్ఫెక్ట్ గా తీయాలి. ఈ సినిమాకి మాత్రం ఎం లేదు. సత్య గారి కామెడీ మాత్రం చాలా బాగుంది. అండ్ వరుణ్ తేజ్ గెటప్ ఈ సారి పేలలేదు. బేసిగ్గా వరుణ్ మూవీ సెలక్షన్ కూడా బాగుంటది కానీ. ఈ సినిమా రాంగ్ సెలక్షన్ అనిపించింది నాకు. 

అండ్ సినిమాని సూపర్ మ్యాన్ లెవెల్లో తీద్దామని ట్రై చేసినట్టు అనిపిస్తుంది. చాలా సీన్లు లాజిక్ లెస్ గా అనిపిస్తాయి. అండ్ సినిమాలో హీరోను ఎస్టాబ్లిష్ చేసే సీన్లు అస్సలు బాలేవు. అండ్ ఈ సినిమాలో కొరియా లో చాలామంది గన్స్ పట్టుకుని ఉండడం షాకింగ్ అనిపిస్తది. ఎందుకంటే నిజానికి కొరియా లో గన్స్ బ్యాన్డ్. అండ్ సినిమాలో అమ్యేచ్యురీష్ డైలాగ్ మాత్రం పేలింది. ఇక మ్యూజిక్ సాంగ్స్ అయితే చేతులెత్తేశారు. బట్ మ్యూజిక్ బాగుంది. బీజీఎమ్ చాలా సీన్స్ లో బాగుంది. ఫైనల్ గా నాకైతే మూవీ చాలా కష్టమండి. మీకెలా ఉంది చూసి చెప్పండి. 

కొరియన్ కనకరాజు.... 2 hours 45 minutes తో రిలీజ్ అయింది. సినిమా అయితే అలా కామెడీ సీన్స్ తో గడిచిపోయింది. ఇక ఫస్ట్ హాఫ్ అంతా కూడా కామెడీతో టైంపాస్ అయిపొయింది. అండ్ సెకండ్ హాఫ్ గురించి చెప్పాలంటే... ఈ మధ్య తెలుగు సినిమాల్లో ఎలా అయితే సెకండ్ హాఫ్ డౌన్ అయిపోతుందో... ఈ సినిమాలో కూడా అలాగే జరిగింది. ఏం చేయాలో తెలియక కామెడీ ఆక్టర్స్ ని పెట్టి కామెడీతో అలా అలా లాగించేసినట్టుంది.

ఇక ఫ్యామిలీ తో చూడొచ్చా అంటే అడల్ట్ కంటెంట్ ఎం లేదు చూడొచ్చు. అండ్ క్లైమాక్స్ లో పార్ట్ టు అని అనౌన్స్ చేసారు... ఏ ధైర్యంతో అలా చేసారో ఏమో. ఇక వరుణ్ తేజ్ పెర్ఫార్మన్స్ బాగుంది. నెగిటివ్ షేడ్స్ కూడా బాగున్నాయి. ఇక సినిమాలో మేజర్ హైలెట్స్ సత్య కామెడీనే. బాగా నవ్వుకోవచ్చు. ఇక హీరోయిన్ కి పెద్దగా ఇంపార్టెన్స్ లేదు. థమన్ మ్యూజిక్ కూడా బాగుంది. మైనస్ ఏంటంటే రొటీన్ స్టోరీ, కాన్సెప్ట్ మొత్తం ట్రైలర్ లోనే చెప్పేసారు. ఫైనల్ గా మూవీని కామెడీ కోసం ఓసారి ట్రై చేయొచ్చు. ఇక రేటింగ్ ఇవ్వాలంటే నా రేటింగ్ 2.75/5

మూవీ రివ్యూ అఫ్ ది ఫిలిం డిసి. ఈ సినిమా ఒక సీరియస్ టోన్ లో ఈవెంట్ బేస్డ్ ఫిలిం అనమాట. ఎటువంటి కామెడీ ట్రాక్స్ లేకుండా, స్టోరీ కి స్ట్రిక్ అయి స్ట్రయిట్ గా వెళ్లిపోయే సినిమా ఇది. అండ్ ఈ సినిమాకి డిసి అనే టైటిల్ కన్నా, గన్స్ అండ్ రొసెస్ అనే టైటిల్ పర్ఫెక్ట్ గా సరిపోతుంది ఈ సినిమాకి. 

ఇక ఈ సినిమాకి ఎటువంటి డీవియేషన్స్ పెట్టుకోకుండా పాయింట్ టు పాయింట్ వెళ్లిపోయారు. అండ్ సినిమాలో లోకేష్ కానగరాజ్ పెర్ఫార్మన్స్ కూడా అదిరిపోయింది. ఆ లుక్స్ కూడా క్యారెక్టర్ రోల్ కి తగ్గట్టు మ్యాచ్ అయింది. అండ్ వామికా గబ్బి కూడా సూపర్ గా చేసారు. ఇక సినిమాలో కొన్ని సినిమాటిక్ లిబర్టీ వాడి కొన్ని సీన్స్ బాగా చేసారు. అండ్ సినిమాకి బిగ్గెస్ట్ ప్లస్ పాయింట్ అనిరుద్ మ్యూజిక్. అన్ని సీన్స్ కి ఫ్రెష్ మ్యూజిక్, ట్రెండ్ సెట్టింగ్ మ్యూజిక్ ఇచ్చాడు. ఓవరాల్ గా చెప్పాలంటే బాగుంది సినిమా. 

అండ్ సినిమాలో కామెడీ, ఫన్ మాత్రం ఎక్స్పెక్ట్ చేయకండి. యాక్షన్ మాత్రమే చూడండి. మంచి ఐ ఫీస్ట్ ఇస్తుంది.

సో లోకేష్ కానగరాజ్ సినిమా డిసి చూసొచ్చాను. సినిమా ఎలా ఉందంటే బానే ఉంది. గ్రేట్ అని కాదు గాని, పర్లేదు చూసేలానే ఉంది. అండ్ సినిమా చిన్న స్టోరీనే బట్ మంచి స్క్రీన్ ప్లే రాసారు. ఈ సినిమాలో నాకేం నచ్చిందంటే స్పెషల్లీ అనిరుద్ మ్యూజిక్ బాగా నచ్చింది. ర్యాంప్ ఆడించారు. టెక్నికల్లి కూడా సినిమా చాలా అంటే చాలా బాగుంది. కాకపోతే సినిమాలో తమిళ్ నేటివిటీ బాగా ఎక్కువైంది. ఎదో మణిరత్నం స్టయిల్లో ఏదో చెప్దామని ట్రై చేసారు. 

అండ్ ఆక్షన్ సీన్స్ అయితే అదిరిపోయాయి. ఇక్కడవరకైతే బాగానే ఉంది. కాకపోతే సినిమాలో ఎదో యూనిక్ పాయింట్ తీసుకున్నారా అంటే ఎం లేదు. వైలెన్స్ కూడా ఎక్కువైంది. కొన్ని సీన్స్ అయితే నాకు చాలా చిరాకేసింది. పెర్ఫార్మన్స్ వైస్ మాత్రం టూ గుడ్. స్పెషల్లీ వామికా గబ్బి చాలా బాగా చేసింది. అండ్ లోకేష్ కానగరాజ్ అయితే సలార్ లో ప్రభాస్ లాగా ఎక్కువగా మాట్లాడాడు. అలా పని చేసుకుంటూ పోతాడు. చాలా వన్ టోన్ గా క్యారెక్టర్ పోతా ఉంటది. ఇక డైరెక్టర్ అరుణ్ మాధేశ్వరన్ గురించి చెప్పాలంటే తన లాస్ట్ మూవీ కంటే బెస్ట్ గా తీశారు. ఓవరాల్ గా ఇట్స్ ఏ డీసెంట్ మూవీ. 

"డీసీ". ఈ సినిమాలో చెప్పాలంటే ఇద్దరు హీరోలున్నారు. ఒకరు లోకేష్ కానగరాజ్, ఇంకొకరు అనిరుధ్. హీరోయిన్ వచ్చేసి వామిక గబ్బి. ఇక సినిమా గురించి చెప్పాలంటే... అదిరిపోయింది సినిమా. మాములుగా లేదు. మాస్ కమర్షియల్ సినిమా.. దానికి రీసన్ ఏంటంటే.. ముందుగా అనిరుద్ గారు ఈ సినిమాకి వంద పెర్సెంట్ వర్క్ ఇస్తారనుకుంటే 500 పర్సెంట్ ఇచ్చారు. నిజానికి అనిరుద్ మ్యూజిక్ ఈ సినిమాకు లేకపోతే అంతా డొల్లే. madness మ్యూజిక్. 

అండ్ సినిమా కూడా చాలా బాగుంది. లోకేష్ కూడా హీరోగా గ్రాండ్ డెబ్యూ ఇచ్చారని చెప్పాలి. పెర్ఫార్మన్స్ కూడా చాలా బాగుంది. అండ్ వామికా గబ్బి కూడా టూ గుడ్ అసలు. స్టోరీ చిన్నగా ఉంది కానీ, స్క్రీన్ ప్లే అయితే స్ట్రాంగ్ గా రాసుకున్నారు. డైరెక్టర్ కూడా టూ గుడ్ హ్యాండిల్ చేసారు. అండ్ సినిమాకైతే నేను 4.5 రేటింగ్ ఇస్తాను. ఫైనల్ గా సోది లేకుండా ఒక్క ముక్కలో ఈ డిసి సినిమా గురించి చెప్పాలంటే.. its a story between a gun and a plastic flower. అండ్ ఈ సినిమాతో లోకి హీరోగా 100 కోట్ల క్లబ్ లో కూడా చేరే ఛాన్స్ ఉంది.

DC... డైరెక్టర్ లోకేష్ కానగరాజ్ హీరోగా చేసిన ఫస్ట్ మూవీ. సినిమాపై పెద్దగా అంచనాలు లేవు కాని, అనిరుద్ మ్యూజిక్ ఎంజాయ్ చేద్దామని వెళ్ళాను, కానీ సినిమా ఇంటర్వెల్ సీన్ నుండి మొత్తం మారిపోయింది. స్పెషల్లీ వామికా గబ్బి ఎంటరైన తర్వాత స్పీడ్ గా ఎల్తుంది. సెకండ్ హాఫ్ కూడా బానే వెళ్ళిపోయింది. ఆక్షన్ మూవీస్ ఇష్టపడే వాళ్ళకి బాగా నచ్చుతుంది. స్పెషల్లీ బీజీఎమ్ అదిరిపోయింది. 

అండ్ సినిమా స్టోరీ పరంగా చూస్తే కొత్త రైటింగ్ అని చెప్పలేం. కానీ ఎంగేజింగ్ స్క్రీన్ ప్లే ఉంటది. ఉన్న తక్కువ క్యారెక్టర్స్ తోనే డ్రామా బాగా బిల్డ్ చేసారు. అండ్ సినిమాలో వైలెన్స్ ఎక్కువగా ఉంటది కాబట్టి ఫ్యామిలీస్ కాస్త అలోచించి వెళ్తే బెటర్. అండ్ సినిమాలో హీరో కన్నా హీరోయిన్ కి బాగా ఇంపార్టెన్స్ ఉంటుంది. ఇక టైటిల్ కి తగ్గట్టే సినిమాలో హీరోహీరోయిన్ల కెమిస్ట్రీ బాగా న్యాచురల్ గా ఉంది. ఫైనల్ గా లోకి కి ఇది గ్రాండ్ డెబ్యూ అని చెప్పాలి. ఇక మైనస్ అంటే చాలా సింపుల్ స్టోరీ, అండ్ ఆక్షన్ మూవీ లవర్స్ కి మాత్రమే నచ్చే ఛాన్స్ ఉంది. మాస్ ఆక్షన్ లవర్స్ కైతే ఐ ఫీస్ట్. అండ్ నా రేటింగ్ ఈ సినిమాకి 3.25/5 

"డిసి". డైరక్టర్ లోకేష్ కానగరాజ్ ఫస్ట్ టైం హీరోగా నటించాడు. దేవదాస్ స్టోరీ ని తీసుకుని మార్చి కమర్షియల్ గా డిఫరెంట్ గా తీశారు. సినిమా చూసాక నా ఒపీనియన్ చెప్పాలంటే.. ఇస్ a decent engeging action movie అనిపించింది. సినిమాకి మెయిన్ హైలెట్ గా బిగ్గెస్ట్ ప్లస్ పాయింట్ అనిరుద్. మెయిన్ హీరో కూడా తానే అనిపించాడు. ఎందుకంటే సినిమాకి ఇచ్చిన మ్యూజిక్ అలాంటిది. స్పెషల్లీ బీజీఎమ్ అయితే కుమ్మేసాడు. 

అండ్ సినిమాలో లోకేష్ కానగరాజ్ డైరెక్టర్ గా ఎలాంటి సత్తా ఉన్నవాడో తెలిసిందే. ఇప్పుడు ఆక్టర్ గా డీసెంట్ అనిపించాడు. ఇక సంజనా, వామిక గబ్బి కూడా అదరగొట్టారు. ఇక యాక్షన్ బ్లాక్స్ కూడా అదిరిపోయింది. ఇక సినిమా టెక్నికల్ గా కూడా సూపర్. కొన్ని షాట్స్ అయితే మైండ్ లోంచి పోవు. బట్ ఎడిటింగ్ లో కొంచెం ట్రిమ్ చేయాల్సింది. ఫైనల్ గా చెప్పాలంటే లోకి హీరోగా డీసెంట్ డెబ్యూ ఇచ్చాడని చెప్పాలి. 

తమిళ్ లో వన్ ఆఫ్ ది క్రేజీ డైరెక్టర్స్ లో ఒకరిగా పేరున్న లోకేష్ కనగరాజ్ (Lokesh Kanagaraj) హీరోగా మారి తీసిన మొదటి సినిమా డిసి(DC) ఆడియన్స్ ముందుకు డీసెంట్ అంచనాల నడుమ రిలీజ్ అయింది. కథగా చెప్పాలి అంటే చాలా నార్మల్ పాయింట్ తోనే తెరకెక్కిన DC మూవీ స్క్రీన్ ప్లే కూడా, మొత్తం యాక్షన్ సీన్స్ గన్స్, కత్తులతోనే నిండిపోయి ఉంటుంది. కానీ రెండున్నర గంటల సినిమాలో చాలా పార్ట్ బోర్ ఏమి కొట్టకుండా మొత్తం కూర్చుని చూసేలా చేశాడు మ్యూజిక్ డైరెక్టర్ అనిరుద్. హీరోగా లోకేష్ కనగరాజ్ ఆ పాత్రకి సెట్ అయ్యేలా సటిల్డ్ పెర్ఫార్మెన్స్ తో ఆకట్టుకోగా మిగిలిన యాక్టర్స్ పర్వాలేదు అనిపించేలా యాక్ట్ చేయగా అందరి కన్నా బెటర్ గా క్యారెక్టర్ ఆర్క్ తో మెప్పించి వామిక గబ్బి ఫుల్ మార్కులు కొట్టేసింది. 

ఇక డైరెక్టర్ సింపుల్ కథని వైలెన్స్ ను ఒక పొయెటిక్ వేలో చెప్పే క్రమంలో స్లో నరేషన్ ఉన్నా కూడా అనిరుద్ టెర్రిఫిక్ మ్యూజిక్ అండ్ బ్యాగ్రౌండ్ సినిమాను సేఫ్ చేయడమే కాదు ఏం సినిమారా అనిపించేలా చేసింది. ఓవరాల్ గా ఎక్స్ లెంట్ టేకింగ్, కొన్ని ఎక్స్ లెంట్ పెర్ఫార్మెన్స్ అలాగే అన్నింటికీ మించి అనిరుద్ బ్యాగ్రౌండ్ స్కోర్ కోసం ఈజీగా చూడొచ్చు ఈ సినిమాను ఓవరాల్ గా సినిమాకి మా రేటింగ్ 3 స్టార్స్.

గ్యాంగ్ స్టర్ నేపథ్యంలో సాగే రివేంజ్ యాక్షన్ డ్రామాకు కాస్త ఎమోషన్స్ జోడించి రా అండ్ రస్టిక్ గా తెరకెక్కించిన చిత్రం డిసి. అయితే కథగా ఇదేమీ కొత్తది కాదు. రెగ్యులర్ గ్యాంగ్ స్టర్ డ్రామానే. ఫ్రెండ్ షిప్, ఎమోషన్స్ ను జోడించి బాగానే డ్రైవ్ చేసినా… హింసాత్మక సన్నివేశాలు ఎక్కువ కావడం, యాక్షన్ కు పెద్ద పీట వేయడం వల్ల కథలోని అసలు ఫ్లేవర్, ఎమోషన్స్ సైడ్ అయి పోయిన భావన కలుగుతుంది.

ఈ సినిమాకు మేజర్ ఎసెట్ సంగీతం. అనిరుధ్ నూటికి నూరు శాతం తన పనికి న్యాయం చేశాడు. ముఖేష్. జి సినిమాటోగ్రఫీ స్టోరీకి, నేటివిటీకి తగ్గట్టుగా ఉంది. ఎడిటింగ్ కూడా ఫర్వాలేదు. ‘ప్రాణంలేని పువ్వు, ప్రాణం తీసే తుపాకీ ముందుకు నడిపిస్తున్నాయి’ లాంటి కొన్ని డైలాగ్స్ ఆకట్టుకుంటాయి. నిర్మాణ విలువలు బాగున్నాయి. రొటీన్ కథే అయినా దర్శకుడు నడిపించిన తీరు ఆకట్టుకుంటుంది. పూర్తిగా హింసతో యాక్షన్ కు ఎక్కువ స్పేస్ ఇవ్వడంతో ఒక సెక్షన్ ఆడియన్స్ కు నచ్చకపోవచ్చు. గ్యాంగ్ స్టర్ సినిమాలు ఇష్టపడేవారికి మాత్రం సినిమా నచ్చుతుంది. దర్శకుడిగానే కాదు... లోకేశ్ హీరోగా కూడా కంటిన్యూ కావచ్చు అనిపిస్తుంది.

Arun Matheswaran teamed up with the director-turned-actor Lokesh Kanagaraj for DC, a film based on Devdas, a hugely popular novel by Sarat Chandra Chattopadhyay. Wamiqa Gabbi and Sanjana Krishnamoorthy, played the female lead roles, while Anirudh Ravichander, scored the music and Sun Pictures produced the film. 

Positives:

1.⁠ ⁠Background Score

2.⁠ ⁠Screenplay & Direction

3.⁠ ⁠Actors Performances

4.⁠ ⁠Dialogue Writing

5.⁠ ⁠Utmost Honesty In Narration

6.⁠ ⁠Pre-Interval to Climax

Negatives:

1.⁠ ⁠Editing In Parts

2.⁠ ⁠Excessive Violence

Overall, DC is a stunning addition to the list of films which are based on Devdas. It is brutal, honest, realistic, philosophical, poetic and yet very engaging and entertaining. Arun Matheswaran, Anirudh and the team came up with an emotional action spectacle that has every chance to touch your heart and make you root for the lead characters unconditionally. And yes, finally, the director, Arun Matheswaran, has every chance to score his much-deserved first commercial success with, DC. Go, watch it and fall in love with Das, Chandra and their unadulterated world.

డీసీ మూవీకి దర్శకుడు ఎంచుకున్న మార్గం చాలా షార్ట్ అండ్ షార్ప్‌గా ఉంది. పైకి కేవలం క్రైమ్ డ్రామాలాగా కనిపించినా, లోపల బలమైన సామాజిక అంశాన్ని, పేదల విద్యా హక్కును చర్చించారు. హీరో పాత్రను తీర్చిదిద్దిన విధానం చాలా కొత్తగా అనిపిస్తుంది. విశ్రాంతి సమయానికి ముందు వచ్చే పోరాట సన్నివేశాలు అద్భుతంగా పండాయి. ఎన్నాళ్ళయిందో ఒక అదిరిపోయే ఇంటెన్స్ యాక్షన్ డ్రామా చూసి.. DC తో ఆ లోటు తీరిపోయిందని ఆడియన్స్ ఖచ్చితంగా అనుకుంటారు. 

పీక్ సినిమాటిక్ ఎక్స్పీరియన్స్ అంటారు కదా అలాంటిదే ఈ సినిమా.. వెరీ ఫస్ట్ సీన్ నుంచి క్లైమాక్స్ వరకు ఎడ్జ్ ఆఫ్ ది సీట్ అన్నట్టు తీశాడు దర్శకుడు అరుణ్ మాదేశ్వరన్. ఇదేమీ తెలియని కథ కాదు.. ఎన్నో సినిమాల్లో చూసిన కథే.. సమాజానికి ఎదురెళ్లే ఒక గ్యాంగ్ స్టర్.. సమాజం చేతిలో మోసపోయిన ఒక అమ్మాయి.. కలిసి చేసే ప్రయాణమే డిసి సినిమా. ఇక సినిమాని మెజారిటీ నిలబెట్టింది అనిరుధ్ బీజీఎమ్. ఇటు దర్శకుడు అరుణ్ మాదేశ్వరన్ తన మేకింగ్ స్టైల్ చూపించాడు.. మరోసారి పోలీసుల చేతిలో అణిచివేయబడుతున్న సామాన్యుల కథనే తీసుకున్నాడు. ఓవరాల్‌ గా డిసి.. గన్స్ అండ్ రోజెస్.. మంచి సినిమాటిక్ ఎక్స్‌పీరియన్స్..!

ఖైదీ.. విక్రమ్.. లియో.. కూలీ చిత్రాలతో మంచి క్రేజ్ సంపాదించుకున్న తమిళ యువ దర్శకుడు లోకేష్ కనకరాజ్ హీరోగా నటించిన చిత్రం.. డీసీ. అరుణ్ మాదేశ్వరన్ దర్శకత్వంలో సన్ పిక్చర్స్ నిర్మించిన ఈ చిత్రం తమిళ - తెలుగు భాషల్లో ఈ రోజే ప్రేక్షకుల ముందుకు వచ్చింది.

సినిమా అంత గొప్పగా లేకపోయినా పాటల వల్ల ఆడేయడం ఒకప్పటి రోజుల్లో జరిగేది. చరిత్రలో అందుకు చాలా ఉదాహరణలే కనిపిస్తాయి. కానీ ఇప్పుడు అలాంటి మ్యాజిక్స్ జరగట్లేదు. అందుకు మారిన పరిస్థితులు.. ప్రేక్షకుల అభిరుచి కారణం. ఈ రోజుల్లో కేవలం మ్యూజిక్ వల్ల ఒక సాధారణమైన సినిమా కూడా మెరుగ్గా అనిపించడం చాలా అరుదే. ఆ అరుదైన జాబితాలో ‘డీసీ’ నిలుస్తుంది. ఈ సినిమా కథ గురించి చెప్పడానికి పెద్దగా ఏం లేదు. అయినా సరే.. ‘డీసీ’ బోర్ కొట్టకుండా సాగిపోయేలా చేయడంలో అరుణ్ మాదేశ్వరన్ టేకింగ్ కొంత పాత్ర పోషిస్తే.. మేజర్ క్రెడిట్ అనిరుధ్ రవిచందర్ కే చెందుతుంది. 

ఓవరాల్ గా డిసి ని ఒక మామూలు కథనే, అందంగా తెరపై ప్రెజెంట్ చేశాడు. దర్శకుడి అభిరుచిని చాటే సన్నివేశాలు చాలానే ఉన్నాయీ సినిమాలో. ముఖ్యంగా తొలిసారి తన గది దాటి బయటి ప్రపంచంలోకి అడుగు పెట్టిన వేశ్య భావోద్వేగాన్ని చూపించే సన్నివేశాల్లో దర్శకుడి మార్కు కనిపిస్తోంది. చివరగా: డీసీ.. అనిరుధ్ షో..